Saam 127 - Intas Etipup

SAAM 127.

1 Et emda intas acis yi alwai u Atua, 3 Et itai tup ahtai u Atua a ilpu halav upene.

¹ EL et eti uctaig neom a Ihova, el et takitai nauritai u ilpu atimi uctaig neom: el et eti aminjinaig inmaliyum a Ihova, el et takitai naiji lahlah vaig u ilpu atimi aminjinaig.

² Et takitai vai caua naiji vaig unyimia an nuhialeg, im naiji lau vaig unyimia an jupura, im incaig vaig nitai caig er ohocred vaig: et um uco, et ika aien eri umjeg a ilpu halav cap o un.

³ Et idim itai tup ahtai u Ihova a ilpu hal uja; era imtan upene a ilpu halav haklin uja.

⁴ Era idivaig nidjai efana an nikmai natimi emda a ilpu halav er apos ra an takuras uja.

⁵ Et mun ahesmoij a natimi inig et ohua incetpoi nidjai efana o un iran: uhpu eti auoh ehcamai ra, ja erupu tas ara an neucse nathatahau ehele ilpu atimi tak atimi ira ra.