Madius 10 - Intas Etipup

Nuarin-tas alupas 10.

¹ IS asjapicnaig ilpu atimi atahaijeg yin is twelv ehelen aien, um alupai ra nemda, mika eri ahlo ilpu agelo has ara, um iknipagki nemehe asega ira atimi im nauatialidi ira ra.

² ¶ Nidai ilpu apostolo is twelv iji eigki; Is uhup a Saimona, tak idan Pitrus, im Antrius etoan; im Jakobus inhal o Sebetaius, im Joanes etoan;

³ im Filipus, im Bardolomius; im Tomas, im Madius natimi akwanaham; im Jakobus inhal o Alfius, im Lebius, tak idan Datius;

⁴ im Saimona natimi leh imi ilpu Silotai, im Jutas nupu Karyot, aien aigki is aniv yin aien.

⁵ ¶ Is abrai atimi is twelv iji ehki a Iesu, um tas ehele ra, um ika, Jim apan aijaua irai efalaig o nup urai iji taka pece, um jim apan an tah anuarin-pece o nupu Samerya:

⁶ jam apan ehele siip ahnag irai nupu Isreel.

⁷ Aku wit apan aijaua, um efehtas, um ika, Et ubutpotet nelcau an nohatag.

⁸ Ago cehcehe ilpu atimi emehe aijaua, um ago adicinadicin ilpu atimi lepros, um imyianusjai ilpu atimi emesmas, um ahlo ilpu agelo has: akis tup leh aijaua, um tup ahtai:

⁹ jim apos colt, im silver, im bras, irai cat unyimia aijaua;

¹⁰ im nefehcat an nefalaig, im napelumai yi ero, im incedpai eduomia, im niseuc: er alaa natimi auritai nitai caig incan.

¹¹ Aku wit apan aijaua an tah anuarin-pece alupas, ka inuarin-pece haklin, um ahodaig, um ika, et upene nedo u di iran? um amen eahki wat uhum pan naopan iyehki aki atga unyimia aijaua.

¹² Aku wit apan aijaua an tah nimnim, um aiheuc va atimi amen iran.

¹³ El et upene nedo o atameten iran, akumu asan tas upene vai ra aijaua: ja el et eti upene nedo ura, etmu adumoij ehelemia intas upene unyimia.

¹⁴ Ara eri eti leh caua ara, um eti atahaijeg intas unyimia, aku wit ahes an nimnim iyehki aijaua, im inuarin-pece iyehki, wat atga unyimia, um ucjucjai obohtan irai eduomia.

¹⁵ Et inivaijec ineig ek asaig ehelemia ainyak mika, Inyi tintin nohocred o nupu Sotom im nupu Comora an nadiat almoijidjid, ja etpu esjilid nohocred o nup an nuarin-pece iyehki.

¹⁶ 11 Ek abraig pan caua ainyak et idivaig siip irai iblai kuri aleg: akumu arapakau aijaua et idivaig imyiv, um erop nedo unyimia et idivaig alaupa.

¹⁷ Aminjinai caua aijaua va atimi: erupu ikni caua ara u asjapicnaig u ilpu atimi alupas, erupu aredei caua ara irai eom alaigaheni ura;

¹⁸ uhpu imyiapan caua an nuhup o ilpu atimi alupas im ilpu atimarid vai nyak, nitai asuptecnaig imi ra im lep imi nup urai iji pece.

¹⁹ Eru wit ikni caua ara, akumu jim aktaktai intas ineig aijaua aki asaig: uhpu alupai caua an nuarin-nadiat iyehki intas ineig akupu asaig aijaua.

²⁰ Eka eti tup tas aijaua, ja et ahuin tas iramia a Nesgai Etmamia.

²¹ Etpu alwai etoan tah mika eri atgei yin, im lep inhal o un a etman: erupu atidai a ilpu hal ura um atceijai ilpu atmil ura, mika eri atgei ra:

²² erupu amcel vai caua natimi asega vai nyak: aien inyi eti adumoij aien uhpu imyiatamaig yin.

²³ Eru wit abli caua ara an nuarin-pece inyi ethi, akumu aha pan aijaua an taka uarin: et inivaijec ineig ek asaig ehelemia ainyak mika, Akupu eti arahed ehni irai uari-pece Isreel aijaua, um imyihum pan naopan iyehki etpu ham a Inhal o natimi.

²⁴ Et eti esjilid natimi atahaijeg irai natimi esege imi yin, um eti esjilid naheca irai natimi alupas o un.

²⁵ Et upene vai natimi atahaijeg nidivai natimi esege imi yin vaig, um lep upene vai naheca nidivai natimi alupas o un vaig. Ele anvi nidai natimi alupas an neom par ika Bel-sebub, etpu esjilid intas has vai ilpu atimi o un.

²⁶ Jim imtitai ra aijaua: uhpu asuptecnaig niji itai asega er adahpoi; um lep ato niji itai asega er adenaig:

²⁷ nitai iji eigki ek asaig ehelemia ainyak an naupat, akumu asuptecnaig an lah aijaua: nitai iji eigki eka atahaijeg an tikgamia aijaua, akumu asuptecnaig ijinies irai eom unyimia aijaua.

²⁸ Jim imtitai ra aijaua era atgei ohu atimi ara, jam auatialidi par auahas nesgara: akumu imtitai yin aijaua et emda aien par auahas nohumia im lep nesgamia an pece has.

²⁹ Er ahtai inhaklin man … vai fardig et ethi; ja inyi ti… an nobohtan inyi ethi um eti … Etmamia.

³⁰ Er idim esvi numri idjini … asega.

³¹ Akumu jim imtitaig aij… eka esjilid aijaua irai hakli m… ahinag.

³² Aien inyi asuptecnaig nyak … nuhup o atimi aien, ekpu asuptec … yin ainyak an nuhup o Etmak nohatag.

³³ Aien inyi ateri nyak aien an … hup o atimi, ekpu ateri yin ainyak an nuhup o Etmak an nohatag.

³⁴ Jim aktaktai aijaua mika kis ham ainyak par ati neigpa an nobohtan: kis eti ham ainyak par ati neigpa, ja kis ham ainyak par ati nedoa.

³⁵ Kis ham ainyak par etinohun nehti jipe atimi, etpu edemda a … o un tah vai etman, im inhala… haig o un tah vai risin, im in … vai risi natamnyu un.

³⁶ Erupu edemda vaig tah … uran nimnim o un.

³⁷ Aien et aiyu alupas inliinmopon aien vai etman im risin, jam aiyu tintin inliinmopon vai nyak, et et upene vai nyak aien: aien et aiyu alupas inliinmopon aien vai inhalav atamaig o un im inhalav atahaig o un, jam aiyu tintin inliinmopon vai nyak, et eti upene vai nyak aien.

³⁸ Aien et eti apos nauincai atgeig o un aien, um apitac nyak, et eti upene vai nyak aien.

³⁹ Aien et imyicoho yin aien, inyi mas aien: aien inyi mas aien vai nyak, etpu leh nitai umoh iran aien.

⁴⁰ Aien et leh caua aien, et leh nyak aien; aien et leh nyak aien, et leh yin aien is abrai nyak aien;

⁴¹ aien et leh tah naprofeta aien an nidai naprofeta, etpu leh nimtan va naprofeta aien; aien et leh tah natimi upene aien an nidai natimi er… etpu leh nimtan vai natimi pe… aien;

⁴² Aien inyi aluman tah irai ilpu … upoupo iji eigki inwai aheyuyu a…e an nipjinitai aien an nidai na…i atahaijeg nyak, et inivaijec …g ek asaig ehelemia ainyak mika, leh nimtan imi yin aien.