Saam 150 - Intas Etipup

SAAM 150.

1 Intas ahugni atimi nigki mika eri imiahpas Atua ara, 3 irai itai er ahlai iran, im lep irai itai er atcei iran.

¹ AKUMU imiahpas Ihova aijaua. Akumu imiahpas Atua anliin neom itap o un: akumu imiahpas yin aijaua an nauanohatag, et esjilid nemda o un iran.

² Akumu imiahpas yin aijaua va niji auritai esjilid o un: akumu imiahpas yiu aijaua et idivaig natimi alupas esjilid o un.

³ Akumu imiahpas yin aijaua an nohran toho: akumu imiahpas yin aijaua irai saltere im harp.

⁴ Akumu imiahpas yin aijaua irai timbrel im inhutlavlav: akumu imiahpas yin aijaua irai itai et amen inya iran im niji atarau.

⁵ Akumu imiahpas yin aijaua irai simbal et upoupo nohran: akumu imiahpas yin aijaua irai simbal et ijinies nohran.

⁶ Erumu imiahpas Ihova niji itai umumoh asega. Akumu imiahpas Ihova aijaua.