Saam 1 - Intas Etipup

SAAM 1.

1 Intas nigki va namen upene u ilpu atimi ecen va Atua, 4 im namen has u ilpu atimi eti ecen va Atua.

¹ ET mun ahesmoij a natimi inig et eti atahaijeg intas o ilpu atimi ago nedo has aien, um eti ago nedo o ilpu atimi auatatimi, um eti amen u nasjapicnaig u ilpu atimi imiafakahcil;

² ja et imiacitak intas alep u Ihova aieu; et lep aktaktai intas alep o un aien irai iji adiat im niji epig.

³ Et idivaig incai aien ens ahwaig ui eucse wai, et oho an nopan noho o un; et lep eti imlai nerin; et lep upene niji itai asega et ago aien.

⁴ Era eti uce a ilpu atimi auatatimi; ja era idivaig narasi itai ara et ahlaadaig nimtinjap.

⁵ Va nitai inigki, eri eti aiji aktit a ilpu atimi auatatimi, uhu wit asuptecnaig nimtan imi atimi; im lep inig, eri eti aiji aktit a ilpu atimi ago nedo has u nasjapicnaig u ilpu atimi upene.

⁶ Et idim ato nedo o ilpu atimi upene a Ihova, jai uhpu auahas ilpu atimi auatatimi an nedo ura.