Saam 113 - Intas Etipup

SAAM 113.

1 Er ahugni atimi mika eri imiahpas Atua va natimi alupas o un, 6 im naiheuc o un.

¹ AKUMU imiahpas Ihova aijaua. Ak ilpu aheca u Ihova, akumu imiahpas yin aijaua; akumu imiahpas nidai Ihova aijaua.

² Uhmu naaurinig vai nidai Ihova an nopan inig um yetpan irai iji mesese.

³ Eris idim ika eri imahpas nidai Ihova ahes an ridjai o un um yetpan an nete o un.

⁴ Et esjilid a Ihova irai nup urai iji elcau asega; et lep esjilid natimi alupas o un an nohatag.

⁵ Et idivaig Ihova Atua uja a di? et amen ijinies aien um atimarid;

⁶ et almuktit itai itac acen aien an nohatag im lep an nobohtan.

⁷ Et iknipagki ilpu atimi upoupo an nobohtan aien um imiaridjai ra; et lucsei ilpu ihki atimi an nuarin u nohok aien, um imiatidai ra;

⁸ um ika, eri ateuc ehele ilpu atimi alupas, ilpu atimi alupas u ilpu atimi o un marom.

⁹ Et ika aien yi apos ilpu hal o un a intakata eti asvalav, um ateuc anliin neom o un, um imiacitak. Akumu imiahpas Ihova aijaua.