Jenesis 11 - Intas Etipup

Nuarin tas alupas 11.

1 Intas et ethi an nobohtan. 3 Er actaig inmaliyum Bebel. 5 Et auahas intas ura a Atua. 10 Ilpu mapoi Sem. 27 Intas vai Tira etmai Ebram. 33 Et udei inpece Ur a Tira, um yetpan an pece Heran.

¹ IS tup ethi ache nohra atimi asega an nobohtan, im intas ura.

² Eris ahes ara an nete o un, um atga, ja par ecetai nuarin marara is ethi an pece Sainar; eris amen eahki ara.

³ Eris tastas jipe ara, um ika, Ti apan akaija um ago nebrik, um ahen upene. Is hat ura nebrik, is lep ubrei ura intan apol.

⁴ Eris ika ara, Ti apan akaija um actaig inmaliyum, um lep actaig neom ijinies yi ethi yi ahlau jai an nohatag; um ati aktit nidaija, vai ti jim terimterim jipe akaija an nobohtan asega.

⁵ Is asuol se pam a Ihova, mika yi almoi niji eom ura, im lep neom ijinies iyehki, eris actaig natimi.

⁶ Is ika a Ihova, Era tup ethi ache natimi, um tup ethi ache intas ura; era atupun nauritai inigki ara: inyi ehka par acaiji ra vaig tah nitai era aktaktai ara mika eri ago.

⁷ Intijmu asuol akataij, um han auahas intas ura eahki, mika eri jim ato jipe intas ura ara.

⁸ Is imiterimterim ra a Ihova an nobohtan asega: eris eti lep actaig inmaliyum ura ara.

⁹ Va nitai inigki eris anvi nidan nuarin iyehki par ika Bebel; is idim auahas intas o atimi asega eahki a Ihova: is lep imiterimterim ra a Ihova an nobohtan asega.

¹⁰ Era ilpu mapoi Sem ara sji igki: Is umoh a Sem irai mesese is wun huntret (100), um apos Arfaksat, is uhup um ahgarero nobohtan, ja par ti pan itac inmesese is ero:

¹¹ is apos Arfaksat a Sem, ja par umoh irai mesese is faiv huntret (500), um apos ilpu halav atamaig im ilpu halav atahig.

¹² Is umoh a Arfaksat irai mesese is dirte faiv (35), um apos Sela:

¹³ is apos Sela a Arfaksat, ja par umoh irai mesese is for huntret im dri (403), um apos ilpu halav atamaig im ilpu halav atahig.

¹⁴ Is umoh a Sela irai mesese is dirte (30), um apos Iber:

¹⁵ is apos Iber a Sela, ja par umoh irai mesese is for huntret im dri (403), um apos ilpu halav atamaig im ilpu halav atahig.

¹⁶ Is umoh a Iber irai mesese is dirte for (34), um apos Pilec:

¹⁷ is apos Pilec a Iber, ja par umoh irai mesese is for huntret im dirte (430), um apos ilpu halav atamaig im ilpu halav atahig.

¹⁸ Is umoh a Pilec irai mesese is dirte (30), um apos Riu:

¹⁹ is apos Riu a Pilec, ja par umoh irai mesese is tu huntret im nain (209), um apos ilpu halav atamaig im ilpu halav atahig.

²⁰ Is umoh a Riu irai mesese is dirte tu (32), um apos Siruc:

²¹ is apos Siruc a Riu, ja par umoh irai mesese is tu huntret im seven (207), um apos ilpu halav atamaig im ilpu halav atahig.

²² Is umoh a Siruc irai mesese is dirte (30), um apos Nehor:

²³ is apos Nehor a Siruc, ja par umoh irai mesese is tu huntret (200), um apos ilpu halav atamaig im ilpu halav atahig.

²⁴ Is umoh a Nehor irai mesese is twente nain (29), um apos Tira:

²⁵ is apos Tira a Nehor, ja par umoh irai mesese is wun huntret im naintiin (119), um apos ilpu halav atamaig im ilpu halav atahig.

²⁶ Is umoh a Tira irai mesese is sevente (70), um apos Ebram, im Nehor, im Heran.

²⁷ Eris ilpu mapoi Tira ara sji igki: Is apos Ebram, Nehor, im Heran a Tira; is lep apos Lot a Heran.

²⁸ Is mas a Heran um uhup irai Tira etman an pece iyehki eris apos yin iran, nikavaig, Ur an pece Kaltia.

²⁹ Erus leh ehgarau a Ebram im Nehor: nidai ehgai Ebram Sere; im nidai ehgai Nehor Milka, inhalav atahig u Heran, is etmai Milka aien, im etmai Iska.

³⁰ Ja is eti asvalav a Sere; is ti tah inhal o un.

³¹ Is leh Ebram inhal o un a Tira, im Lot inhal u Heran mapon, im Sere nohwanig o un, ehgai Ebram inhal o un; eris ahes Ur ara, an pece u nup u Kaltia, um ahced ra par apan an pece Kenan; eris yetpan Heran ara, um amen eahki.

³² Is umoh a Tira irai mesese is tu huntret im faiv (205): is lep mas a Tira an pece Heran.