Josua 21 - Intas Etipup

Nuarin tas alupas 21.

1 Era alupai ilpu mapoi Livai ara niji maliyum et forte eet irai itai asjaaicnaig, era lucsei ara ehele nup urai elcau asega et eche. 43 Et alupai ilpu mapoi Isreel a Atua inpece, im natumop, et idivaig intas upyi asaig o un.

¹ ERIS apan ehele Eliesar natimi ahlap, im Josua inhal u Nun, im ilpu atimi alupas esjilid u nup Isreel a ilpu atimi alupas esjilid u ilpu mapoi Livai;

² eris tas ehele ra ara Sailo an pece Kenan, um ika, Is asaig a Ihova irai Moses mika uhpu alupai cama niji maliyum par amen iran, im niji uari obohtan arehed iran va niji itai eklim edo irai pece unyima.

³ Eris alupai ilpu mapoi Livai ira ahaiji pece ura a nup Isreel niji maliyum iji igki im niji uari obohtan arehed iran, et idivaig intas o Ihova.

⁴ Is yetpan nitai asjaaicnaig uhup urai ilpu mapoi Kohad: eris lep ohuun niji maliyum is dirtiin a ilpu mapoi Livai eris ahes ehele Eron natimi ahlap ara, vai itai asjaaicnaig, ira ahaiji pece u ilpu mapoi Juta, im ilpu mapoi Simeon, im ilpu mapoi Benjamin.

⁵ Eris lep ohuun niji maliyum is ten a nahaiji ilpu mapoi Kohad ira ahaiji pece u ilpu mapoi Ifreem, im ilpu mapoi Tan, im nahaiji ilpu mapoi Manasi.

⁶ Eris lep ohuun niji maliyum is dirtiin a ilpu mapoi Cerson, vai itai asjaaicnaig, ira ahaiji pece u ilpu mapoi Isakar, im ilpu mapoi Eser, im ilpu mapoi Naftalai, im nahaiji ilpu mapoi Manasi an pece Besan.

⁷ Eris lep ohuun niji maliyum is twelv a ilpu mapoi Mererai is idivaig ilpu eteuc ira ra, ira ahaiji pece u ilpu mapoi Ruben, im ilpu mapoi Cat, im ilpu mapoi Sebulun.

⁸ Eris alupai ilpu mapoi Livai niji maliyum iji igki a nup Isreel irai itai asjaaicnaig, is idivaig is asaig a Ihova irai Moses.

⁹ Eris alupai ra niji maliyum iji igki eh mun anvai a ilpu mapoi Juta, im ilpu mapoi Simeon,

¹⁰ eris ohuun a ilpu mapoi Eron, eris lep ilpu mapoi Kohad ara, eris lep ilpu mapoi Livai ara: is idim uhup inuarin ura.

¹¹ Eris alupai ra inmaliyum u Arba, etmai Enak, inmaliyum Hibron marom, irai lola edoon Juta, im lep inuari obohtan arehed iran.

¹² Ja eris alupai Keleb inhal u Jefunni umai inmaliyum iyehki, im niji maliyum haklin iran mika yi ohuun aien.

¹³ Et um uco eris alupai ilpu mapoi Eron natimi ahlap Hibron im niji uari obohtan arehed iran, mika yi maliyum eri ahapan iran a ilpu atimi atgei atmas; im Libna im niji uari obohtan arehed iran,

¹⁴ im Jatir im niji uari obohtan arehed iran, im Estemoa im niji uari obohtan arehed iran,

¹⁵ im Holon im niji uari obohtan arehed iran, im Tibir im niji uari obohtan arehed iran,

¹⁶ im Een im niji uari obohtan arehed iran, im Jutta im niji uari obohtan arehed iran, im Bed-simes im niji uari obohtan arehed iran; niji maliyum is nain irai elcau is ero erahki.

¹⁷ Im lep an nahaijin pece u ilpu mapoi Benjamin, Cibeon im niji uari obohtan arehed iran, im Ciba im niji uari obohtan arehed iran,

¹⁸ im Anadod im niji uari obohtan arehed iran, im Almon im niji uari obohtan arehed iran; niji maliyum is for.

¹⁹ Is dirtiin niji maliyum alupas asega u ilpu mapoi Eron, ilpu atimi ahlap, im lep niji uari obohtan arehed iran.

²⁰ Eris lep ohuun niji maliyum alupas an nahaijin pece u ilpu mapoi Ifreem a ilpu mapoi Kohad nahaiji ilpu mapoi Livai marom.

²¹ Eris alupai ra Sikem ara im niji uari pece arehed iran, an lolan nedoon Ifreem, mika yi maliyum eri ahapan iran a ilpu atimi atgei atmas; im Ciser im niji uari pece arehed iran,

²² im Kibseem im niji uari obohtan arehed iran, im Bed-horon im niji uari pece arehed iran; niji maliyum is for.

²³ Im lep an nahaijin pece u ilpu mapoi Tan, Elteki im niji uari pece arehed iran, im Cibedon im niji uari pece arehed iran,

²⁴ im Ajalon im niji uari pece arehed iran, im Cadrimmon im niji uari obohtan arehed iran; niji maliyum is for.

²⁵ Im lep an nahaijin pece u nahaiji ilpu mapoi Manasi, Teanak im niji uari pece arehed iran, im Cadrimmon im niji uari pece arehed iran; inmaliyum is tu.

²⁶ Is ten niji maliyum alupas asega im niji uari obohtan arehed iran u nahaiji ilpu mapoi Kohad.

²⁷ Eris lep alupai ilpu mapoi Cerson, ilpu mapoi Livai marom, Colan an pece Besan im niji uari pece arehed iran, an nahaijin pece u nahaiji ilpu mapoi Manasi, mika yi maliyum eri ahapan iran a ilpu atimi atgei atmas; im Biestera im niji uari pece arehed iran; inmaliyum is ero.

²⁸ Im lep an nahaijin pece u ilpu mapoi Isakar, Kaison im niji uari pece arehed iran, im Tabari im niji uari pece arehed iran,

²⁹ im Jarmud im niji uari pece arehed iran, im En-cannim im niji uari pece arehed iran; niji maliyum is for.

³⁰ Im lep an nahaijin pece u ilpu mapoi Eser, Maisal im niji uari pece arehed iran, im Abton im niji uari pece arehed iran,

³¹ im Helkad im niji uari pece arehed iran, im Rihob im niji uari pece arehed iran; niji maliyum is for.

³² Im lep an nahaijin pece u ilpu mapoi Naftalai Kites an pece Calili im niji uari pece arehed iran, mika yi maliyum eri ahapan iran a ilpu atimi atgei atmas; im Hamod-tor im niji uari pece arehed iran, im Kartan im niji uari pece arahed iran; inmaliyum is eseij.

³³ Is dirtiin niji maliyum alupas asega u ilpu mapoi Cerson is idivaig ilpu eteuc ira ra, im niji uari pece arehed iran.

³⁴ Eris lep alupai ilpu mapoi Mererai, nahaiji ilpu mapoi Livai marom, an nahaijin pece u ilpu mapoi Sebulun, Jokniam im niji uari pece arehed iran, im Karta im niji uari pece arehed iran,

³⁵ im Timna im niji uari pece arehed iran, im Neehalal im niji uari pece arehed iran; niji maliyum is for.

³⁶ Im lep an nahaijin pece u ilpu mapoi Ruben, Biser im niji uari pece arehed iran, im Jahesa im niji uari pece arehed iran,

³⁷ im Ketemod im niji uari pece arehed iran, im Mifead im niji uari pece arehed iran; niji maliyum is for.

³⁸ Im lep an nahaijin pece u ilpu mapoi Cat, Remod an pece Cileat im niji uari pece arehed iran, mika yi maliyum eri ahapan iran a ilpu atimi atgei atmas; im Mehaneem im niji uari pece arehed iran,

³⁹ im Hesbon im niji uari pece arehed iran, im Jeser im niji uari pece arehed iran; niji maliyum asega is for.

⁴⁰ Et um uco eris leh niji maliyum is twelv, vai itai asjaaicnaig a ilpu mapoi Mererai, nahaiji ilpu mapoi Livai marom.

⁴¹ Is forte im eet niji maliyum alupas asega im niji uari pece arehed iran u ilpu mapoi Livai ira ahaiji pece u nup Isreel.

⁴² Is eteuc niji uari pece arehed irai maliyum alupas iji igki asega: is um uce niji maliyum alupas iji igki asega.

⁴³ Is alupai nup Isreel a Ihova inpece asega is asaig ehele ilpu retpora aien, mika etpu alupai ra aien; eris ohuun ara um amen iran.

⁴⁴ Eris amen upene ara, is idivaig intas asega u Ihova ehele ilpu retpora: is eti atidai an nuhup ura tah natimi irai ilpu atimi tak atimi ira ra; is ikni ilpu atimi tak atimi ira ra asega irai ikmara a Ihova.

⁴⁵ Is eti etjo tah nitai upene inig is asaig a Ihova ehele nup Isreel; is yetpam nitai iji ehki asega.