Saam 20 - Intas Etipup

SAAM 20.

1 Era imiahpas natimarid ura a nup an nakalasia va niji auritai esjilid o un. 7 Et asgeig ira Atua a Tevit par imicoho yin.

¹ ETMU atahaijeg intas unyum a Ihova an nopan ohocred unyum; uhmu imiaridjai euc va nidai Atua u Jekob;

² etmu atau imi euc aien an nuarin itap o un; etmu lep ahes an nedoon Saion nemda unyum;

³ etmu imiehva niji itai ahlap eh caig asega unyum aien, um leh upene niji itai ahlap unyum er atnamud. Sila.

⁴ Etmu alupai euc nitai merit u inliinmopom aien, um ehneijid naktaktai asega unyum.

⁵ Ecrumu imiacitak aijama va nimiatamaig cama unyum; ecrumu cediaig alupas aijama an nidam, ak Atua unyima; etmu adai intas ugyi asega unyum a Ihova.

⁶ Ek idim ato ainyak mika et mun imiatamaig yin a Ihova is ati yin aien; etpu atahaijeg intas o un aien an nohatag itap o un, um imiatamaig yin an matan emda.

⁷ Era aktaktai itai atga ura nahaiji atimi, era lep aktaktai hors ura nahaiji ra: ja ecrupu aktaktai nidai Ihova Atua unyima aijama.

⁸ Era mun apakapak ara um eropropse; ja ecra mun atidai aijama um aiji aktit.

⁹ Ak Ihova, namu imiatamaig cama aiek: etmu atahaijeg cama a Natimarid an nopan nahlaig unyima.