Nihemaia 12 - Intas Etipup

Nuarin tas alupas 12.

1 Ilpu atimi ahlap, 8 im ilpu mapoi Livai iji ig, eris ahced Serubabel ara, um, apam an pece Juta. 10 Ilpu atimi esjilid an nahlap eris asjeupigmoig ra ara um itu ira ra. 22 Nahaiji ilpu atimi alupas irai ilpu mapoi Livai. 27 Nasjapicnaig upene par ati niji athatahau. 44 Era ikni ara an neom itap ilpu atimi ahlap im ilpu mapoi Livai va nauritai u Atua.

¹ ERA ilpu atimi ahlap im ilpu mapoi Livai ara sji igki, eris ahced Serubabel ara inhal u Sialtiel, im Josua, um aridjai; nan, Sereaia, im Jeremaia, im Esra,

² im Amaraia, im Malluk, im Hattus,

³ im Sekanaia, im Rihum, im Meremod,

⁴ im Itto, im Cinnedo, im Abaija,

⁵ im Maiamin, im Meataia, im Bilca,

⁶ im Semeaia, im Joiarib, im Jeteaia,

⁷ im Sallu, im Emok, im Hilkaia, im Jeteaia. Eris esjilid ara sji igki irai ilpu atimi ahlap im ilpu etwara an nopan umoh u Josua.

⁸ Im lep ilpu mapoi Livai: nan, Josua, im Binnuai, im Katmiel, im Serebaia, im Juta, im Mattanaia, aien aigki is aminjinaig nohranitai, aien im ilpu etwan.

⁹ Im lep Bakbukaia im Unnai ohwat etwara, erus esjilid arau irai ilpu atimi aminjinai itai.

¹⁰ Is apos Joiakim a Josua, is lep apos Elaiasib a Joiakim, is apos Joiata a Elaiasib,

¹¹ is apos Jonadan a Joiata, is apos Jattua a Jonadan.

¹² Eris ilpu atimi ahlap an nopan umoh o Joiakim ara sji igki: nan, Mereaia irai Sereaia; im Hananaia irai Jeremaia;

¹³ im Misullam irai Esra; im Jehohenan irai Amaraia;

¹⁴ im Jonadan irai Meliku; im Josef irai Sebanaia;

¹⁵ im Atua irai Herim; im Helkai irai Mireyod;

¹⁶ im Sekaraia irai Itto; im Misullam irai Cinnedon;

¹⁷ im Sikrai irai Abaija; im Nankitai irai Minaiamin; im Piltai irai Moataia;

¹⁸ im Sammua irai Bilca; im Jehonadan irai Semeaia;

¹⁹ im Matteneai irai Joiarib; im Ussai irai Jeteaia;

²⁰ im Kalleai irai Salleai; im Iber irai Emok;

²¹ im Hilkaia irai Hasabaia; im Nedaniil irai Jeteaia.

²² Eris aged ilpu mapoi Livai an nopan umoh u Elaiasib, im Joiata, im Johenan, im Jattua, ilpu atimi alupas esjilid: im lep ilpu atimi ahlap, um yetpan an nopan u natimarid vaig u Taraius nup u Persia.

²³ Eris aged ilpu mapoi Livai an nitaasviitai, nikavaig, ilpu retpora esjilid, um yetpan an nopan u Johenan inhal u Elaiasib.

²⁴ Im ilpu mapoi Livai esjilid: nan, Hasabaia, im Serebaia, im Josua inhal u Katmiel, im ilpu etwara, eris esjilid ara an nohranitai im nimiahpas, is idivaig intas alep u Tevit natimi u Atua, um asitu sjipe ra.

²⁵ Eris atimi aminjinaig neucse neom a Mattanaia, im Bakbukaia, im Obataia, im Misullam, im Talmon, im Akkub, eris aminjinaig ara an nuarin asjapicnaig an neucse neom.

²⁶ Eris umumoh ara an nopan u Joiakim inhal u Josua, inhal u Josatak, im nopan u Nihemaia natimi alupas, im nopan u Esra natimi ahlap, im natimi asuptecnaig nesgan tas alep,

²⁷ ERIS ahilek ilpu mapoi Livai irai iji uarin ura, an nopan iyehki eris imiitap nathatahau Jerusalem, um imiapam ra Jerusalem, mika eri imiitap nathat ahau an nimiacitak, im naaurinig, im nohranitai, irai simbal, im saltere, im harp.

²⁸ Eris ahes irai iji uarin marara et arehed Jerusalam, im lep irai iji maliyum haklin u Netofadai a ilpu atimi amarero par acesaces nohranitai, um asjapicnaig;

²⁹ im lep inpece Cilcal, im niji uari obohtan Ciba im Asmaved: eris idim ago niji maliyum haklin ura a ilpu atimi acesaces nohranitai ubutpotet pan Jerusalem um arehed.

³⁰ Eris yiri ra a ilpu atimi ahlap im ilpu mapoi Livai, um yiri atimi, im niji tapnes, im nathatahau.

³¹ Kis imiapam ilpu atimi alupas an pece Juta ainyak ijinies an nathatahau, um aniv nahaiji atimi is ahinag iran ehro mika eri ago naaurinig ara, is apan is ethi ijinies an nathatahau an matan u neucse nathatahau vai ohok:

³² is apitac ra a Hoseaia, im nahaiji ilpu atimi alupas an pece Juta,

³³ im Asaraia, im Esra, im Misullam,

³⁴ im Juta, im Benjamin, im Semeaia, im Jeremaia,

³⁵ im hal irai ilpu hal u ilpu atimi ahlap eris apos toho ara; nan, Sekaraia inhal u Jonadan, inhal u Semeaia, inhal u Mattanaia, inhal u Maikeya, inhal u Sakkur, inhal u Esaf:

³⁶ im ilpu etwan; nan, Semeaia, im Asareel, im Milaleai, im Cilaleai, im Meai, im Nedaniil, im Juta, im Hananai, eris apos niji itai ahlai u Tevit natimi u Atua ara, is uhup ira ra a Esra natimi asuptecnaig nesgan tas alep.

³⁷ Eris lep aridjai ara u neucse nathatahau u nimtanwai an nuhup ura, an nefalaig an maliyum u Tevit, um aridjai an nathatahau, an nahaijin neom u Tevit ijinies, um yetpan u neucse nathatahau vai wai an ridjai o un.

³⁸ Eris lep apan an taka uarin nahaiji atimi is ahinag ira ra eris ago naaurinig is eche irai ra sji ehki, kis apitac ra ainyak, im nahaiji atimi ijinies an nathatahau, um ahes an nahaijin neom ehlad itac u ehpai uum um yetpan u nathatahau alupas;

³⁹ im lep an nahaijin neucse nathatahau u Ifreem ijinies, im nahaijin neucse nathatahau itu ijinies, im nahaijin neucse nathatahau vai mu ijinies, im neom ehlad Hananiil, im neom ehlad Mia, um yetpan an neucse nathatahau vai siip: eris aiji ara an neucse neom ipjin.

⁴⁰ Eris aiji nahaiji atimi is ahinag iran ehro erahki, um ago naaurinig anliin neom u Atua, im lep nyak im nahaiji ilpu atimi alupas ehelek:

⁴¹ im lep ilpu atimi ahlap; nan, Elaiakim, im Measiya, im Minaiamin, im Maikeya, im Elioyine, im Sekaraia, im Hananaia, eris apos toho ara;

⁴² Im Measiya, im Semeaia, im Eliesar, im Ussai, im Jehohenan, im Malkaija, im Ham, im Iser. Eris acesaces nohranitai emda a ilpu atimi acesaces nohranitai, im Jesrahaia natimi esjilid ira ra.

⁴³ Eris lep ahlap ara an nadiat iyehki irai iji itai ahlap esjilid, um imiacitak: eris imiacitak vai Atua ara an nimiacitak esjilid: eris lep imiacitak a ilpu ehgara im ilpu hal ura: eris idim atahaijeg nohran nimiacitak u uup u Jerusalem itac acen.

⁴⁴ Eris lep ikni hal an nopan iyehki mika eri esjilid ara irai iji uari eom ikni padiaig iran, im niji itai tup ahtai, im inhupnai itai, im naihaiji tend irai itai, um asjapicnaig nitai iji igki irai iji uari obohtan irai maliyum et idivaig intas alep, imi ilpu atimi ahlap im ilpu mapoi Livai: eris idim imiacitak a nup u Juta vai ilpu atimi ahlap im ilpu mapoi Livai eris auanaheca ara.

⁴⁵ Eris aminjinaig nauritai u Atua ura a ilpu atimi acesaces nohranitai im ilpu atimi aminjinaig neucse neom, im lep ilpu atimi aminjinaig niji itai itap, is idivaig intas alep u Tevit, im Solomon inhal o un.

⁴⁶ Eris ikni ilpu atimi esjilid irai ilpu atimi acesaces nohranitai an nopan umoh u Tevit im Esaf itu, mika eri acesaces nohranitai um ago naaurinig vai Atua ara.

⁴⁷ An nopan umoh u Serubabel, im nopan umoh u Nihemaia, eris ikni nitai caig a nup Isreel asega, incai ilpu atimi acesaces nohranitai im ilpu atimi aminjinaig neucse neom irai iji adiat: um lep ikni naihaijin tend irai itai imi ilpu mapoi Livai; eris lep ikni nahaijin tend irai itai ura a ilpu mapoi Livai imi ilpu mapoi Eron.