Saam 122 - Intas Etipup

SAAM 122.

1 Et asuptecnaig nimiacitak o un a Tevit va nakalasia u Atua, 6 et ugyi Atua aien mika yi ati nigpa iran.

¹ EK imiacitak ainyak, nikavaig, era ika ehelek ara, Intumu apan akaija an nimnim u Ihova.

² Ak Jerusalem, et aiji neduoma irai eucse athatahau unyum.

³ Eris actaig niji eom Jerusalem, et idivaig inmaliyum eris idim actaig upene um emda:

⁴ era aridjipan eahki a nup urai iji elcau, ilpu atimi u Ihova marom, et idivaig intas alep o un ehele nup Isreel, mika eri ago naaurinig vai nidai Ihova.

⁵ Et amen eahki dorona eh tas alep iran, dorona u Tevit im ilpu hal o un marom.

⁶ Akumu ugyi Atua aijaua mika yi amen igpa Jerusalem: erumu amen igpa ara sji igki et aiyu inliinmopora ara vai euc.

⁷ Etmu amen nigpa anliin nathatahau unyum, im niji itai upene irai imnim u ilpu atimarid unyum.

⁸ Ekmu ika ainyak, vai ilpu etwak im ilpu apa unyak, Etmu amen nigpa iram.

⁹ Ekpu ika ainyak, va nimnim u Ihova Atua uja, an amen upene aiek.