Natimi Efehtas 8 - Intas Etipup

Nuarin tas alupas 8.

1 Eris idim ika eri ecen alupas vai ilpu atimarid. 6 Eri almuktit nedo o Atua. 12 Era upene a ilpu atimi upene an namen has ura, ja era has a ilpu atimi auatatimi an namen upene ura. 16 Et ehka va atimi par ahilek ehni nauritai u Atua.

¹ ET idivaig natimi arapakau a di? et ato a di nesgan tas irai itai? et lah nesganimtan tah vai narapakau o un; et lep emda nesganimtan aien vaig.

² Ek ika ainyak ehelum, Namu imiaiji intas alep u natimarid aiek, vaig inig nikavaig, as upyi asig aktit intas ehelen aiek an nuhup u Atua.

³ Etmu jim ehioehio inliinmopom aiek an nuhup o un, um udei yin: um jim imiisjis aiek an nitai has; et idim ago nedo inigki aien et upene iran.

⁴ Et eteuc nemda irai tas alep u natimarid: et ehka vaig tah par ika ehelen, Inhe nedo inigki na ago aiek?

⁵ Aien et imiaiji intas alep o un aien, etpu eti ato nitai has aien: et ato nopan upene im neruvaig upene inliinmopoi natimi arapakau.

⁶ Et idim eteuc nopan upene im neruvaig upene va niji auritai asega: ja et alupas nohocred u natimi va nitai inig, nikavaig,

⁷ et eti ato nitai inig aien etpu yetpam iran: et elika vaig tah par asuptecnaig ehelen nitai inig etpu yetpam iran,

⁸ et ti tah natimi et esjilid aien irai nesgan, par asjiraig aktit nesgan; et eti esjilid tah irai nadiat u unmas o un: inyi eti atcijaig tah va nedoa iyehki; inyi lep auatialidi nedo has par imiatamai ra sji igki era ago nedo has ara.

⁹ Ek mun alum itai iji igki asega ainyak, um aktaktai an liinmopok niji auritai asega er ago ithan nohatag: et esjilid tah natimi iran tah natimi au tah nopan ja et has vaig aien.

¹⁰ Im lep inig, kis mun ecet ilpu atimi auatatami ainyak, eris atelmoi ra, natimi iji ig marom eris apan an neom itap ara um adumoij pam,; eris ahnag ira ra an maliyum iyehki eris ago nedo inigki iran ara: et lep takitai nitai inigki.

¹¹ Er idim eti fi auroauro um ehneijid intas alep inig par aru tah nauritai has; va nitai inigki, et emda inliinmopoi ilpu hal u atimi par ago nedo has.

¹² El et ecewun huntret ago nedo has a natimi auatatimi, um Jep umoh aien um itu iran; ek idim ato ainyak mika, etpu upene namen u ra sji igki era imtitai Atua ara um ecen vai yin:

¹³ ja etpu eti upene namen u natimi auatatimi; inyi eti umoh aien yi itu iran; et idivaig nalmuitai niji adiat o un; vaig inig nikavaig, et eti ecen vai Atua aien.

¹⁴ Et eteuc intakitai inigki er ago an nobohtan, nikavaig, era eteuc natimi upene iji igki, et yetpam ira ra neruvaig et idivaig nedo o ilpu atimi auatatimi; era lep eteuc natimi auatatimi iji igki, et yetpam ira ra neruvaig et idivaig nedo o ilpu atimi upene: kis ika ainyak et lep takitai nitai inigki.

¹⁵ Kis lep imiahpas nimiacitak ainyak, vaig inig nikavaig, et ti tah nitai ehele natimi ithan nagesega et esjilid iran nigki, mika yi hag aien, um umwig, um imiacitak; etpu idim amen ehelennitai iji igki; nimtan nauritai o un nigki ira adiat iji ig et umoh iran aien, et lep alupai yin a Atua ithan nagesega.

¹⁶ Is idim emda inliinmopok ainyak par ato narapakau, um almoi nauritai inig er ago an nobohtan: (era idim alum itai hal atimi an nesgauimtara, ja era eti umjeg ara an nadiat im lep au nepig:)

¹⁷ ja kis par ato nitai inigki: ainyak, nikavaig, et ehka vaig tah par ato ehni tah nauritai u Atua, tah nauritai o un marom er ago ithan nagesega: vaig inig nikavaig, el et auritai tah um ahilek, etpu eti ato ehni aien; maiya, el et aktaktai tah natimi arapakau mika yi ato aien, etpu ehka vai yin par ato ehni.