Numera 26 - Intas Etipup

Nuarin tas alupas 26.

1 Er esvi nup Isreel asega irai iji uari marara Moab. 52 Intas alep par ahaig inpece ira ra mika eri ohuun. 57 Er esvi ilpu mapoi Livai et idivaig ilpu eteuc ira ra. 63 Et eti amen tah irai ra sji igki eris esvi ra an namasacen Saine, Keleb im Josua ache.

¹ IS ti pan itac inmas iyehki, ja is par tas a Ihova ehele Moses, im Eliesar inhal u Eron natimi ahlap, um ika,

² Esvi nup Isreel asega, et eteuc inmesese et twente ira ra um eled, irai ji imnim, ra asega era emda ara par apan u nedoa.

³ Erus esvi ra a Moses im Eliesar natimi ahlap irai iji uarin marara Moab, u nofowai Jortan ubutpotet pan Jeriko,

⁴ ahes ira atimi is eteuc inmesese is twente ira ra um eled; et idivaig is asaig a Ihova ehele Moses. Nup Isreel iji ig eris ahes Ijipt ara ji igki; nan,

⁵ Ruben, inmeto o Isreel: im ilpu hal u Ruben; Henok eris ahes ehelen a nup u Henok: eris lep ahes ehele Pallu a nup u Pallu:

⁶ eris lep ahes ehele Hesron a nup u Hesron: eris lep ahes ehele Karmai a nup u Karmai.

⁷ Ilpu mapoi Ruben ji igki: eris forte dri dausant im seven huntret im dirte (43,730) ara sji igki eris esvi ra ira ra.

⁸ Im inhal a Pallu; Elaiab.

⁹ Ehtijis hal u Elaiab a Nemuel, im Tedan, im Abairam. Erus atimi erahki a Tedan im Abairam, eris tas vai rau natimi, erus imiisjis ehele Moses im Eron arau pan irai ilpu atimi apol irai Kora, eris wat imiisjis ehele Ihova ara:

¹⁰ ja is asalgei nipjineucsen nobohtan, um atleg ra, eris wat emesmas natimi iji ehki an nopan iyehki, is auahas Kora im natimi is tu huntret im fifte incap: eris itai asjaaicnaig ara.

¹¹ Ja eris eti emesmas a ilpu hal u Kora.

¹² Ilpu mapoi Simeon ji igki irai ilpu eteuc ira ra: eris ahes ehele Nemuel a nup u Nemuel: eris ahes ehele Jemin a nup u Jemin: eris ahes ehele Jekin a nup u Jekin:

¹³ eris ahes ehele Sira a nup u Sira: eris ahes ehele Seal a nup u Seal.

¹⁴ Eris twente tu dausant im tu huntret (22,200) a ilpu mapoi Simeon iji igki, et idivaig ilpu eteuc ira ra.

¹⁵ Ilpu mapoi Cat ji igki irai ilpu eteuc ira ra: eris ahes ehele Sifon a nup u Sifon: eris ahes ehele Hacai a nup u Hacai: eris ahes ehele Sunai a nup u Sunai.

¹⁶ Eris ahes ehele Osnai a nup Osnai: eris ahes ehele Irai a nup Irai:

¹⁷ eris ahes ehele Erot a nup Erot: eris ahes ehele Ariilai a nup Ariilai.

¹⁸ Eris forte dausant im faiv huntret (40,500) a ilpu mapoi Cat iji igki eris esvi ra, et idivaig ilpu eteuc ira ra.

¹⁹ Erus ohwat hal u Juta a Er im Onan: ja erus emesmas a Er im Onan an pece Kenan.

²⁰ Ilpu mapoi Juta ji igki irai ilpu eteuc ira ra; eris ahes ehele Sila a nup u Sila: eris ahes ehele Feres a nup u Feres: eris ahes ehele Sira a nup u Sira.

²¹ Erus hal u Feres ahwat raigki; eris ahes ehele Hesron a nup u Hesron: eris ahes ehele Hemul a nup u Hemul.

²² Eris sevente siks dausant im faiv huntret (76,500) a ilpu mapoi Juta iji igki eris esvi ra, et idivaig ilpu eteuc ira ra.

²³ Ilpu mapoi Isakar ji igki irai ilpu eteuc ira ra: eris ahes ehele Tola a nup u Tola: eris ahes ehele Pua a nup u Pua:

²⁴ eris ahes ehele Jesub a nup u Jesub: eris ahes ehele Simron a nup u Simron.

²⁵ Eris sikste for dausant im dri huntret (64,300) a ilpu mapoi Isakar iji igki eris esvi ra, et idivaig ilpu eteuc ira ra.

²⁶ Ilpu mapoi Sebulun ji igki irai ilpu eteuc ira ra: eris ahes ehele Siret a nup u Siret: eris ahes ehele Ilon a nup Ilon: eris ahes ehele Jaliil a nup u Jaliil.

²⁷ Eris sikste dausant im faiv huntret (60,500) a ilpu mapoi Sebulun iji igki eris esvi ra, et idivaig ilpu eteuc ira ra.

²⁸ Erus ohwat hal u Josef a Manasi im Ifreem im ilpu eteuc ira rau ji igki.

²⁹ Eris ahes ehele Manasi ara sji igki: eris ahes ehele Mekir a nup u Mekir: is lep apos Cileat a Mekir: eris ahes ehele Cileat a nup u Cileat.

³⁰ Ilpu mapoi Cileat ji igki: eris ahes ehele Jiser a nup u Jiser: eris ahes ehele Hilek a nup u Hilek:

³¹ eris ahes ehele Asriel a nup Asriel: eris ahes ehele Sikem a nup u Sikem:

³² eris ahes ehele Semaita a nup u Semaita: eris ahes ehele Hifer a nup u Hifer.

³³ Is eti eteuc ilpu halav atamaigu Silofehat inhal u Hifer, ilpu halav atahig ache: nidai ilpu halav atahig u Silofehat ji igki, nan, Mala, im Noa, im Hocla, im Milka, im Tirsa.

³⁴ Eris fifte tu dausant im seven huntret (52,700) a ilpu mapoi Manasi iji igki eris esvi ra, et idivaig ilpu eteuc ira ra.

³⁵ Ilpu mapoi Ifreem ji igki irai ilpu eteuc ira ra: eris ahes ehele Sudela a nup u Sudela: eris ahes ehele Biker a nup u Biker: eris ahes ehele Tehan a nup u Tehan.

³⁶ Ilpu mapoi Sudela ji igki: eris ahes ehele Iran a nup Iran.

³⁷ Eris dirte tu dausant im faiv huntret (32,500) a ilpu mapoi Ifreem iji igki eris esvi ra, et idivaig ilpu eteuc ira ra. Era ilpu mapoi Josef ara sji igki irai ilpu eteuc ira ra.

³⁸ Ilpu mapoi Benjamin ji igki irai ilpu eteuc ira ra: eris ahes ehele Bila a nup u Bila: eris ahes ehele Asbel a nup Asbel: eris ahes ehele Ahairam a nup Ahairam:

³⁹ eris ahes ehele Sufam a nup u Sufam: eris ahes ehele Hufam a nup u Hufam.

⁴⁰ Erus ohwat hal u Bila a Art im Neaman: eris ahes ehele Art a nup Art: eris ahes ehele Neaman a nup u Neaman.

⁴¹ Eris forte faiv dausant im siks huntret (45,600) a ilpu mapoi Benjamin iji igki eris esvi ra, et idivaig ilpu eteuc ira ra.

⁴² Ilpu mapoi Tan ji igki irai ilpu eteuc ira ra: eris ahes ehele Suham a nup u Suham. Ilpu mapoi Tan ji igki irai ilpu eteuc ira ra.

⁴³ Eris sikste for dausant im for huntret (64,400) a ilpu mapoi Suham iji igki eris esvi ra, et idivaig ilpu eteuc ira ra.

⁴⁴ Ilpu mapoi Eser ji igki irai ilpu eteuc ira ra: eris ahes ehele Jimna a nup u Jimna: eris ahes ehele Jesuai a nup u Jesuai: eris ahes ehele Biraia a nup u Biraia.

⁴⁵ Eris ahes ehele ohwat hal u Biraia ara sji igki: eris ahes ehele Hiber a nup u Hiber: eris ahes ehele Malkiel a nup u Malkiel.

⁴⁶ Nidai inhalav atahig u Esar, nan, Sera.

⁴⁷ Eris fifte dri dausant im for huntret (53,400) a ilpu mapoi Esar iji igki eris esvi ra, et idivaig ilpu eteuc ira ra.

⁴⁸ Ilpu mapoi Naftalai ji igki irai ilpu eteuc ira ra: eris ahes ehele Jasiel a nup u Jasiel: eris ahes ehele Cunai a nup u Cunai:

⁴⁹ eris ahes ehele Jiser a nup u Jiser: eris ahes ehele Sillem a nup u Sillem.

⁵⁰ Ilpu mapoi Naftalai ji igki irai ilpu eteuc ira ra: eris forte faiv dausant im for huntret (45,400) ara sji igki eris esvi ra, et idivaig ilpu eteuc ira ra.

⁵¹ Eris siks huntret im wun dausant im seven huntret im dirte (601,730) a nup Isreel iji igki eris esvi ra.

⁵² Is tas a Ihova ehele Moses, um ika,

⁵³ Uhmu ahaig inpece irai ra sji igki mika eri ohuun ara, et idivaig nesvi vaig nidara.

⁵⁴ Eru wit ahinag natimi, namu alupai ra nahaijin pece alupas aiek, ja eru wit eti elpat ara, namu alupai ra nahaijin tintin aiek: uhmu alupai natimi asega nuarin nobohtan yi idivaig nesvi vaig u ilpu eteuc ira ra.

⁵⁵ Ja uhmu ahaig inpece irai itai asjaaicnaig: erumu ohuun ara yi idivaig nidai ilpu atimi esjilid irai ilpu eteuc ira ra.

⁵⁶ Uhmu ahaig inpece irai itai asjaaicnaig ira atimi et ahinag im natimi et eti elpat.

⁵⁷ Eris esvi ra sji igki irai ilpu mapoi Livai nai ilpu eteuc ira ra: eris ahes ehele Cerson a nup u Cerson: eris ahes ehele Kohad a nup u Kohad: eris ahes ehele Mererai a nup u Mererai.

⁵⁸ Ilpu mapoi Livai ji igki: ilpu mapoi Libnai, im ilpu mapoi Hi-bron, im ilpu mapoi Malai, im ilpu mapoi Musai, im ilpu mapoi Kohad. Is apos Amram a Kohad.

⁵⁹ Nidai ehgai Amram, nan, Jokebet, inhalav atahig u Livai, is apos yin imi Livai a risin an pece Ijipt: is apos Eron im Moses imi Amram aien, im lep Miriam natahig ira rau.

⁶⁰ Is apos Netab, im Abaihu, im Eliesar, im Idamar a Eron.

⁶¹ Ja erus emesmas a Netab im Abaihu, erus wat ahlap arau an cap is eche an nuhup u Ihova.

⁶² Eris twente dri dausant (23,000) ara sji ehki eris esvi ra ira ra, ilpu atamaig asega is eteuc inmohoc is ethi ira ra um eled: eris eti esvi ra pan irai up Isreel, eris eti alupai ra tah nuarin nobohtan pan irai up Isreel.

⁶³ Erus esvi ra sji igki a Moses im Eliesar natimi ahlap, erus esvi nup Isreel arau irai iji uarin marara u Jortan ubutpotet pan Jeriko.

⁶⁴ Ja is eti amen ehele ra tah natimi erus esvi ra a Moses im Eron natimi ahlap, erus wat esvi nup Isreel arau au namasacen Saine.

⁶⁵ Is idim ika a Ihova vai ra, Erupu idim emesmas ara an na-masacen. Is eti amen tah ira ra, Keleb ache inhal u Jefunni, im Josua inhal u Nun.