Saam 149 - Intas Etipup

SAAM 149.

1 Et ahugni atimi a naprofeta mika eri imiahpas Atua, vaig inig nikavaig, et aiyu inliinmopon aien va nup an nakalasia o un, 5 im lep va nemda inig et alupai ra aien.

¹ AKUMU imiahpas Ihova aijaua. Akumu acesaces nohranitai mat vai Ihova aijaua um imiahpas yin an nasjapicnaig u ilpu atimi upene o un.

² Erumu imiacitak yin a nup Isreel is ago ra aien: erumu imiacitak Natimarid ura a nup u Saion.

³ Erumu imiahpas jipe nidan ara um adedikjai: erumu acesaces nohraiitai vai yin ara irai timbrel im harp.

⁴ Et imiacitak ilpu atimi o un a Ihova: etpu yecrei ilpu atimi et upoupo inliinmopora aien an nitai imiatamaig ra.

⁵ Erumu imiacitak a ilpu atimi upene va namen upene ura: erumu lep acesaces nohraiitai ijinies ara irai tinara.

⁶ Etmu amen nimiaphas u Atua an nipjineucsera, im nauitoga et arig nahaijin im nahaijin au nikmara;

⁷ par ago neruvaig irai nup urai iji pece, um ated nup urai iji elcau;

⁸ um arore ilpu atimarid ura irai atau hat, im ilpu atimi alupas ura irai itai ahtehgaig hat;

⁹ um ago neruvaig iyehki ira ra eris aged: et eteuc nedo ecen inigki vai ilpu atimi upene o un asega. Akumu imiahpas Ihova aijaua.