Saam 126 - Intas Etipup

SAAM 126.

1 Era asuptecnaig nimiadumoij pam ra ura a nup an nakalasia, um imiali vaig, 4 era alaigaheni ara, um ika, eri amen upene ara.

¹ AN nopan iyehki is wat ateghe nup u Saion iji ig a Ihova, eris imiadumoij pam ra, intis idivaig ilpu atimi umjeg ahnag akaija.

² Is ohua inlaav an nipjineucseija, intis lep acesaces nohranitai akaija: eris tas jipe a nup urai iji pece, um ika, Et mun ago niji itai esjilid a Ihova vai ra sji igki.

³ Et mun ago niji itai esjilid a Ihova vai caija; inta imiacitak vaig akaija.

⁴ Ak Ihova, namu lep ateghe cama aiek an namen has unyima, et idivaig niji rai wai an namasacen.

⁵ Ara era ahwai itai ara jam taig, erupu aldei nohwai itai ara, um acesaces nohranitai.

⁶ Erupu apan ara, erupu idim apan ara um taig, an napos vaig nupsi itai alupas ura; ja erupu adumoij pam ara, erupu idim adumoij pam ara, um acesaces nohranitai, an napos vaig nohwai itai alupas ura.