Saam 12 - Intas Etipup

SAAM 12.

1 Et wat eti aiheuc vai Tevit tah natimi, et ugyi Atua aien mika yi atau imi yiu. 3 Et ago eropse inliinmopon aien ca neruvaig u Atua irai ilpu atimi auatatimi, im lep va nimiisjis ninveijec intas upyi asaig o un.

¹ AK Ihova, namu imiatamaig nyak aiek; nikavaig, era tiih a ilpu atimi upene; era lep idim tiih a ilpu atimi inveijec ira atimi.

² Era asan tas ahcil natimi asega ehele ilpu etwara: et lep ero inliinmopora ara, athi um athi ehni, et asaig intas efaifa nipjineucsera ara.

³ Etpu auahas ilpu atimi tas efaifa asega a Ihova, im lep ra era tas imrigimrig ara:

⁴ era mun ika ara, Intupu esjilid akaija vai tas uja; et uja nipjineucseija: et atimarid uja a di?

⁵ Et ika a Ihova, Ekpu atidai ainyak va nohocred u ilpu ikki atimi, im lep van taig u ilpu atimi auatialidi: ekpu imiatamaig ra sji igki ainyak era merit alupas vaig ara.

⁶ Et adicinadicin intas o Ihova: et idivaig silver er atho an cap au mun uum an nobohtan, mika vi upene, um eceseven ago adicinadicin.

⁷ Napu aminjinaig ra aiek, ak Ihova; napu imiatamaig ra aiek vai ilpu atimi an nopan inig, um yetpan irai iji mesese.

⁸ Erupu atga jipe a ilpu atimi ago nedo has irai iji uarin asega, eru wit esjilid a ilpu atimi auatatimi.