Saam 100 - Intas Etipup

SAAM 100.

1 Er ahugni atimi mika eri imiahpas Atua ara, um imiacitak, 3 va natimi alupas o un, 4 im nemda o un.

¹ AKUMU ahlaig ijinies vai Ihova aijaua, ak nup uran nobohtan asega.

² Akumu auaraheca vai Ihova aijaua, um imiacitak: akumu apam an nuhup o un aijaua, um acesaces nohranitai.

³ Akumu ato aijaua mika, et Atua a Ihova: is ago caija aien, intis eti ago caija akaija; inta ilpu atimi o un akaija, um siip o un; et aminjinaig caija aien.

⁴ Akumu atga aijaua an neucse nirahed o un, um ago naaurinig, im lep anliin nokoro o un, um imiahpas yin: akumu ago naaurinig vai yin aijaua, um asan tas upene va nidan.

⁵ Et idim upene a Ihova; et eteuc naiheuc o un irai iji mesese; im intas inveijec o un um yetpan irai iji taka opan asega.