Saam 2 - Intas Etipup

SAAM 2.

1 Intas va nelcau u Kristo. 10 Er ated ilpu atimarid mika eri leh intas o un.

¹ ERA a uri a nup urai elcau par ehtauo, era lep a uri a nup urai pece par aktaktai intakitai?

² Era atidai a ilpu atimarid an nobohtan, era lep tas jipe a ilpu atimi alupas, um aat irai Ihova, im lep vai yin is ati yin aien, um ika,

³ Intumu atgeig yi amud inwau urau akaija, um erekhaig pan jaula urau eheleija.

⁴ Etpu laav aien et ateuc an nohatag aien: etpu imiafakahcil ra a Natimarid.

⁵ Etpu lep tas tavaitap ehele ra aien, um ika yi ehioehio inliinmopora ara va nedemda alupas o un.

⁶ Jai kis ati natimarid unyak ainyak ijinies u Saion, nedoon itap unyak.

⁷ Ekpu asuptecnaig intas alep ainyak: is ika ehelek a Ihova, Nai Hal unyak aiek; ek mun apos euc ainyak an nadiat inigki.

⁸ Namu ugyi nyak aiek; ja ekpu alupai euc nup urai iji pece ainyak, mika eri unyum, im lep nobohtan asega mika an ohuun aiek.

⁹ Napu auud yi oplecoplec ra aiek an nelop hat; napu auhoig yi agrei ra aiek, et idivaig nipjinitai er ago an tan apol.

¹⁰ Va nitai inigki, akumu arapakau aijaua, ak ilpu atimarid: im lep inig, akumu aktaktai aijaua, ak ilpu atimi alupas an nobohtan.

¹¹ Akumu imtitai Ihova aijaua, um atpuse an unhup o un; akumu lep imiacitak aijaua um eucjeucjeucaij.

¹² Akumu aijumnyi Inhal o un aijaua, vai yi jim edemda aien; im lep inig, akupu emesmas aijaua an nefalaig has unyimia; etpu idim auroauro um ere intavaitap o un. Era mun ahesmoij ara asega era asgeig iran ara.