Nitai ehvaig 4 - Intas Etipup

Nuarin-tas alupas 4.

¹ IS wat ti pan itac nitai iji eigki, kis almoi ainyak, um ecetai intapanes an nohatag is asalgei: kis atahaijeg nohran tah ainyak nuhupvaig, is idivaig intoho; is tas ehelek, um ika, Aridji pam aiek igcaki, ekpu ehvaig ehelum ainyak nitai iji eigki eris ika etpu yetpam an tak aopan.

² Kis auroauro ainyak um ahuumtidec: kis idim ecetai dorona is ethi ainyak eris ati an nohatag, is ateuc a dorona iyehki tah is ethi:

³ aien is ateuc iran aien, is idivaig inhat naunau aien im inhat cop: is arahed a dorona inhuterau, is idivaig inhat emelmat.

⁴ Is amen nitai ateuc is twente for, um arahed a dorona iyehki: kis ecet ilpu atimi tas alep is twente for ainyak nateucvaig irai itai ateuc iji ehki, eris aso ra ira apelumai ahi; eris lep adgaig korona colt ara.

⁵ Is ahes a dorona nawainapit, im inmunuka, im nohrai itai: is amen an nuhup u dorona incop alahala is seven; Nesgai Atua et seven ji eigki.

⁶ Is lep amen an nuhup u dorona injop ahula, is idivaig narasin nohatag: eris amen an niblai dorona um arahed iran niji itai umumoh is for, is ahinag nesgaiimtara an nuhup ura, im lep irai idjira.

⁷ Is idivaig laion nitai umoh is ethi, um lep idivaig kurimatau nitai umoh is ethi, um lep idivaig nesganimta atimi nesganimtan nitai umoh is ethi, um lep idivaig inmeijcop ae nitai umoh is ethi.

⁸ Is siks ehni nehpai iji itai umumoh is for iji ehki: is lep ahinag nesgaiimtara iraili ehpara ara, um arahed ira ra: era eti atumop ara irai iji adiat im niji epeig, um ika, Na upene, na upene, na upene aiek, ak Natimarid Atua emda acen, as upyi eteuc aiek, um lep eteuc an naopan ineig, jai napu lep eteuc aiek.

⁹ Eru wit imyiahpas, um ago nedo eccen, um naaurineig vai yin, et ateuc a dorona iyehki aien, um umoh irai iji mesese, a niji itai umumoh iji ehki,

¹⁰ erupu eropse an nuhup o un et eteuc aien a dorona a ilpu atimi tas alep twente for, um alaigaheni vai yin et umoh aien irai iji mesese, um erekhaigse korona ura an nuhup u dorona, um ika,

¹¹ Ak Natimarid, na upene aiek inlehvaig nimyiahpas, im natimi alupas, im nemda: as ago niji itai asega aiek, eris upyi ago va nasaig unyum, et lep amen an naopan ineig,