Numera 1 - Intas Etipup

Nuarin tas alupas 1.

1 Et tas alep a Atua ehele Moses mika yi esvi atimi. 5 Ilpu atimi alupas irai ilpu eteuc. 17 Natimi er isjipicnaig irai ilpu eteuc, athi um athi ehni. 47 Er iknipagki ilpu mapoi Livai va nauritai u Ihova.

¹ IS tas a Ihova ehele Moses an namasacen Saine, an neom er asjapicnaig o un, an nadiat uhup, an mohoc sekunt, an mesese sekunt an nahes ura an pece Ijipt, um ika,

² Esvi athiathi natimi asega irai up Isreel, nikavaig, ilpu etmara, im ilpu eteuc ira ra, um esvi athiathi ilpu atamaig asega;

³ et twente inmesese ira ra um eled, ra asega era emda ara par apan u nedoa irai up Isreel: namu esvi ra aiek im Eron irai iji pak ira edoa ura.

⁴ Etmu amen ehelemirau natimi yi athi irai iji ahaiji up Isreel; nikavaig, ilpu atimi esjilid irai ilpu eteuc ira ra.

⁵ Nidai ilpu atimi amen ehelemia ji igki: nan, Elaisur, inhal u Setiur, irai ilpu mapoi Ruben.

⁶ Im Silumiel inhal u Surisateai, irai ilpu mapoi Simeon.

⁷ Im Neeson inhal u Aminatab, irai ilpu mapoi Juta.

⁸ Im Nedaniil inhal u Sitar, irai ilpu mapoi Isakar.

⁹ Im Elaiab inhal u Hilon, irai ilpu mapoi Sebulun.

¹⁰ Im Elisama inhal u Amihut, im Cameliel inhal u Pidesur, irai ilpu mapoi Ifreem im Manasi, ohwat hal u Josef.

¹¹ Im Abaitan inhal u Citeonai, irai ilpu mapoi Benjamin.

¹² Im Ahiiser inhal u Amisateai, irai ilpu mapoi Tan.

¹³ Im Paciel inhal u Okran, imi ilpu mapoi Eser.

¹⁴ Im Elaiasaf inhal u Tiuel, irai ilpu mapoi Cat.

¹⁵ Im Ahaira inhal u Inan, irai ilpu mapoi Naftalai.

¹⁶ Eris aniv ra sji igki lra atimi, eris esjilid irai ilpu eteuc ira ra ara, um atimi alupas irai iji dausant irai up Isreel.

¹⁷ Erus lucsei natimi iji igki a Moses im Eron eris aniv ra:

¹⁸ um asjapicnaig natimi asega an nadiat uhup an mohoc sekunt, um aniv ilpu retpora eris ahes ehele ra ara, im ilpu eteuc ira ra, is idivaig eris esvi nidara athiathi, is eteuc inmesese is twente ira ra um eled.

¹⁹ Is idivaig is asaig a Ihova ehele Moses, is um uce is esvi ra aien an namasacen Saine.

²⁰ Eris esvi ilpu mapoi Ruben inmeto u Isreel, irai ilpu etmara, im ilpu eteuc ira ra, im nidai ilpu atamaig athiathi asega, is twente inmesese ira ra um eled, ra asega eris emda ara par apan u nedoa;

²¹ eris forte siks dausant im faiv huntret (46,500) ara sji ehki eris esvi ra irai ilpu mapoi Ruben.

²² Eris esvi ilpu mapoi Simeon, irai ilpu etmara, im ilpu eteuc ira ra, im nidai ilpu atamaig athiathi asega, is twente inmesese ira ra um eled, ra asega eris emda ara par apan u nedoa;

²³ eris fifte nain dausant im dri huntret (59,300) ara sji ehki eris esvi ra irai ilpu mapoi Simeon.

²⁴ Eris esvi ilpu mapoi Cat, irai ilpu etmara, im ilpu eteuc ira ra, im nidara, is twente inmesese ira ra um eled, ra asega eris emda ara par apan u nedoa;

²⁵ eris forte faiv dausant im siks huntret im fifte (45,650) ara sji ehki eris esvi ra irai ilpu mapoi Cat.

²⁶ Eris esvi ilpu mapoi Juta, irai ilpu etmara, im ilpu eteuc ira ra, im nidara, is twente inmesese ira ra um eled, ra asega eris emda ara par apan u nedoa;

²⁷ eris sevente for dausant im siks huntret (74,600) ara sji ehki eris esvi ra irai ilpu mapoi Juta.

²⁸ Eris esvi ilpu mapoi Isakar, irai ilpu etmara, im ilpu eteuc ira ra, im nidara, is twente inmesese ira ra um eled, ra asega eris emda ara par apan u nedoa;

²⁹ eris fifte for dausant im for huntret (54,400) ara sji ehki eris esvi ra irai ilpu mapoi Isakar.

³⁰ Eris esvi ilpu mapoi Sebulun, irai ilpu etmara, im ilpu eteuc ira ra, im nidara, is twente inmesese ira ra um eled, ra asega eris emda ara par apan u nedoa;

³¹ eris fifte seven dausant im for huntret (57,400) ara sji ehki eris esvi ra irai ilpu mapoi Sebulun.

³² Eris esvi ilpu mapoi Josef, eris ahes ehele Ifreem ara, irai ilpu etmara, im ilpu eteuc ira ra, im nidara, is twente inmesese ira ra um eled, ra asega eris emda ara par apan u nedoa;

³³ eris forte dausant im faiv huntret (40,500) ara sji ehki eris esvi ra irai ilpu mapoi Ifreem.

³⁴ Eris esvi ilpu mapoi Manasi, irai ilpu etmara, im ilpu eteuc ira ra, im nidara, is twente inmesese ira ra um eled, ra asega eris emda ara par apan u nedoa;

³⁵ eris dirte tu dausant im tu huntret (32,200) ara sji ehki eris esvi ra irai ilpu mapoi Manasi.

³⁶ Eris esvi ilpu mapoi Benjamin, irai ilpu etmara, im ilpu eteuc ira ra, im nidara, is twente inmesese ira ra um eled, ra asega eris emda ara par apan u nedoa;

³⁷ eris dirte faiv dausant im for huntret (35,400) ara sji ehki eris es-vi ra irai ilpu mapoi Benjamin.

³⁸ Eris esvi ilpu mapoi Tan, irai ilpu etmara, im ilpu eteuc ira ra, im nidara, is twente inmesese ira ra um eled, ra asega eris emda ara par apan u nedoa;

³⁹ Eris sikste tu dausant im seven huntret (62,700) ara sji ehki eris esvi ra irai ilpu mapoi Tan.

⁴⁰ Eris esvi ilpu mapoi Eser, irai ilpu etmara, im ilpu eteuc ira ra, im nidara, is twente inmesese ira ra, ra asega eris emda ara par apan u nedoa;

⁴¹ eris forte wun dausant im faiv huntret (41,500) ara sji ehki eris esvi ra irai ilpu mapoi Eser.

⁴² Eris esvi ilpu mapoi Naftalai, irai ilpu etmara, im ilpu eteuc ira ra, im nidara, is twente inmesese ira ra um eled, ra asega eris emda ara par apan u nedoa;

⁴³ eris fifte dri dausant im for huntret (53,400) ara sji ehki eris esvi ra irai ilpu mapoi Naftalai.

⁴⁴ Eris esvi ra sji igki a Moses im Eron, im ilpu atimi alupas is twelv u nup Isreel: eris esjilid athiathi ara irai ilpu eteuc ira ra.

⁴⁵ Eris esvi ra sji igki asega irai up Isreel, irai ilpu etmara, im ilpu eteuc ira ra, is twente inmesese ira ra um eled, ra asega eris emda ara par apan u nedoa u nup Isreel;

⁴⁶ eris siks huntret im dri dausant im faiv huntret im fifte (603,550) ara asega eris esvi ra.

⁴⁷ Ja eris eti esvi ilpu mapoi Livai pan ira ra.

⁴⁸ Is tas a Ihova ehele Moses, um ika,

⁴⁹ Jim esvi ilpu mapoi Livai, um jim esvi ra pan irai up Isreel:

⁵⁰ ja namu ikni ilpu mapoi Livai aiek mika eri aminjinaig neom er asjapicnaig o un, im nipjiitai asega urin, im niji itai asega o un: erumu apos neom itap ara im niji itai asega o un; erumu aheca o un ara, um atumop u neom er asjapicnaig o un um arehed mihtag.

⁵¹ Uhu wit ika eri imiatga neom er asjapicnaig o un, erumu alcapdicraig a ilpu mapoi Livai: uhu wit lep ati neom itap, erumu lep athai a ilpu mapoi Livai: uhmu atgei natimi et eche et apan ubutpotet o un aien.

⁵² Erumu athai eom atga ura a nup Isreel asega irai iji uarin amen ura, athi um athi ehni, erumu amen u nitaahlaig ura natimi asega irai iji pak irai edoa ura.

⁵³ Ja erumu athai eom ura a ilpu mapoi Livai um arehed an neom itap et amen iran intas alep, vai yi jim amen intavaitap u Atua irai up Isreel: erumu lep aminjinaig neom er asjapicnaig o un et amen iran intas alep a ilpu mapoi Livai.

⁵⁴ Eris idim ago a nup Isreel is idivaig intas asega is asaig a Ihova ehele Moses.