Saam 136 - Intas Etipup

SAAM 136.

Intas ahugni atimi nigki, mika eri imiahpas Atua ara va nedo aiheuc esjilid o un.

¹ AKUMU ago naaurinig vai Ihova aijaua; et idim upene aien: et amen naiheuc o un irai iji mesese.

² Akumu ago naaurinig vai Atua esjilid acen aijaua: et idim amen naiheuc o un irai iji mesese.

³ Akumu ago naaurinig vai Natimarid esjilid acen aijaua: et idim amen naiheuc o un irai iji mesese.

⁴ Et ago nedo imiali esjilid aien ache: et idim amen naiheuc o un irai iji mesese.

⁵ Is ago nohatag aien an narapakau o un: et idim amen naiheuc o un irai iji mesese.

⁶ Is ati nobohtan aien mika yi ijinies au jap: et idim amen naiheuc o un irai iji mesese.

⁷ Is ago niji itai lah alupas aien: et idim amen naiheuc o un irai iji mesese:

⁸ nagesega marom mika yi esjilid an nadiat: et idim amen naiheuc o un irai iji mesese:

⁹ is ago inmohoc aien im inmoijeuv mika yi esjilid an nepig: et idim amen naiheuc o un irai iji mesese.

¹⁰ Is auud ilpu halav atamaig inmeto u nup Ijipt aien: et idim amen naiheuc o un irai iji mesese:

¹¹ um iknipakgi nup Isreel ehele ra: et idim amen naiheuc o un irai iji mesese:

¹² an nikman emda, im nikman is atgeig yi apidi aien: et idim amen naiheuc o un irai iji mesese.

¹³ Is atiakoai sjipe Injap cap aien: et idim amen naiheuc o un irai iji mesese:

¹⁴ um atau irai up Isreel an niblan jap: et idim amen naiheuc o un irai iji mesese:

¹⁵ jam erekhaig se Fero im ilpu eucsupo o un au Jap cap: et idim amen naiheuc o un irai iji mesese.

¹⁶ Is atau irai ilpu atimi o un an namasacen aien: et idim amen naiheuc o un irai iji mesese.

¹⁷ Is auud ilpu atimarid esjilid aien: et idim amen naiheuc o un irai iji mesese:

¹⁸ um atgei ilpu atimarid emda: et idim amen naiheuc o un irai iji mesese:

¹⁹ is atgei Saihon natimarid u nup Emor aien: et idim amen naiheuc o un irai iji mesese:

²⁰ im Oc natimarid an pece Besan: et idim amen naiheuc o un irai iji mesese:

²¹ um ahtai inpece ura imi nup Isreel par ohuun: et idim amen naiheuc o un irai iji mesese:

²² nitai ohuun imi nup Isreel marom ilpu aheca o un: et idim amen naiheuc o un irai iji mesese.

²³ Is imiehva caija aien an nihkin natimi uja: et idim amen naiheuc o un irai iji mesese:

²⁴ is imiatamaig caija aien vai ilpu atimi tak atimi iraija: et idim amen naiheuc o un irai iji mesese.

²⁵ Et alupai niji itai umumoh asega niji itai hegaig incara aien: et idim amen naiheuc o un irai iji mesese.

²⁶ Akumu ago naaurinig vai Atua an nohatag: et idim amen naiheuc o un irai iji mesese.