Numera 34 - Intas Etipup

Nuarin tas alupas 34.

1 Niji ilpui pece. 16 Niji idai atimi iji ig eri ahaig inpece.

¹ IS tas a Ihova ehele Moses, um ika,

² Namu tas ehele nup Isreel aiek, um ika ehele ra, Aku wit apan aijaua an pece Kenan; (inpece inigki akupu leh aijaua um ohuun, inpece Kenan marom, im niji uari pece iran:)

³ etpu atupun nilpun pece an nuarin inig et ahes nuritoga iran an namasacen Sin, an nahaijin pece Itom; etpu lep yetpan nilpun pece unyimia an nuarin inig et ahes nuritoga iran, u nahaijin jap acen igcapan an nahaijin an ridjai o un:

⁴ etpu lep arehed nilpun pece unyimia an nuarin inig et ahes nuritoga iran, um yetpan u nedoon Akrabim, um yetpan Sin: etpu lep atga an nahaijin Ketes-barnea an nuarin inig et ahes nuritoga iran, um yetpan Hesar-atar, um lep yetpan Asmon:

⁵ etpu lep ahes Asmon um arehed, um yetpan u nofowai Ijipt, inyi yetpan nehni iran u injap.

⁶ Inyi lep amen injap alupas an nahaijin an nete o un: nahaijin pece unyimia an nete o un nigki.

⁷ Nahaijin an nuarin inig et ahes narutu iran nigki: inyi ahes an jap alupas um ahau pan nedoon Hor:

⁸ akumu ahes an nedoon Hor aijaua um asjaaicnaig, um yetpan an nahaijin Hemad igcapan; etpu lep yetpan nahaijin pece unyimia Sitat:

⁹ etpu lep yetpan Sifron nahaijin pece; inyi yetpan nehni iran Hesar-inan: nahaijin pece unyimia an nuarin inig et ahes narutu iran nigki.

¹⁰ Etpu lep ahes nahaijin pece unyimia Hesar-inan an nahaijin an ridjai o un um ahau pan Sifam:

¹¹ etpu lep ahes Sifam nahaijin pece unyimia um asoul pan Ribla, an nahaijin Een an ridjai o un; etpu lep asuol nahaijin pece, um yetpan an nahaijin jap Kinered an ridjai o un:

¹² etpu lep asuol pan Jortan nahaijin pece, inyi lep yetpan nehni iran u injap acen: inpece unyimia nigki im nehni iran um arehed mihtag.

¹³ Is tas a Moses ehele nup Isreel, um ika, Inpece mun igki akupu ohuun aijaua irai itai asjaaicnaig, is asaig a Ihova mika eri atcijaig imi nahaiji nup Isreel is nain, im nahaijin nahaiji ra is ethi:

¹⁴ eris leh nahaijin pece ura a ilpu mapoi Ruben irai ilpu eteuc ira ra, im ilpu mapoi Cat irai ilpu eteuc ira ra, im nahaiji ilpu mapoi Manasi:

¹⁵ eris leh nahaijin pece ura nahaiji nup Isreel is ero, im nahaijin nahaiji ra is ethi, an nahaiji nofowai Jortan igcapam, ubutpotet pan Jeriko, an nahaijin an ridjai o un.

¹⁶ Is tas a Ihova ehele Moses, um ika,

¹⁷ Nidai natimi ji igki erupu ahaig inpece iramia ara: nan, Eliesar natimi ahlap, im Josua inhal u Nun.

¹⁸ Akumu lep aniv natimi alupas yi ethi aijaua irai iji ahaiji atimi, mika eri ahaig inpece ara.

¹⁹ Nidai natimi ji igki: nan, Keleb inhal u Jifunni irai ilpu mapoi Juta.

²⁰ Im Semuel inhal u Amihut irai ilpu mapoi Simeon.

²¹ Im Elaitat inhal u Kislon irai ilpu mapoi Benjamin.

²² Is atimi alupas u ilpu mapoi Tan a Bukkai inhal u Joclai.

²³ Is atimi alupas u ilpu mapoi Josef, vai ilpu mapoi Manasi, a Haniel inhal u Ifot.

²⁴ Is atimi alupas u ilpu mapoi Ifreem a Kemuel inhal u Siftan.

²⁵ Is atimi alupas u ilpu mapoi Sebulun a Elisafan inhal u Pamak.

²⁶ Is atimi alupas u ilpu mapoi Isakar a Paltiel inhal u Asan.

²⁷ Is atimi alupas u ilpu mapoi Eser a Ahaihut inhal u Selomai.

²⁸ Is atimi alupas u ilpu mapoi Naftalai a Petahel inhal u Amihut.

²⁹ Is asaig a Ihova mika eri ahaig inpece imi nup Isreel ara sji igki an pece Kenan.