Saam 142 - Intas Etipup

SAAM 142. Et ika a Tevit, is wat ohocred aien is eropse inliinmopon aien vanalaigaheni o un va Atua. Nohranitai u Tevit nigki par esege imi atimi: Intas alaigaheni o un nigki, is wat amen an mun nij aien.

¹ EK ahlaig vai Ihova ainyak an nohrak; ek ugyi itai ehele Ihova ainyak an nohrak.

² Ek asaig upene intas taigtaig unyak ainyak an nuhup o un; ek asuptecnaig nohocred unyak ainyak an nuhup o un.

³ Et idim ohocred inliinmopok ainyak, na lep ato nefalaig unyak aiek. Era mun ati nopoig vai nyak ara an nefalaig ek atga iran ainyak, jam eti asaig.

⁴ Ek yias pan an matak ainyak um almoi, ja et eti ato nyak tah natimi: er eti aiheuc vai nyak; et eti aktaktai nyak tah natimi.

⁵ Ak Ihova, et mun ahlaig vai euc ainyak: ek mun ika ainyak, Na uarin atpuh iran unyak aiek, im niji itai upene unyak an pece u ilpu atimi umumoh.

⁶ Namu atahaijeg nahlaig unyak aiek; et esjilid nauatialidi unyak: namu imiatamaig nyak aiek vai ilpu atimi edemda vai nyak; nikavaig, era esjilid irak ara.

⁷ Namu atipagki nyak anliin neom ipjin aiek, va uhpu ago naaurinig va nidam: erupu amen arehed irak a ilpu atimi upene, nau wit ago nedo upene vai nyak aiek.