Saam 129 - Intas Etipup

SAAM 129.

1 Er ahugni atimi mika eri imiahpas Atua, va nedo o un, par imiatamaig nup Isreel va niji ohocred alupas ura. 5 Er asan tas ahlaijaig vai ilpu atimi amcel vai nup an nakalasia.

¹ ERUMU ika a nup Isreel, Eris ecahinag ehcerucai cama ara ahes an halav unyima um imihum pam an nopan inig:

² eris ecahinag ehcerucai cama ara ahes an halav unyima um imihum pam an nopan inig: ja eris eti esjilid irama ara.

³ Eris ahapol an cehema a ilpu atimi ahapol: is opra nahapol ura.

⁴ Et atoh nedo o Ihova: is ahtamud inwau u ilpu atimi auatatimi aien.

⁵ Namu ika aiek eri ehcamai ara sji igki asega era amcel vai Saion ara; uhmu lep imiadumoij ra.

⁶ Erupu idivaig nefelelicai ara ijinies irai eom, er eti fi ateucrei, ja et imlai:

⁷ et eti ohua an nikmai natimi ucsei itai; im lep an riti natimi arore nuhud itai iran.

⁸ Era eti lep ika a ilpu atimi atga ura, Etmu yetpam iramia intas acis yi alwai u Ihova: ecra asan tas acis yi alwai vai caua aijama an nidai Ihova.