Jenesis 19 - Intas Etipup

Nuarin tas alupas 19.

1 Et alayi nagelo et ero a Lot. 4 Er ago apat nesganimtai nup u Sotom va nedo has esjilid ura. 12 Er abrai Lot mika yi aha irai lola au par umoh. 18 Er adai intas o un um ika yi apan Soar. 24 Eh mun auahas Sotom im Gomora. 26 Et itai aduwi an moho an jap a ehgai Lot. 30 Et amen an mun nij a Lot. 31 Er ago nedo maumau um apos Moab im Amon.

¹ IS wat jupura erus apan Sotom nagelo is ero; is ateuc a Lot an neucse nathatahau Sotom: is wat ecet rau a Lot, is atidai aien, um aubilid rau, um atpuse;

² is ika aien, Ak ohwat atimarid. Arumu apam aijaurau anliin neom u naheca unyimirau, um amen an nepig, um yiri neduomirau, arupu aiji aijaurau an nuhialeg, um atga unyimirau. Erus ika arau, Oʼo; ecrupu amen an nefalaig aijumrau an nepig.

³ Is imiacaij emda rau aien; erus ahced yin arau, um apan anliin neom o un; is auanetha alupas vai rau aien, um ahen nareto incarau, erus hag arau.

⁴ Eris eti fi asjeuc ara, ja eris ahtag pan a nup u Sotom, ilpu atimi alupas, im ilpu takuras, im lep natimi asega, um arehed an neom:

⁵ eris ahlaig vai Lot ara, um ika, Natimi erahki erak eda erau mun ham ehelum arau inpig an jupura? imiapam rau ehelema, mika ecri ato rau aijama.

⁶ Is alau ijo a Lot, um atapnes an tapnes an neucse neom, um apan ehele ra,

⁷ um ika, Ak ilpu etwak, jim ago nedo has esjilid inigki aijaua.

⁸ Et, eteuc inhalav atahig unyak et ero, erus eti ato natamaig arau; ekmu imiapam rau ehelemia ainyak, akumu ago nedo inig vai, rau aijaua, eka merit vaig aijaua: jam jim ago tah nitai vai natimi eraigki; erau mun idim ham anliin neom unyak arau va nitai inigki.

⁹ Eris ika ara, Aha aiek. Eris lep ika ara, Is ham a natimi inigki par amen igcaki, ja et ika aien, etpu atimi alupas uja aien: ecrupu ago nedo has vai euc aijama inyi esjilid irai edo has vai rau. Eris ahtahlo emda Lot ara, um apan ubutpotet par auahas intapnes.

¹⁰ Erus arahpan vai Lot ahwat raliki, um aihiaig pam yin anliin neom, um atapnes an neucse neom.

¹¹ Erus ago apat nesganimtai ilpu atimi alupas im ilpu takuras an neucse neom arau: eris ahilek neucse neom ara is itu ira ra.

¹² Erus ika ehele Lot ahwat raliki, Et lep amen tah ehelum igcaki, ka oʼo? nohwauig unyum, im ilpu halav atamaig unyum, im ilpu halav atahig unyum, im niji itai asega unyum igcaki, namu iknipagki ra asega aiek an maliyum inigki:

¹³ ecrupu auahas nuarin inigki aijumrau, et esjilid acen nahlaig ura an nuhup u Ihova; et mun abrai cumrau a Ihova mika ecru auahas aijumrau.

¹⁴ Is apan a Lot, um tas ehele ilpu ohwanig o un, eris lucsei ilpu halav atahig o un ara, um ika, Atidai aijaua, um udei nuarin inigki; etpu auahas inmaliyum inigki a Ihova. Ja is idivaig natimi auyat aien ehele ilpu ohwanig o un.

¹⁵ Is wat lahlah an nuhialeg, erus ika ehele Lot ahwat agelo, Auroauro aiek, um atidai, um leh ehgam, im ohwat halav atahig unyum igcaki; va uhpu jim auahas euc an neruvaig nedo has an maliyum inigki.

¹⁶ Is eti fi auroauro aien, ja erus arahpan va nikman ahwat rahki, im nikmai ehgan, im nikmai ohwat halav atahig o un; is aiheuc vai yin a Ihova: erus imiapan yin arau, um ati yin itac.

¹⁷ Erus imiapan itac ra arau, ja is ika tah rau, Aha aiek va apu umoh; um jim atga ahidai euc aiek, um jim amen an nuarin marara; ahapan an nedoon, va uhpu jim auahas euc.

¹⁸ Is ika ehelen a Lot, Oʼo, ak Natimi alupas:

¹⁹ na num aiheuc vai naheca unyum aiek, et lep esjilid acen nedo aiheuc unyum vai nyak, na mun imiatamaig nyak aiek; et ehka vai nyak nahapan vaig an nedoon, vai yi jim yetpam irak tah nitai has, ekpu mas vaig ainyak:

²⁰ et ubutpotet inmaliyum inigki par ahapan iran, et lep haklin: inki ahapan iran ainyak, (et idim haklin), ekpu lep umoh ainyak.

²¹ Is ika ehelen aien, Ek mun adai intas unyum ainyak, inki eti auahas inmaliyum inigki ainyak vai intas unyum.

²² Auroauro aiek, um ahapan iran; et ehka vai nyak nago vaig tah nitai nau wit eti yetpan eahki aiek. Va nitai inigki eris anvi nidan inmaliyum iyehki par ika Soar, (Naklin).

²³ Is aridjai nagesega an nobohtan, ja is yetpan Soar a Lot.

²⁴ Ja is par ahes ehele Ihova an nohatag incap, im narekwas, um asuol irai Sotom im Comora;

²⁵ is auahas inmaliyum erahki aien, im nuarin marara asega, im lep natimi asega iran, im niji itai asega is ededel an uobohtan.

²⁶ Ja is easpan itac a ehgan, is eche nohun, is tup aiji aien, um idivaig noboatau an moho an jap.

²⁷ Is auroauro a Ebraham, um atidai an nuhihialeg, um yetpan an nuarin iyehki is aiji iran aien an nuhup u Ihova:

²⁸ is easpan Sotom im Comora aien, im nuarin marara asega, um almoi, ja is aridjai nadran cap an pece asega is idivaig nadrai suata.

²⁹ Is auahas niji maliyum an nuarin marara a Atua, ja is imiehva Ebraham a Atua, um abrai Lot mika yi ahapan aien, vai yi jim mas aien an nauahas vaig inmaliyum iji ig is amen iran aien.

³⁰ Is ahes Soar a Lot um aridjai, um amen an nedoon, im ohwat halav atahig o un; is imtitai g aien namen vaig Soar: is amen aien im ohwat halav atahig o un an mun nij is ethi.

³¹ Is um ika ehele inharei a inmeto, Et efatimi a etmaijau, et eti eteuc tah natamaig an pece mika yi apam eheleijau aien, et idivaig nedo an nobohtan asega:

³² tu apan akaijau, um aiumai etmaijau waina, intu amen ehelen akaijau, mika tu asvalav vai etmaijau akaijau.

³³ Erus aiumai etmarau waina arau an nepig iyehki, is umnyi aien: is apan a inmeto, um amen ehele etman: is eti ato a Lot nasjeuc vaig o un, im lep naiji vaig o un.

³⁴ Is wat lahlah an tak apnyin, is ika a inmeto ehele inharei, Ek mun idim amen ainyak ehele etmaijau an nepig iyehki: tu lep aluman waina akaijau an nepig inigki; namu apan aiek, um amen ehelen, mika tu asvalav vai etmaijau akaijau.

³⁵ Erus lep alumai etmarau waina arau an nepig iyehki: is atidai a inharei, um amen ehelen; is eti ato nasjeuc vaig o un aien, im lep naiji vaig o un.

³⁶ Et idim uco, erus opoc ahwat halav atahig u Lot vai etmarau.

³⁷ Is apos inhalav atamaig o un a inmeto, um anvi nidan par ika Moab: aien aigki et etpoi nup u Moab aien um imihum pam an nopan inig.

³⁸ Is lep apos inhalav atamaig o un a inharei, um anvi nidan par ika Benamai: aien aigki et etpoi nup Amon aien um imihum pam an nopan inig.