Saam 120 - Intas Etipup

SAAM 120.

1 Et ugyi Atua a Tevit mika yi imiatamaig yin va Toec, 3 et acaiji intas o un aieu, 5 et asan ehti aien va namen o un ehele ilpu atimi auatatimi.

¹ KIS ahlaig vai Ihova ainyak an nohocred unyak, is adai intas unyak aien.

² Ak Ihova, namu imiatamaig nyak aiek vai ilpu atimi asan tas ahcil, im ilpu ilpu atimi asan tas efaifa.

³ Etpu aru iramia inhe aien? etpu lep ago inhe iramia aien, ak ilpu atimi asan tas efaifa?

⁴ Nidjai efana arig u ilpu eucsupo marom, im lep inhuumlai merei.

⁵ Kaiheuc vai nyak! mika ek amen ehele nup u Misek ainyak, ek lep amen ainyak ubutpotet u niji eom atga u nup u Kitar!

⁶ Kis amen ainyak is itu irak ehele ra era amcel va nigpa ara.

⁷ Ek atimi igpa ainyak: ja ek wat tas ainyak, era ati nedoa ara.