Saam 118 - Intas Etipup

SAAM 118.

1 Intas ahugni atimi mika eri imiahpas Atua va nedo aiheuc o un. 5 Et ika a naprofeta, et idim ato aien mika, et itai upene par asgeig ira Atua. 19 Er asuptecnaig napam u Kristo an nelcau o un, um ika, et idivaig nedo o naprofeta inigki.

¹ AKUMU ago naaurinig vai Ihova aijaua; nikavaig, et upene aien: et amen naiheuc o un irai iji mesese.

² Erumu idim ika a nup Isreel, et amen naiheuc o un irai iji mesese.

³ Erumu idim ika a ilpu mapoi Eron, et amen naiheuc o un irai iji mesese.

⁴ Erumu idim ika a ilpu atimi imtitai Ihova, et amen naiheuc o un irai iji mesese.

⁵ Kis ahlaig vai Ihova ainyak an nohocred unyak: is adai intas unyak a Ihova um ati nyak an nuarin lah.

⁶ Et amen ehelek a Ihova; inki eti imtitaig ainyak: erupu ago inhe vai nyak natimi?

⁷ Et amen ehelek a Ihova um tup ethi ache pan irai ilpu atimi atau imi nyak: va nitai inigki, ekpu almoi ilpu atimi amcel vai nyak ainyak, um esjilid, ira ra.

⁸ Et upene par asgeig irai Ihova, jam eti upene nasgeig ira atimi vaig.

⁹ Et upene par asgeig irai Ihova, jam eti upene nasgeig irai ilpu atimi alupas vaig.

¹⁰ Era arehed irak a ilpu atimi apat asega: ja ek asig yi aktit intas unyak ainyak an nidai Ihova mika, ekpu auahas ra ainyak.

¹¹ Era arehed irak ara; maiya, era idim arehed irak ara: ja ek asig yi aktit intas unyak ainyak an nidai Ihova mika, ekpu auahas ra ainyak.

¹² Era arehed irak ara et idivaig inpak irai bii; era ahni ra et idivaig incap irai itai upunupun: ja ek asig yi aktit intas unyak ainyak an nidai Ihova mika, ekpu auahas ra ainyak

¹³ As atcei pam emda nyak aiek, va ekpu eropse ainyak: ja is atau imi nyak a Ihova.

¹⁴ Et emda unyak a Ihova im nohranitai unyak, et mun imiatamaig nyak aien.

¹⁵ Era acesaces nohranitai, um imiacitak irai imnim ura a ilpu atimi upene, va nimiatamaig ra: et auritai emda inmatai Ihova.

¹⁶ Et mun adaigjai inmatan a Ihova: et auritai emda inmatai Ihova.

¹⁷ Inki eti mas ainyak, jam umoh, um asuptecnaig niji auritai u Ihova.

¹⁸ Et mun idim ated nyak a Ihova: ja is eti atcijaig nyak aien mika ki mas ainyak.

¹⁹ Akumu asalgei vai nyak intapnes an nimnim itap aijaua: ekpu atga iran ainyak um apan anliin; ekpu lep imiahpas Ihova ainyak:

²⁰ intapnes u Ihova nigki, erupu atga iran a ilpu atimi upene.

²¹ Ekpu ago naaurinig vai euc ainyak: nikavaig, na mun atahaijeg intas unyak aiek, um imiatamaig nyak.

²² Et mun hat esjilid an nesvi va neom inhat, iyehki, eris esjum vaig a ilpu atimi actaig neom.

²³ Nauritai u Ihova nigki; inta wat almoi akaija, inta imiali vaig akaija.

²⁴ Nadiat nigki is ago a Ihova; intupu imiacitak akaija um cediaig iran.

²⁵ Ak Ihova, ecra ugyi euc aijama, mika an imiatamaig cama aiek: ak Ihova, ecra ugyi euc aijama, mika ecri amen upene aijama.

²⁶ Et mun ahesmoij aien et ham aien an nidai Ihova: ecra asan tas acis yi alwai vai caua aijama anliin neom u Ihova.

²⁷ Et emda acen a Ihova, et mun ehvaig inlah eheleija aien: akumu arore nitai ahlap aijaua an wau irai ipat u natau.

²⁸ Na Atua unyak aiek, ekpu ago naaurinig vai euc ainyak: na Atua unyak aiek, ekpu imiahpas euc ainyak.

²⁹ Akumu ago naaurinig vai Ihova aijaua: et idim upene aien; et amen naiheuc o un irai iji mesese.