Jenesis 36 - Intas Etipup

Nuarin tas alupas 36.

1 Ehtaij ehnaa u Isa. 6 Et apan an nedoon Sier aien. 9 Ilpu hal u Isa. 15 Ilpu atimi alupas iji ig eris ahes irai ilpu Itai o un ara. 20 Ilpu hal u Sier, im ilpu atimi alupas iji ig eris ahes iran ara. 24 Et ecetai inwai a Ena. 31 Ilpu atimarid u nup Itom. 40 Ilpu atimi alupas iji ig eris ahes irai Isa ara.

¹ ERIS ilpu mapoi Isa, tak idan Itom, ara sji igki.

² Is lucsei ohwat ehnaa o un a Isa irai ilpu takata Kenan; nan, Eta inhalav atahig u Ilon nup u Hed, im Aholibama inhalav atahig u Ena, inhalav atahig u Sibeon nup u Haivai;

³ Im lep Basemad inhalav atahig u Ismeel natahig irai Nibejod.

⁴ Is apos Elifas imi Isa a Eta; is apos Riuel a Basemad;

⁵ Is apos Jius, im Jealam, im Kora a Aholibama: eris ilpu hal u Isa ara sji igki, eris apos ra imi yin an pece Kenan.

⁶ Is lucsei ehtaij ehnaa o un a Isa, im ilpu halav atamaig o un, im ilpu halav atahig o un, im natimi asega an nimnim o un, im kurimatau asega o un, im niji itai eklim edo irai pece asega o un, im inpadiaig asega o un is ikni aien an pece Kenan; um apan an pece o un, um udei Jekob etwan.

⁷ Is ehka vai rau namen vaig an nuarin is ethi, va niji itai urau is ahinag; is haklin inpece iyehki erus amen iran arau va niji itai eklim edo irai pece urau.

⁸ Is amen a Isa an nedoon Sier: is Itom a Isa.

⁹ Eris ahes ehele Isa etpoi nup Itom ara sji igki an nedoon Sier:

¹⁰ Nidai ohwat hal u Isa eraigki; nan, Elifas inhal u Eta ehgai Isa, im Riuel inhal u Basemad ehgai Isa.

¹¹ Eris ilpu hal u Elifas ara sji igki; nan, Timan, im Omar, im Sifo, im Cetam, im Kinas.

¹² Is ehgai Elifas inhal u Isa a Timna; is apos Amalek imi Elifas aien: eris ilpu mapoi Eta ehgai Isa ara sji igki.

¹³ Eris ilpu hal u Riuel ara sji igki; nan, Nehad, im Sira, im Sama, im Missa: eris ilpu mapoi Basemad ehgai Isa ara sji igki.

¹⁴ Ehtijis hal u Aholibama ehgai Isa, inhalav atahig u Ena, inhalav atahig u Sibeon ahtaij raigki: is apos imi Isa ehtaij aien, nan Jius, im Jealam, im Kora.

¹⁵ Eris ilpu atimi alupas irai ilp hal u Isa ara sji igki: eris ilpu hal u Elifas inhal u Isa inmeto ara sji igki; nan, Timan natimi alupas, im Omar natimi alupas, im Sifo natimi alupas, im Kinas natimi alupas,

¹⁶ im Kora natimi alupas, im Cetam natimi alupas, im Amalek natimi alupas: eris ahes ehele Elifas a ilpu atimi alupas iji igki an pece Itom; eris ilpu mapoi Eta ara sji igki.

¹⁷ Eris ilpu hal u Riuel inhal u Isa ara sji igki; nan, Nehad natimi alupas, im Sira natimi alupas, im Sama natimi alupas, im Missa natimi alupas: eris ahes ehele Riuel a ilpu atimi alupas iji igki an pece Itom; eris ilpu mapoi Basemad ehgai Isa ara sji igki.

¹⁸ Ehtijis hal u Aholibama ehgai Isa ahtaij raigki; nan. Jius natimi alupas, im Jealam natimi alupas, im Kora natimi alupas: ehtijis ahes ehele Aholibama inhalav atahig u Ena ehgai Isa ahtaij.

¹⁹ Eris ilpu hal u Isa, tak idan Itom ara sji igki, eris lep ilpu atimi alupas ura ara sji igki.

²⁰ Eris ilpu hal u Sier nup u Hor ara sji igki, eris amen an pece ara; nan, Lotan, im Sobal, im Sibeon, im Ena,

²¹ im Taison, im Iser, im Taisan: eris ilpu atimi alupas u nup u Hor ara sji igki, eris ahes irai Sier ara an pece Itom.

²² Erus hal u Lotan ahwat raigki, nan, Horai im Himam; is atahig irai Lotan a Timna.

²³ Eris ilpu hal u Sobal ara sji igki; nan, Alvan, im Manahad, im Ibal, im Sifo, im Onam.

²⁴ Erus hal u Sibeon ahwat raigki; nan, Eja, im Ena: is atimi iyehki a Ena is ecetai inwai an namasacen aien, is wat asgi niji togke u Sibeon etman aien.

²⁵ Erus hal u Ena ahwat raigki; nan, Taison, im Aholibama inhalav atahig u Ena.

²⁶ Eris ilpu hal u Taison ara sji igki; nan, Hemtan, im Esban, im Idran, im Kiran.

²⁷ Ehtijis hal u Iser ahtaij raigki; nan, Bilhan, im Seavan, im Ekan.

²⁸ Erus hal u Taisan ahwat raigki; nan, Us im Eran.

²⁹ Eris ilpu atimi alupas u nup u Hor ara sji igki; nan, Lotan natimi alupas, im Sobal natimi alupas, im Sibeon natimi alupas, im Ena natimi alupas.

³⁰ Im Taison natimi alupas, im Iser natimi alupas, im Taisan natimi alupas: eris ahes ehele Hor a ilpu atimi alupas iji igki irai ilpu atimi alupas ura an pece Sier.

³¹ Eris ilpu atimarid ara sji igki an pece Itom, an nopan iyehki is eti ti eteuc tah natimarid an pece Isreel.

³² Is atimarid an pece Itom a Bila inhal u Bior: nidai inmaliyum o un Tinheba.

³³ Is mas a Bila, ja is isjeupigmoig yin a Jobab inhal u Sira an maliyum Bosra, um atimarid.

³⁴ Is mas a Jobab, ja is isjeupigmoig yin a Husam nup u Temanai, um atimarid.

³⁵ Is mas a Husam, ja is isjeupigmoig yin a Hetat inhal u Bitat, um atimarid, aien aigki is ahau nup u Mitian aien an pece Moab: nidai inmaliyum o un Evid.

³⁶ Is mas a Hetat, jais isjeupigmoig yin a Samla nup u Masreka, um atimarid.

³⁷ Is mas a Samla, ja is isjeupigmoig yin a Saal nup u Rihobod ubutpotet pan nofowai, um atimarid.

³⁸ Is mas a Saal, ja is isjeupigmoig yin a Beal-henan inhal u Akbor, um atimarid.

³⁹ Is mas a Beal-henan inhal u Akbor, ja is isjeupigmoig yin a Hetar, um atimarid: nidai inmaliyum o un Peyu; nidai ehgan Mehetabil, inhalav atahig u Metrit, inhalav atahig u Mesahab.

⁴⁰ Nidai ilpu atimi alupas eris ahes irai Isa ji igki, is idivaig ilpu eteuc ura, um idivaig niji maliyum ura, um lep idivaig nidara; nikavaig, Timna natimi alupas, im Jided natimi alupas,

⁴¹ im Aholibama natimi alupas, ira Ila natimi alupas, im Painon natimi alupas,

⁴² im Kinas natimi alupas, im Timan natimi alupas, im Mibsar natimi alupas,

⁴³ im Mactiel natimi alupas, im Airam natimi alupas: eris ilpu atimi alupas Itom ara sji igki is idivaig niji maliyum ura an pece ura: is etpoi nup Itom a Isa.