Numera 7 - Intas Etipup

Nuarin tas alupas 7.

1 Nitai tup ahtai u ilpu atimi alupas an nativaig u neom itap. 10 Niji itai tup ahtai ura, athi um athi ehni, an nativaig u natau. 89 Et tas a Atua ehele Moses ijinies an tapnes an nelcau et amen intas alep iran.

¹ AN nadiat iyehki is ago ehni neom itap a Moses, um atladwi narakei iran, um imiitap, um lep atladwi narakei, um imiitap niji itai asega iran, im natau im niji itai asega urin;

² eris ikni itai tup ahtai ura a ilpu atimi alupas u nup Isreel, eris esjilid irai ilpu eteuc ira ra ara, um ilpu atimi alupas irai iji elcau, eris esjilid ara irai ra sji ehki eris esvi ra:

³ eris ikni niji itai tup ahtai ura an nuhup u Ihova ara, nikavaig, nitai atga eris adahpoi is siks, im kurimatau is twelv; nitai atga is ethi va natimi alupas is ero, im kurimatau is ethi vai ra asega athiathi: eris imiapan an nuhup u neom itap ara.

⁴ Is tas a Ihova ehele Moses, um ika,

⁵ Namu lucsei aiek ehele ra, par ago itai an neom er asjapicnaig o un; um alupai ilpu mapoi Livai, athi um athi ehni, yi idivaig nauritai ura asega.

⁶ Is lucsei niji itai atga a Moses im kurimatau, um alupai ilpu mapoi Livai.

⁷ Is alupai ilpu mapoi Cerson nitai atga is ero aien im kurimatau is for, is idivaig nauritai ura:

⁸ is lep alupai ilpu mapoi Mererai nitai atga is for aien im kurimatau is eet, is idivaig nauritai ura, an nikmai Idamar inhal u Eron natimi ahlap.

⁹ Ja is eti alupai ilpu mapoi Kohad tah nitai aien: vaig inig nikavaig, eris apos itai irai euhlira ara, nauritai ura an nuarin itap nigki.

¹⁰ Eris lep ikni itai a ilpu atimi alupas va nativaig natau an nadiat iyehki eris atladwi narakei iran, eris ikni niji itai tup ahtai ura an nuhup u natau a ilpu atimi alupas.

¹¹ Is ika a Ihova ehele Moses, Erumu ikni niji itai tup ahtai ura a ilpu atimi alupas, athi um athi ehni, ira adiat ura va nativaig natau.

¹² Aien aigki is ikni niji itai tup ahtai o un an nadiat uhup aien is Neeson inhal u Aminatab, natimi alupas u ilpu mapoi Juta:

¹³ nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson silver is ethi is sikel is sevente nopoc iran, sikel au nuarin itap marom; is ohua nitai erahki irai flaur upene eris atise narakei iran par itai ahlap an nitai caig:

¹⁴ im nipjinitai colt is ethi is sikel is ten nopoc iran, is ohua nitai auanipin upene iran:

¹⁵ im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:

¹⁶ im inhakli nanin is ethi par itai ahlap va nedo has:

¹⁷ im kurimatau is ero, im siip atamaig is faiv, im nanin atamaig is faiv, im inhakli siip is faiv, is eteuc inmesese is ethi ira ra: nitai ahlap naaurinig nigki u Neeson inhal u Aminatab.

¹⁸ Is ikni niji itai tup ahtai o un a Nedaniil inhal u Suar, natimi alupas u ilpu mapoi Isakar, an nadiat sekunt:

¹⁹ nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson is ethi is sikel is sevente nopoc iran, sikel an nuarin itap marom; is ohua nitai erahki irai flaur upene eris atise narakei iran par itai ahlap an nitai caig:

²⁰ im nipjinitai colt is ethi is sikel is ten nopoc iran, is ohua nitai auanipin upene iran:

²¹ im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:

²² im inhakli nanin is ethi par itai ahlap va nedo has:

²³ im lep kurimatau is ero, im siip atamaig is faiv, im nanin atamaig is faiv, im inhakli siip is faiv is eteuc inmesese is ethi ira ra, par itai ahlap naaurinig: nitai ahlap u Nedaniil inhal u Suar nigki.

²⁴ Is ikni niji itai tup ahtai o un a Elaiab inhal o Hilon, natimi alupas u ilpu mapoi Sebulun, an nadiat dirt;

²⁵ nitai tup ahtai o un nigki, nikavaig, nelcau silver is ethi, is sikel is wun huntret im dirte nopoc iran, im nijibeson is ethi is sikel is sevente nopoc iran, sikel an nuarin itap marom; is ohua nitai erahki irai flaur upene eris atise narakei iran par itai ahlap an nitai caig:

²⁶ im nipjinitai colt is ethi is sikel is ten nan, is ohua nitai auanipin upene iran:

²⁷ im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:

²⁸ im inhakli nanin is ethi par itai ahlap va nedo has:

²⁹ im lep kurimatau is ero, im siip atamaig is faiv, im nanin atamaig is faiv, im inhakli siip is faiv is eteuc inmesese is ethi ira ra, par itai ahlap naaurinig: nitai ahlap u Elaiab inhal u Hilon nigki.

³⁰ Is ikni niji itai tup ahtai o un a Elaisur inhal u Setiur, natimi alupas u ilpu mapoi Ruben, an nadiat ford:

³¹ nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson silver is ethi is sikel is sevente nopoc iran, sikel an nuarin itap marom; is ohua nitai erahki irai flaur upene eris atise narakei iran par itai ahlap an nitai caig:

³² im nipjinitai colt is ethi is sikel is ten nopoc iran, is ohua nitai auanipin upene iran:

³³ im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:

³⁴ im inhakli nanin is ethi par itai ahlap va nedo has:

³⁵ im kurimatau atamaig is ethi, im siip atamaig is faiv, im nanin atamaig is faiv, im inhakli siip is faiv is eteuc inmesese is ethi ira ra, par itai ahlap naaurinig: nitai ahlap u Elaisur inhal u Setiur nigki.

³⁶ Is ikni niji itai tup ahtai o un a Silumiel inhal u Surisateai, natimi alupas u ilpu mapoi Simeon, an nadiat fifd:

³⁷ nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson silver is ethi is sikel is sevente nopoc iran, sikel an nuarin itap marom; is ohua nitai erahki irai flaur upene eris atise narakei iran par itai ahlap an nitai caig:

³⁸ im nipjinitai colt is ethi is sikel is ten nopoc iran, is ohua nitai auanipin upene iran:

³⁹ im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:

⁴⁰ im inhakli nanin is ethi par itai ahlap va nedo has:

⁴¹ im kurimatau atamaig is ero, im siip atamaig is faiv, im nanin atamaig is faiv, im inhakli siip is faiv is eteuc inmesese is ethi ira ra, par itai ahlap naaurinig: nitai ahlap u Silumiel inhal u Surisateai nigki.

⁴² Is ikni niji itai tup ahtai o un a Elaiasaf inhal u Tiuel, natimi alupas u ilpu mapoi Cat, an nadiat siksd:

⁴³ nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson silver is sikel is sevente nopoc iran, sikel an nuarin itap marom; is ohua nitai erahki irai flaur upene eris atise narakei iran par itai ahlap an nitai caig:

⁴⁴ im nipjinitai colt is ethi is sikel is ten nopoc iran, is ohua nitai auanipin upene iran:

⁴⁵ im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:

⁴⁶ im inhakli nanin is ethi par itai ahlap va nedo has:

⁴⁷ im kurimatau atamaig is ero, im siip atamaig is faiv, im inhakli nanin atamaig is faiv, im inhakli siip is faiv, is eteuc inmesese is ethi ira ra, par itai ahlap naaurinig: nitai tup ahtai u Elaiasaf inhal u Tiuel nigki.

⁴⁸ Is ikni niji itai tup ahtai o un a Elisama inhal u Amihut, natimi alupas u ilpu mapoi Ifreem, an nadiat sevend:

⁴⁹ nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson silver is ethi is sikel is sevente nopoc iran, sikel an nuarin itap marom; is ohua nitai erahki nai flaur upene eris atise narakei iran par itai ahlap an nitai caig:

⁵⁰ im nipjinitai colt is sikel is ten nopoc iran, is ohua nitai auanipin upene iran:

⁵¹ im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:

⁵² im inhakli nanin is ethi par itai ahlap va nedo has:

⁵³ im kurimatau atamaig is ero, im siip atamaig is faiv, im nanin atamaig is faiv, im inhakli siip is faiv is eteuc inmesese is ethi ira ra, par itai ahlap naaurinig: nitai tup ahtai u Elisama inhal u Amihut nigki.

⁵⁴ Is ikni niji itai tup ahtai o un a Cameliel inhal u Pitesur, natimi alupas u ilpu mapoi Manasi, an nadiat eetd:

⁵⁵ nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson is ethi is sikel is sevente nopoc iran, sikel an nuarin itap marom; is ohua nitai erahki irai flaur upene eris atise narakei iran par itai ahlap an nitai caig:

⁵⁶ im nipjinitai colt is ethi is sikel is ten nopoc iran, is ohua nitai auanipin upene iran:

⁵⁷ im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:

⁵⁸ im inhakli nanin is ethi par itai ahlap va nedo has:

⁵⁹ im kurimatau atamaig is ero, im siip atamaig is faiv, im nanin atamaig is faiv, im inhakli nanin is faiv is eteuc inmesese is ethi ira ra, par itai ahlap naaurinig: nitai tup ahtai u Cameliel inhal u Pidesur nigki.

⁶⁰ Is ikni niji itai tup ahtai o un a Abaitan inhal u Citeonai, natimi alupas u ilpu mapoi Benjamin, an nadiat naind:

⁶¹ nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson silver is ethi is sikel is sevente nopoc iran, sikel an nuarin itap marom; is ohua nitai erahki irai flaur upene eris atise narakei iran par itai ahlap atnamud:

⁶² im nipjinitai colt is ethi is sikel is ten nopoc iran, is ohua nitai auanipin upene iran:

⁶³ im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:

⁶⁴ im inhakli nanin is ethi par itai ahlap va nedo has:

⁶⁵ im kurimatau atamaig is ero, im siip atamaig is faiv, im nanin atamaig is faiv, im inhakli siip is faiv is eteuc inmesese is ethi ira ra, par itai ahlap naaurinig: nitai tup ahtai u Abaitan inhal u Citeonai nigki.

⁶⁶ Is ikni niji itai tup ahtai o un a Ahiiser inhal u Amisateai, natimi alupas u ilpu mapoi Tan, an nadiat tend:

⁶⁷ nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson silver is ethi is sikel is sevente nopoc iran, sikel an nuarin itap marom; is ohua nitai erahki irai flaur upene eris atise narakei iran par itai ahlap an nitai caig:

⁶⁸ im nipjinitai colt is ethi is sikel is ten nopoc iran, is ohua nitai auanipin upene iran:

⁶⁹ im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:

⁷⁰ im inhakli nanin is ethi par itai ahlap va nedo has:

⁷¹ im kurimatau atamaig is ero, im siip atamaig is faiv, im nanin atamaig is faiv, im inhakli siip is faiv is eteuc inmesese is ethi ira ra, par itai ahlap naaurinig: nitai tup ahtai u Ahiiser inhal u Amisateai nigki.

⁷² Is ikni niji itai tup ahtai o un a Paciel inhal u Okran, natimi alupas u ilpu mapoi Eser, an nadiat elevend:

⁷³ nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson silver is ethi is sikel is sevente nopoc iran, sikel an nuarin itap marom: is ohua nitai erahki irai flaur upene eris atise narakei iran par itai ahlap an nitai caig:

⁷⁴ im nipjinitai colt is sikel is ten nopoc iran, is ohua nitai auanipin upene iran:

⁷⁵ im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:

⁷⁶ im inhakli nanin is ethi par itai ahlap va nedo has:

⁷⁷ im kurimatau atamaig is ero, im siip atamaig is faiv, im nanin atamaig is faiv, im inhakli siip is faiv is eteuc inmesese is ethi ira ra, par itai ahlap naaurinig: nitai tup ahtai u Paciel inhal u Okran nigki.

⁷⁸ Is ikni niji itai tup ahtai o un a Ahaira inhal u Inan, natimi alupas u ilpu mapoi Naftalai, an nadiat twelfd:

⁷⁹ nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson silver is ethi is sikel is sevente nopoc iran, is ohua nitai erahki irai flaur upene eris atise narakei iran, par itai ahlap an nitai caig:

⁸⁰ im nipjinitai colt is ethi is sikel is ten nopoc iran, is ohua nitai auanipin upene iran:

⁸¹ im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:

⁸² im inhakli nanin is ethi par itai ahlap va nedo has:

⁸³ im kurimatau atamaig is ero, im siip atamaig is faiv, im nanin atamaig is faiv, im inhakli siip is faiv is eteuc inmesese is ethi ira ra, par itai ahlap naaurinig: nitai tup ahtai u Ahaira inhal u Inan nigki.

⁸⁴ Eris imiitap natau a ilpu atimi alupas u nup Isreel an nadiat iyehki eris atladwi narakei iran, um ikni nelcau silver is twelv, im nipjibeson silver is twelv, im nipjiitai colt is twelv:

⁸⁵ is sikel is wun huntret im dirte nopoc iran nelcau silver is ethi, im sikel is sevente nopoc iran nipjibeson is ethi: is sikel is tu dausant im for huntret (2,400) nopoc irai ipjiitai silver asega, sikel an nuarin itap marom:

⁸⁶ im nipjiitai colt is twelv, is ohua nitai auanipin upene iran, is sikel is ten nopoc iran is ethi, sikel an nuarin itap marom: is sikel is wun huntret im twente (120) colt asega irai ipjiitai.

⁸⁷ Eris twelv kurimatau atamaig uri niji itai ahlap atnamud, eris twelv siip atamaig, eris twelv inhakli siip is eteuc inmesese is ethi ira ra, im lep nitai ahlap an nitai caig urin: eris lep twelv inhakli nanin par itai ahlap va nedo has.

⁸⁸ Eris twente for kurimatau atamaig asega uri niji itai ahlap atnamud, eris sikste siip atamaig, eris sikste nanin atamaig, eris lep sikste inhakli siip is eteuc inmesese is ethi ira ra. Nitai tup ahtai ji igki va nativaig natau an nopan iyehki eris upyi hup um atladwi narakei iran.

⁸⁹ IS apan a Moses anliin neom er asjapicnaig o un par tas ehelen, ja is atahaijeg nohran tah aien intas vaig ehelen ijinies an tapnes an nelcau is amen intas alep iran, juju an niblai ohwat jerub is ero: is lep tas ehelen aien.