Jeremaia 47 - Intas Etipup

NUARIN TAS ALUPAS 47.

Eh auahas nup u Filistia.

¹ INTAS o Ihova inig nigki is yetpam ehele Jeremaia naprofeta vai nup u Filistia, is wat eti fi auahas Cesa a Fero; nikavaig,

² Et ika a Ihova, Etpu idim ahes inwai an pece inig et ahes narutu iran um apam, etpu idivaig inwai yah emda, etpu ahgarero inpece, im niji itai asega amen iran; im inmaliyum, im lep atimi iji ig era amen iran ara: erupu ahlaig a ilpu atamaig, erupu lep aunyauwaig natimi asega era amen an pece ara.

³ Etu wit athut hors emda o un um alupas inmotjan neduon, etu wit athut jariot et ahinag o un, um alupas inmotjan niji itai arehed iran, erupu eti ahidai ra a ilpu etmara par almoi ilpu hal ura va nauatialidi u nikmara ehro;

⁴ va nadiat inig etpu yetpam par auahas nup u Filistia asega, um lep atipagki vai nup u Tairus im nup u Saiton ilpu ahri atimi asega era atau ira ra ara: etpu idim auahas nup u Filistia a Ihova, ilpu ahri atimi an pece u nup u Kaftor marom.

⁵ Era igpit a nup u Cesa; eh mun auahas ehni nup Askelon. Ak ilpu ahri atimi an niskanse, akupu attai caua aijaua va nohocred unyimia um yetpan an nahopan?

⁶ Awe, ak nauitoga u Ihova! napu eti atumop aiek um yetpan an nahopan? namu adumoij pan an cedpom aiek, um atumop, um igpa.

⁷ Et ehka par atumop, vaig inig nikavaig, et mun ati iran a Ihova vai nup Askelon, im lep vai nup u unjap; et mun ati vai nup eahki aien.