Numera 33 - Intas Etipup

Nuarin tas alupas 33.

1 Natga u nup Isreel et forte tu. 50 Et ika a Atua eri auahas nup u Kenan.

¹ INTAS va natga u nup Isreel nigki, eris ahes Ijipt ara um atga ura, im lep niji pak ira edoa ura, erus atau ira ra a Moses im Eron.

² Is aged intas a Moses va napan ura im natga ura et idivaig is asaig a Ihova: is uce natga ura ara an napan ura.

³ Eris ahes Rameses ara an mohoc uhup, an nadiat fiftiind an mohoc uhup; is wat ti pan itac nahtaregdei atimi um lahlah an tak apnyin, eris atga ura a nup Isreel an nikmara emda an nuhup u nup Ijipt.

⁴ Eris atelmoi inmeto asega ura a nup Ijipt, is auud ra a Ihova ira ra: is lep aru irai ilpu atmas ura a Ihova.

⁵ Eris ahes Rameses a nup Isreel, um apan, um atumop Sukkod.

⁶ Eris ahes Sukkod ara, um apan, um atumop Idam, an nahaijin namasacen.

⁷ Eris ahes Idam ara, um lep ahidai ra pan Paihahairod, an na-haijin Beal-sifon: eris lep atumop Mictol ara.

⁸ Eris ahes an nahaijin Paiha-hairod ara, um atga an niblan jap um yetpan an namasacen, um atga an nadiat is eseij an namasacen Idam, um atumop Mera.

⁹ Eris ahes Mera ara, um yetpan Ilim: is twelv nimtaiwai Ilim, im incai paam is sevente; eris atumop eahki ara.

¹⁰ Eris ahes Ilim ara, um apan, um atumop u Injap cap.

¹¹ Eris ahes u Injap cap ara, um apan, um atumop an namasacen Sin.

¹² Eris ahes an namasacen Sin ara, um atga ura, um apan, um atumop Tofka.

¹³ Eris ahes Tofka ara, um apan, um atumop Elus.

¹⁴ Eris ahes Elus ara, um apan, um atumop Refitim, is ti inwai eahki luma atimi.

¹⁵ Eris ahes Refitim ara, um apau, um atumop an namasacen Saine.

¹⁶ Eris ahes an namasacen Saine ara, um apan, um atumop Kibrod-hateava.

¹⁷ Eris ahes Kibrod-hateava ara, um apan, um atumop Haserod.

¹⁸ Eris ahes Haserod ara, um apan, um atumop Ridma.

¹⁹ Eris ahes Ridma ara, um apan, um atumop Rimmon-peres.

²⁰ Eris ahes Rimmon-peres ara, um apan, um atumop Libna.

²¹ Eris ahes Libna ara, um apan, um atumop Rissa.

²² Eris ahes Rissa ara, um apan, um atumop Kehelada.

²³ Eris ahes Kehelada ara, um apan, um atumop an nedoon Sefer.

²⁴ Eris ahes an nedoon Sefer ara, um apan, um atumop Harata.

²⁵ Eris ahes Harata ara, um apan, um atumop Makhilod.

²⁶ Eris ahes Makhilod ara, um apan, um atumop Tehad.

²⁷ Eris ahes Tehad ara, um apan, um atumop Tera.

²⁸ Eris ahes Tera ara, um apan, um atumop Midka.

²⁹ Eris ahes Midka ara, um apan, um atumop Hasmona.

³⁰ Eris ahes Hasmona ara, um apan, um atumop Moserod.

³¹ Eris ahes Moserod ara, um apan, um atumop Bine-jeakan.

³² Eris ahes Bine-jeakan ara, um apan, um atumop Hor-hacitcat.

³³ Eris ahes Hor-hacitcat ara, um apan, um atumop Jotbada.

³⁴ Eris ahes Jotbada ara, um apan, um atumop Ebrona.

³⁵ Eris ahes Ebrona ara, um apan, um atumop Ision-ceber.

³⁶ Eris ahes Ision-ceber ara, um apan, um atumop au namasacen Sin, Ketes iyehki.

³⁷ Eris ahes Ketes ara, um apan, um atumop an nedoon Hor, an nahaijin pece Itom.

³⁸ Is aridjai a Eron natimi ahlap an lolan nedoon Hor, vai intas alep u Ihova, um mas eahki, an mesese fortied an nahes vaig u nup Isreel an pece Ijipt, an nadiat uhup an mohoc fifd.

³⁹ Is eteuc inmesese is wun huntret im twente dri irai Eron an nopan iyehki is mas aien an lolan nedoon Hor.

⁴⁰ Is lep atahaijeg a Erat natimarid u nup u Kenan va napam u nup Isreel, is amen aien au nuarin inig et ahes nuritoga iran an pece Kenan.

⁴¹ Eris ahes an nedoon Hor ara, um apan, um atumop Salmona.

⁴² Eris ahes Salmona ara, um apan, um atumop Punon.

⁴³ Eris ahes Punon ara, um apan, um atumop Obod.

⁴⁴ Eris ahes Obod ara, um apan, um atumop Ije-abarim an nahaijin Moab.

⁴⁵ Eris ahes Ije-abarim ara, um apan, um atumop Taibon-cat.

⁴⁶ Eris ahes Taibon-cat ara, um apan, um atumop Almon-tibladeem.

⁴⁷ Eris ahes Almon-tibladeem ara, um apan, um atumop irai edoon Abarim, an nahaijin Nibo.

⁴⁸ Eris ahes irai edoon Abarim ara, um apan, um atumop irai uarin marara Moab u nofowai Jortan ubutpotet pan Jeriko.

⁴⁹ Eris atumop u nofowai Jortan ara, um ahes Bed-jesimod um yetpan Ebel-sittim irai uarin marara Moab.

⁵⁰ Is tas a Ihova ehele Moses irai uarin marara Moab u nofowai Jortan ubutpotet pan Jeriko, um ika,

⁵¹ Namu tas ehele nup Isreel aiek, um ika ehele ra, Aku wit algauwaig nofowai Jortan aijaua um yetpan an pece Kenan;

⁵² akumu ahlo nup uran pece an nuhup unyimia aijaua, um auahas nalmuitai asega ura, um auahas natmasimai hat ura, um auahas ehni niji tap ura:

⁵³ akumu ahlo nup uran pece aijaua, um amen iran: kis alupai caua inpece ainyak, mika aki ohuun aijaua.

⁵⁴ Akumu ahaig sjipe inpece iramia aijaua irai itai asjaaicnaig: akumu atcijaig nuarin alupas aijaua imi atimi et ahinag, im lep nuarin tintin imi atimi et eti elpat: erumu ohuun natimi asega an nuarin inig et tau ira ra va nitai asjaaicnaig; akumu ohuun aijaua pan irai ilpu eteuc iramia.

⁵⁵ Ja el eka eti ahlo atimi an pece aijaua an nuhup unyimia; erupu itai upunupun ara irai esgaiimtamia, um itai ahcai ira ahaijimia, um imiedohalav caua an pece eka amen iran aijaua.

⁵⁶ Ekpu lep ago iramia ainyak, et idivaig kis ika ainyak ki ago ira ra ainyak.