Nihemaia 10 - Intas Etipup

Nuarin tas alupas 10.

1 Nida atimi iji ig era asjaaicnaig intas etipup ara. 29 Nohuun tas an tas etipup.

¹ ERIS ati nitai asjaaicnaig ura ara sji igki; nan, Nihemaia, natimi alupas, inhal u Hakalaia, im Sitkaija,

² im Sereaia, im Asaraia, im Jeremaia,

³ im Pesur, im Amaraia, im Malkaija,

⁴ im Hattus, im Sebanaia, im Malluk,

⁵ im Herim, im Meremod, im Obataia,

⁶ im Taniel, im Cinnedon, im Berak,

⁷ im Misullam, im Abaija, im Mijamin,

⁸ im Measaia, im Bilce, im Semeaia: eris ilpu atimi ahlap ara sji igki.

⁹ Im ilpu mapoi Livai: nan, Josua inhal u Asanaia, im Binnuai irai ilpu hal u Henatat, im Katmiel;

¹⁰ im ilpu etwara; nan, Sebanaia, im Hotaija, im Kelita, im Peleaia, im Henan,

¹¹ im Maika, im Rihob, im Hasabaia,

¹² im Sakkur, im Serebaia, im Sebanaia,

¹³ im Hotaija, im Benai, im Benainu.

¹⁴ Im ilpu atimi alupas ira atimi; nan, Peros, im Pehad-moab, im Ilam, im Satdu, im Benai,

¹⁵ im Bunnai, im Ascat, im Bebeai,

¹⁶ im Atonaija, im Bicveai, im Etin,

¹⁷ im Eter, im Hiskaija, im Assur,

¹⁸ im Hotaija, im Hesum, im Bise,

¹⁹ Im Herif, im Anadod, im Nebeai,

²⁰ im Macpias, im Misullam, im Hesir,

²¹ im Misesabiil, im Setok, im Jattua,

²² im Pelataia, im Henan, im Aneaia,

²³ im Hosia, im Hananaia, im Hesub,

²⁴ im Hallohes, im Pileha, im Sobek,

²⁵ im Rihum, im Hasabna, im Measiya,

²⁶ im Ahaija, im Henan, im Enan,

²⁷ im Malluk, im Herim, im Beana.

²⁸ Im lep natimi an pece, ilpu atimi ahlap, im ilpu mapoi Livai, im ilpu atimi aminjinaig neucse neom, im ilpu atimi acesaces nohranitai, im ilpu aheca u ilpu mapoi Livai, im lep ra asega eris ahidaig ra irai up urai pece ara pan u intas alep u Atua, im ilpu ehgara, im ilpu halav atamaig ura, im ilpu halav atahig ura, im ra asega eris ato itai ara um eteuc lelra;

²⁹ eris apol irai ilpu etwara ara, im ilpu atimi alupas ura, um asan tas aktit ura, um ika eri ahlaijai ra, el era eti ahced intas alep u Atua ara, is asaig a Moses naheca u Atua, um aktaktai, um imiaiji intas alep asega u Ihova Natimarid uja, im intas esege o un im intas aktit o un;

³⁰ um eti alupai nup uran pece ilpu halav atahig uja, um eti lucsei ilpu halav atahig ura ehgai ilpu halav atamaig uja:

³¹ el era lep imiapam inpadiaig, ka tah nitai caig a nup uran pece an nadiat atumop mika eri ahtai; intupu eti auanimtan akaija an nadiat atumop, ka an tah nadiat itap: intupu lep tup amen akaija irai iji mesese sevend, um eti lucsei neruvaig itai.

³² Intis lep asan tas uja akaija mika ti ikni nahaijin dirt u sikel et ethi irai iji mesese va nauritai an neom u Atua uja;

³³ va nareto er ehvaig, im nitai ahlap an nitai caig irai iji adiat, im nitai ahlap atnamud irai iji adiat, im niji adiat atumop, im niji upyi het, im niji asjapicnaig u atimi eris asaig, im niji itai itap, im lep va niji itai ahlap va nedo has par adahpoi nedo has u nup Isreel, im lep vai nauritai asega u neom u Atua.

³⁴ Intis lep edaig niji itai asjaaicnaig akaija irai ilpu atimi ahlap, im ilpu mapoi Livai, im natimi, va nitai ahlap irai cai, par imiapam anliin neom u Atua uja, is idivaig ilpu eteuc irai ilpu retpoija, an nopan er asaig irai iji mesese, par atnamud ijinies an natau u Ihova Atua uja, et idivaig eris aged an tas alep:

³⁵ um imiapam inhupnai itai an nobohtan uja, im inhupnan nohwai cai asega, irai iji mesese, an neom u Ihova:

³⁶ im lep inmeto irai ilpu halav atamaig uja, im niji itai eklim edo irai pece uja, et idivaig eris aged an tas alep, im inmeto irai kurimatau uja, im siip uja, par imiapam an neom u Atua uja, ehele ilpu atimi ahlap era aheca an neom u Atua uja ara:

³⁷ um lep imiapam inhupnai flaur aplamod uja, im niji itai ahlap uja, im nohwai cai asega, im nide vaine, im narakei oliv, ehele ilpu atimi ahlap irai uari eom an neom u Atua; im nahaijin tend irai iji itai an nobohtan imi ilpu mapoi Livai, mika eri lucsei nahaijin tend irai itai a ilpu mapoi Livai irai iji maliyum an nahapol uja.

³⁸ Etmu amen ehele ilpu mapoi Livai a natimi ahlap inhal u Eron, eru wit lucsei nahaijin tend irai itai a ilpu mapoi Livai: erumu lep imiapam nahaijin tend irai nahaijin tend irai itai an neom u Atua uja, irai uari eom anliin neom ikni itai iran.

³⁹ Erumu imiapam niji itai ahlap irai korn, im nide vaine mat, im narakei oliv, a nup Isreel im ilpu mapoi Livai, irai uari eom, et amen nipjiitai uri nuarin itap, im ilpu atimi ahlap auanaheca, im ilpu atimi aminjinaig neucse neom, im ilpu atimi acesaces nohranitai: intupu eti udei neom u Atua uja akaija.