Josua 15 - Intas Etipup

Nuarin tas alupas 15.

1 Niji ehni inpece u ilpu mapoi Juta. 13 Nuarin u Keleb, et atoraliak aien, 16 Et leh Aksa inhalav atahig u Keleb a Odniel ehgan va nemda oun. 18 Et leh nuarin nobohtan ehele etman a Aksa. Niji maliyum u ilpu mapoi Juta. 63 Era eti esjilid irai up u Jibus ara.

¹ NAHAIJIN pece u ilpu mapoi Juta nigki, et idivaig ilpu eteuc ira ra; et yetpan nahaijin pece ura an nuarin inig et ahes nuritoga iran an nahaijin pece Itom im namasacen Sin.

² Et lep ahes nahaijin pece ura an nohmunjap u injap acen, an nafaiava inig et ahes nuritoga iran:

³ um apan an nahaijin iyehki um yetpan Meali-akrabim, um yetpan Sin, um aridjipan Ketes-barnea an nahaijin iyehki, um yetpan Hesron, um aridjipan Etar, um ahparehed pan Karkaa:

⁴ et lep ahes eahki um yetpan Asmon, um yetpan an nofowai Ijipt; um yetpan u injap: nahaijin pece unyimia nigki, an nuarin inig et ahes nuritoga iran.

⁵ Et lep amen injap acen an nahaijin pece an ridjai o un, um yetpan an yahpok u nofowai Jortan. Et lep ahes nahaijin pece inig et ahes narutu iran an nafaiava u injap an yahpok u nofowai Jortan:

⁶ um aridjipan Bed-hocla, um apan an nahaijin Bed-araba eahki; um lep yetpan u inhat u Bohan mapoi Ruben:

⁷ et lep apan nahaijin pece an niskanse Ekar um yetpan Tibir, um apan u Cilcal ubutpotet pan u nedoon Atummim, an nahaijin nofowai inig et ahes nuritoga iran: et lep apan an nahaijin pece ui wai En-simes, um yetpan En-rocel:

⁸ et lep apan an nahaijin pece an niskanse u inhal u Hinnom, um yetpan an nahaijin Jibus inig et ahes nuritoga iran; Jerusalem nigki: et lep aridjipan nahaijin pece an lolan nedoon inig et eteuc ubutpotet pan u niskanse Hinnom an nete o un, an nilpun niskanse u ilpu atimi actalactal an nuarin inig et ahes narutu iran:

⁹ eris lep ahes an lolan nedoon um asjaaicnaig nahaijin pece, um yetpan u inwai ahlau ohua u Neftoa, um yetpan irai iji maliyum an nedoon Ifron; eris lep asjaaicnaig nahaijin pece um yetpan Beala, tak idan Kirjad-jiarim:

¹⁰ et lep ahes Beala nahaijin pece um ahparehed an nete o un um yetpan u nedoon Sier; um apan an nahaijin nedoon Jiarim, Kesalon nigki, an nahaijin inig et ahes narutu iran, um asuol Bed-simes, um yetpan Timna:

¹¹ et lep yetpan nahaijin pece an nahaijin Ekron inig et ahes narutu iran: eris lep asjaaicnaig nahaijin pece um yetpan Saikron, um yetpan Beala, um yetpan Jabniil; et lep yetpan nahaijin pece u injap.

¹² Is amen injap alupas im nohmunjap iran an nahaijin an nete o un. Nahaijin pece u ilpu mapoi Juta nigki, um arehed mihtag et idivaig ilpu eteuc ira ra.

¹³ Is alupai Keleb inhal u Jifunni nuarin nobohtan aien ehele ilpu mapoi Juta, is idivaig intas o Ihova ehele Josua, inmaliyum u Arba etmai Enak, Hibron marom.

¹⁴ Is ahlo ehtaij halav atamaig u Enak eahki a Keleb, nan, Seseai, im Ahaiman, im Talmeai, ehtijis hal u Enak ahtaij.

¹⁵ Is ahes eahki aien um aridjipan ehele nup u Tibir: nidai Tibir itu acen Kirjad-sifer.

¹⁶ Is ika a Keleb, Aien et auud nup u Kirjad-sifer aien, um atoraliak inmaliyum inigki, ekpu alupai yin Aksa inhalav atahig unyak ainyak ehgan.

¹⁷ Is atoraliak a Odniel inhal u Kinas, etwai Keleb: is alupai yin Aksa inhalav atahig o un aien ehgan.

¹⁸ Is wat alaig apan aien an nimnim o un, is tas aien ehele Odniel, um ika, Ki ugyi etmak vaig tah nuarin nobohtan ainyak: is asuol irai togke o un aien; is tas ehelen a Keleb, um ika, Na merit vanhe aiek?

¹⁹ Is asuptecnaig a Aksa, um ika, Namu aiheuc vai nyak aiek; as alupai nyak nuarin nobohtan mese aiek; namu lep alupai nyak aiek nuarin et amen inwai iran. Is alupai yin inwai ijinies aien im lep inwai sepagko.

²⁰ Nahaijin pece u ilpu mapoi Juta nigki, et idivaig ilpu eteuc ira ra.

²¹ Niji maliyum u ilpu mapoi Juta ubutpotet pan Itom an nahaijin inig et ahes nuritoga iran ji igki, nan, Kabsiil, im Ifer, im Jecur,

²² im Kaina, im Timona, im Atata,

²³ im Kites, im Hesor, im Idnan,

²⁴ im Sif, im Tilem, im Bea-lod,

²⁵ im Hesor, im Hatatta, im Kiriod, im Hesron, Hesor nigki,

²⁶ im Emam, im Sima, im Molata,

²⁷ im Hesar-catta, im Hesmon, im Bed-pelet,

²⁸ im Hesar-sual, im Biersiba, im Bisjodja,

²⁹ im Beala, im Aiim, im Esem,

³⁰ im Eltolat, im Kisil, im Horma,

³¹ im Siklac, im Matmanna, im Sansanna,

³² im Lebeod, im Silhim, im Een im Rimraon: niji maliyum alupas asega et twente nain, im niji maliyum haklin iran:

³³ im lep an niskanse, Esteol, im Soria, im Asna,

³⁴ im Sanoa, im En-cannin, im Tappua im Enam,

³⁵ im Jarmud, im Atullam, im Soko, im Asika,

³⁶ im Sareem, im Atideem, im Cetera, im Ceterodeem; niji maliyum alupas et fortiin im niji maliyum haklin iran:

³⁷ im Sinan, im Hatasa, im Mictal-cat,

³⁸ im Tilean, im Mispi, im Jokdiil,

³⁹ im Lekis, im Boskad, im Eclon,

⁴⁰ im Kabon, im Lemam, im Kidlis,

⁴¹ im Ceterod, im Bed-tecon, im Neama, im Makita; niji maliyum alupas et sikstiin im niji maliyum haklin iran:

⁴² im Libna, im Ider, im Esan,

⁴³ im Jifta, im Asna, im Nisib,

⁴⁴ im Kila, im Aksib, im Marisa; niji maliyum alupas et nain im niji maliyum haklin iran:

⁴⁵ im Ekron, im niji maliyum alupas im niji maliyum haklin iran:

⁴⁶ im niji maliyum alupas asega im niji maliyum haklin ubutpotet pan Astot, an nibla Ekron im injap:

⁴⁷ im Astot, im niji maliyum alupas im niji maliyum haklin iran, im Cesa, im niji maliyum alupas im niji maliyum haklin iran, um yetpan an nofowai Ijipt, is eteuc injap alupas an nahaijin.

⁴⁸ Im lep irai lola edoon, Semir, im Jatir, im Soko,

⁴⁹ im Tana, im Kirjad-sana, Tibir nigki,

⁵⁰ im Enab, im Estemo, im Enim,

⁵¹ im Cosen, im Holon, im Cailo; niji maliyum alupas et eleven im niji maliyum haklin iran:

⁵² im Erab, im Tuma, im Isean,

⁵³ im Jenum, im Bed-tappua, im Afika,

⁵⁴ im Humta, im Kirjad-arba, Hibron nigki, im Saior; niji maliyum alupas et nain im niji maliyum haklin iran:

⁵⁵ im Meom, im Karmel, im Sif, im Jutta,

⁵⁶ im Jesriil, im Joktiam, im Sanoa,

⁵⁷ im Keen, im Cibea, im Timna; niji maliyum alupas et ten im niji maliyum haklin iran:

⁵⁸ im Halhul, im Bed-sur, im Citor,

⁵⁹ im Mearad, im Bed-enod, im Eltekon; niji maliyum alupus et siks im niji maliyum haklin iran:

⁶⁰ im Kirjad-beal, Kirjad-jiarim nigki, im Raba; inmaliyum alupas et ero im niji maliyum haklin iran:

⁶¹ im lep an namasacen, Bed-araba, im Mittin, im Sekaka,

⁶² im Nibsan, im Isamelak, im En-citai; niji maliyum alupas et siks im niji maliyum haklin iran:

⁶³ Is ehka vai ilpu mapoi Juta nahlo vaig nup u Jibus, eris amen Jerusalem ara: ja era amen Jerusalem a nup u Jibus ehele ilpu mapoi Juta um imihum pam an nopan inig.