Jona 2 - Intas Etipup

NUARIN TAS ALUPAS 2.

1 Nalaigaheni u Jona. 10 Eh imiatamaig yin vai numu.

¹ IS alaigaheni vai Ihova Atua o un a Jona an nipjinetgai numu,

² um ika, Kis ahlaig vai Ihova ainyak va nohocred unyak, is atahaijeg nyak aien; kis ahlaig ainyak anliin nehpanitai ikni atimi emesmas iran, as atahaijeg nohrak aiek.

³ As ethaigse nyak aiek an tupahuahau ithai epeau; is arehed irak nared: is agreise irak nepeau asega unyum.

⁴ Kis um ika ainyak, Eris ethaigse nyak va an jim alum nyak aiek; ja ekpu lep almoi neom ahlap upene unyum ainyak.

⁵ Et arehed irak injap, et ubutpotet u inmas unyak ainyak, et ahtag injap ijinies irak, is adei nidjinik nitai et ededel an jap.

⁶ Ek asuol ainyak u neuhni se nedoon; et atapnes nyak nobohtan irai iji mesese an tapnes o im: ja napu imiatamaig nyak aiek va nehpanitai ikni atimi emesmas iran, ak Ihova Atua unyak.

⁷ Is wat auatialidi inliinmopok ainyak, kis imiehva Ihova ainyak: is lep yetpam ehelum nalaigaheni unyak anliin neom ahlap upene unyum.

⁸ Ara era asgei irai ilpu atmas ara, era udei Natimi imiatamai ra ara.

⁹ Ja ekpu ahlap vai euc ainyak irai tas naaurinig; ekpu ehneijid intas inig ainyak kis upyi asaig ainyak. Et ahes ehele Ihova nitai imiatamaig atimi.

¹⁰ Is tas a Ihova ehele numu iyehki, is um alo irai Jona aien ubos.