Nehum 2 - Intas Etipup

NUARIN TAS ALUPAS 2.

Era aat irai nup u Ninevi niji pak irai edoa u Atua er imtitaig vaig, era lep esjilid ara.

¹ AK natimarid u nup u Juta, et mun aridjipam an nuhup unyum a natimi inig et imiterimterim itai aien: namu aminjinaig inmaliyum emda unyum aiek, namu aminjinaig nefalaig unyum aiek, namu aroraktit inwauahid unyum aiek, namu ika aiek yi alupas nemda unyum.

² Era mun aldei ehni nohwai itai ura a ilpu atimi aldei ohwai itai, um lep auahas inrai vaine ura, ja etpu imiadumoij pam natimi alupas u ilpu mapoi Jekob a Ihova, im lep namen upene u nup u Isreel.

³ Ak nup u Ninevi, et cap niji itai ahtaipup u ilpu atimi emda u natimi tak atimi iramia, era aso ra ira apelumai cap a ilpu eucsupo o un: etpu naunau asega niji auitoga opra irai jariot o un an nadiat inig etpu ago itai iran aien, erupu lep imiaridjai niji mopul ura ara.

⁴ Erupu athut emda jipe niji jariot irai efalaig alupas, um ehtet jipe irai uarin lah; etpu idivaig nago irai cap alahala nago ira ra, um ah wa wai et idivaig nauwainapit.

⁵ Etpu imiehva ilpu atimi alupas o un a natimarid u nup u Ninevi: erupu atga epihtau ara an natga ura; erupu athut pan u nathatahau iran ara, eri lep ago upene nuarin ahtaipup.

⁶ Eri asalgei intapnes an nofowai, etpu tup tiih pan nimnim atimi iyehki is amen aktit.

⁷ Uhpu iknipagki niji itai u nup u Ninevi; eri imiapan ra an taka pece; erupu ehtigtaig a ilpu aheca atahig ura et idivaig inmotjan nohra alaupa; erupu ahpoi inritira ara.

⁸ Eris idivaig netpen wai a nup u Ninevi itu acen um imihum pam an nopan inig: ja erupu ahapan ara. Erupu ika ara, Amen aijaua, amen aijaua; ja inyi ti tah par yaspan itac.

⁹ Ak ilpu atimi tak atimi ira ra, akumu atoraliak silver ura aijaua, akumu atoraliak colt ura aijaua: eri eti arahon padiaig upene ura, eris asjapicnaig alupas niji itai asega eh merit vaig.

¹⁰ Et ahyuahyu inmaliyum Ninevi, um umaruma, um ti nitai iran: et auatialidi inliinmopoi atimi, et eucjeucjeucaij niji eduora, et emda alupas inwauahid ura asega, et has nesganimtara asega va nimtitaig ura.

¹¹ Et eteuc kakwaikuri laion eda, im lep nuarin eris hag iran inhakli laion, nuarin inig eris edo jipe iran a laion atamaig im laion atahig, im lep inhakli laion, um ti tah par ika eri imtitaig ara?

¹² Is ces yi oplecoplec itai a laion mika eri geije a ilpu hal o un, um aces auiwai itai imi niji laion atahig o un, is ago ohua niji kakwaikuri o un aien irai itai is lucsei aien, im niji uarin ati o un irai itai is ces yi oplecoplec iran aien.

¹³ Et ika a Ihova esjilid acen; Ak nup u Ninevi, ekpu atapnes caua ainyak, ekpu atnamud niji jariot unyimia ainyak, mika yi adnan cap, ekpu atgei ilpu eucsupo unyimia ainyak an nedoa: ekpu iknipa gki naga unyimia ainyak an pece akis atoraliak aijaua, eri eti lep ahgei nohrai ilpu aheca unyimia era imiatga intas unyimia ara par asaig ehele atimi.