Jeremaia 35 - Intas EtipupNUARIN TAS ALUPAS 35. 1 Et imiahpas nedo upene u ilpu mapoi Rikab a Jeremaia, 12 um acaiji nedo imipalea u nup u Juta. 18 Et asan tas acis yi alwai ilpu mapoi Rikab a Atua va nedo upene ura. 1 IS wat umoh a Jehoiakim inhal u Josaia natimarid an pece Juta is ahes ehele Ihova intas inigki um yetpam ehele Jeremaia, um ika, 2 Namu apan aiek ehele ilpu mapoi Rikab, um tas ehele ra, um imiapan ra an nimnim u Ihova, an nuarin neom et ethi, um alumara waina mika eri umnyi. 3 Kis lep leh Jeasanaia inhal u Jeremaia, inhal u Habasinaia ainyak, im lep ilpu etwan, im lep ilpu halav atamaig asega o un, im lep ilpu mapoi Rikab asega; 4 kis imiapan ra ainyak an nimnim u Ihova, an nuarin neom inig u ilpu hal u Henan, inhal u Ictalaia, natimi u Atua, is asgeig pan an nuarin neom u ilpu atimi alupas an pece, is eteuc ijinies nuarin neom iyehki, ja is eteuc itlian nuarin neom u Measiya inhal u Sallum, natimi aminjinaig neucse nathatahau: 5 kis ikni an nuhup u ilpu mapoi Rikab ainyak niji hubej is ohua waina iran, im lep nipjiitai umwig iran, um ika ehele ra, Akumu umnyi waina aijaua. 6 Ja eris ika ara, Ecrupu idim eti umnyi tah waina aijama: is tas alep ehelema a Jonatab inhal u Rikab etpoma, um ika, Akumu jim umnyi waina aijaua, im ilpu hal unyimia, im ilpu mapomia, um yetpan irai iji mesese: 7 um jim uctai iyum, um jim ahwaig upsiitai, um jim ahwaig nokoro vaine, um jim ohuun tah: ja akumu amen irai eom atga aijaua irai iji opan asega; mika aki umumoh aijaua yi itu an pece inig eka idivaig ilpu atimi irai taka pece iran aijaua. 8 Ecra mun atahaijeg nohrai Jonatab inhal u Rikab etpoma aijama, va nitai iji igki asega is tas alep vaig ehelema aieu, mika ecri jim umnyi waina irai iji opan asega, aijama, im ilpu ehnaa unyima, im ilpu halav atamaig unyima, im ilpu halav atahig unyima; 9 um eti uctai iyum aijama par amen iran: ecra eti ohuun aijama nokoro vaine, im nuari obohtan, im nupsiitai: 10 ja ecra mun amen irai eom atga aijama, um atahaijeg, um ago, et idivaig intas alep asega iji ig is asaig ehelema a Jonatab etpoma. 11 Ja is wat yetpam an pece inigki a Nebukatnesar natimarid an pece Babelon, ecris ika aijama, Ti atidai akaija, um apan Jerusalem vai inpak an nedoa u nup u Kaltia, im lep vai inpak an nedoa u nup u Siria: va nitai inigki ecra amen Jerusalem aijama. 12 Is lep yetpam intas o Ihova ehele Jeremaia, um ika, 13 Et ika a Ihova esjilid acen, Atua u nup Isreel; Namu apan aiek um ika ehele nup u Juta im ilpu atimi amen Jerusalem, Et ika a Ihova, Eka esjum aijaua van he par leh nesege um atahaijeg intas unyak? 14 Era mun imiaiji intas iji ig u Jonatab inhal u Rikab a ilpu mapon, is asaig ehele ra aien, mika; eri jim umnyi waina; era idim eti umnyi waina ara um imihum pam an nopan inig, jam atahaijeg intas; alep u etpora: ja ek mun tas ehelemia ainyak, ek mun idim atidai an nuhialeg ainyak um tas; ja eka mun eti atahaijeg nyak aijaua. 15 Im lep inig, ek mun abraig; pan ehelemia ainyak ilpu aheca! unyak asega, ilpu profeta marom, ek mun idim atidai an nuhialeg; ainyak um abraig pan ra, um ika, Akumu idim adumoij pam aijaua um udei efalaig has unyimia, athi um athi ehni, um ago nedo upene, um jim apitac ilpu atmas irai iji taka pece par aheca ura, mika aki amen an pece inig aijaua kis alupai caua ainyak im lep ilpu retpomia: ja eka mun eti atgeig pam intikgamia aijaua, um eti atahaijeg nyak. 16 Era mun imiaiji intas alep: inig u etpora a ilpu mapoi Jonatab inhal u Rikab, is asaig ehele ra! aien; ja era mun eti atahaijeg: nyak a nup igcaki: 17 va nitai inigki et ika a Ihova Atua esjilid acen, Atua u nup Isreel; Akumu ato aijaua mika, ekpu imiapam ehele nup u Juta ainyak, im lep ehele ilpu atimi asega amen Jerusalem nohocred; asega inig ek mun asaig vai ra ainyak: vaig inig nikavaig, ekmun tas ehele ra ainyak, ja era! mun eti atahaijeg ara; ek mun; ahlaig vai ra ainyak, ja era mun eti ho ara. 18 Is lep ika a Jeremaia ehele ilpu mapoi Rikab, Et ika a Ihova esjilid acen, Atua u nup Isreel; Eka mun idim atahaijeg intas alep u Jonatab etpomia aijaua, um imiaiji intas asega o un, um ago nedo asega inig is tas alep vaig ehelemia aien: 19 va nitai inigki et ika a Ihova esjilid acen, Atua u nup Isreel; Inyi eti ti tah irai ilpu mapoi Jonatab inhal u Rikab par aiji an nuhup unyak um yetpan irai iji mesese. |
Vanuatu Bible (Intas Etipup) © United Bible Societies, 1863, 2019.
United Bible Societies