Maika 4 - Intas Etipup

NUARIN TAS ALUPAS 4.

1 Uhpu imiahpas nup an nakalasia, 3 nigpa ura, 8 nelcau ura, 11 eri esjilid ara.

¹ JA ira adiat epitpitac, eri ati aktit nedoon et amen iran neom u Ihova irai iji au, eri lep imiaridjai mika yi ijinies irai iji edoon; erupu lep ahtag pam iran natimi.

² Erupu ham a nup urai iji pece inyi ahinag, um ika, Apam aijaua, intumu aridjipan akaija an nedoon u Ihova, im lep au neom u Atua u Jekob; mika yi esege imi caija nedo o un aien, mika ti lep ahced niji efalaig o un akaija: etpu idim ahes an maliyum Saion intas alep, etpu lep ahes an maliyum Jerusalem intas o Ihova.

³ Etpu tas alep aien ehele nup urai pece inyi ahinag, um aru irai nup urai pece era emda ara um amen itac acen; va nitai inigki erupu atcei auitoga ura ara um ago irak acujitai iran, im lep niji mopul ura um ago naife ahped vaine iran: eri eti lep ati nedoa a nup uran pece et ethi vai nup uran pece et eche, eri eti lep esege nedo an nedoa ara.

⁴ Ja erupu ateuc ara asega ithai vaine ura im ateg ura, athi um athi ehni; eri eti imtitaig ara vaig tah: et mun idim asaig intas inigki a Ihova esjilid acen.

⁵ El era apol a nup urai pece asega, athi um athi ehni, an nidai ilpu atmas ura, intupu idim apol akaija an nidai Ihova Atua uja irai iji mesese asega.

⁶ Et ika a Ihova, An nadiat iyehki ekpu asjapicnaig ra sji igki ainyak era atga has ara, um ikni ra sji igki an nuarin yi ethi ache eris mun ahlo ra, im lep ra sji igki kis mun auoh ohocred ra ainyak;

⁷ ekpu ika ainyak eri asjapicnaig ra sji igki era atga has ara, um lep ika eri up uran pece emda ara sji igki eris ahlo pan ra itac acen: etpu atimarid ira ra a Ihova an nedoon Saion an nopan inig, um yetpan irai iji mesese asega.

⁸ Ak nup uran pece unyak, ak nup u Saion, etpu yetpam natimi alupas unyimia, etpu yetpam ehelemia natimi alupas unyimia yi idivaig itu; etpu eteuc a natimarid unyimia an maliyum Jerusalem.

⁹ Im lep inig, ak nup u Saion, eka mun ahlaig ijinies aijaua vanhe? et eti amen tah natimarid ehelemia, ka oʼo? era mun eti eteuc a ilpu atimi tas alep unyimia, ka oʼo? mika et mun yetpam ehelemia nohocred et idivaig intakata inig et ahgei inhal o un aien.

¹⁰ Ak nup u Saion, akumu ohocred aijaua, um aunyauwaig, et idivaig intakata inig et ahgei inhal o un aien: akupu idim apan itac aijaua an maliyum an nopan inig, um amen an lelitai, akupu yetpan Babelon aijaua: uhpu imiatamaig caua eahki: etpu imiatamaig caua eahki a Ihova vai ikmai ilpu atimi edemda vai caua.

¹¹ Era mun lep asjapicnaig a nup urai pece et ahinag an nopan inig par aat iramia, era ika ara, Erumu has ara, intumu lep almoi pan nup u Saion akaija an nesganimtaija.

¹² Ja era eti ato naktaktai u Ihova ara, era lep eti ato nanaclelen o un ara: etpu idim asjapicnaig ra aien ct idivaig nijis irai hwiit an nuarin auud hwiit iran.

¹³ Ak nup u Saion, akumu atidai aijaua um auud atimi: ekpu ika ainyak yi aiurn nipat unyimia, um lep ika yi bras nihinagai eduomia: akupu ehtoplecoplec atimi inyi ahinag aijaua: akupu ika aijaua et itap vai Ihova naga ura, akupu lep ati inpadiaig ura aijaua vai Natimarid u nobohtan asega.