Saam 110 - Intas Etipup

SAAM 110.

1 Intas va nelcau u Kristo, 4 im nauritai ahlap o un, 5 im nesjilid o un an nedoa, 7 im nohocred o un.

¹ IS ika a Ihova ehele Natimarid unyak, Namu ateuc an matak aiek, um imihum pan an nopan iyehki, ekpu ikni ilpu atimi tak atimi iram ainyak, mika eri itai atijai neduom iran.

² Etpu ika a Ihova yi ahes Saion niseuc emda unyum: namu esjilid aiek irai ilpu atimi tak atimi iram.

³ Erupu ispara ikni ra a ilpu atimi unyum an nadiat u nemda unyum, irai iji itai yecrei ra itap: erupu idivaig nopoigmul et eteuc an nuhialeg a ilpu hal unyum.

⁴ Et mun asig yi aktit intas o un a Ihova, inyi eti lep adumoij an liinmopon aien, um ika, Napu atimi ahlap aiek irai iji mesese, et idivaig nativaig u Melkisetek.

⁵ Etpu auud ilpu atimarid a Natimarid an matam an nadiat u intavaitap o un.

⁶ Etpu aru aien irai nup urai iji elcau; et mun ika aien, yi ahinag nohui ilpu atimi emesmas irai uarin iji ehki; etpu auud ilpu atimi alupas u nup urai iji pece asega aien.

⁷ Etpu umnyi inwai yah aien an nefalaig: va nitai inigki, etpu imiaridjai nidjinin aien.