Jenesis 10 - Intas Etipup

Nuarin tas alupas 10.

1 Ilpu mapoi Noa. 2 Ilpu hal u Jefed. 6 Ilpu hal u Ham. 8 Nimrot natimarid uhup. 21 Ilpu hal u Sem.

¹ ERA ilpu mapoi Sem, im Ham, im Jefed, ehtaij halav atamaig u Noa ara sji igki: is ti pan itac nopan nahgarero vaig nobohtan, ja ehtijis par apos ilpu halav atamaig ahtaij.

² Eris ilpu hal u Jefed ara sji igki, nan, Comer, im Mecoc, im Mateai, im Jevan, im Tubal, im Misek, im Tairas.

³ Ehtijis hal u Comer ahtaij, nan, Askenas, im Raifad, im Tocarma.

⁴ Eris ilpu hal u Jevan ara sji igki, nan, Elaisa, im Tarsis, im Kitim, im Totanim.

⁵ Eris ahes irai ra sji igki a nup urai iji pece haklin; eris lep ahai ra ara, is idivaig niji tas ura, im ilpu eteuc ira ra, irai iji pece ura, athi um athi ehni.

⁶ Eris ilpu hal u Ham ara sji igki, nan, Kus, im Misreem, im Fut, im Kenan.

⁷ Eris ilpu hal u Kus ara sji igki, nan, Siba, im Havila, im Sabta, im Reama, im Sabteka: erus hal u Reama a Siba, im Titan.

⁸ Is apos Nimrot a Kus: is atupun aien um esjilid an nobohtan.

⁹ Is eucsupo emda aien an nuhup u Ihova: va nitai inigki, eris ika, Et idivaig Nimrot, neucsupo emda an nuhup u Ihova.

¹⁰ Is atupun aien um atimarid an nuarin pece Bebel, im Irek, im Akat, im Kalni, an pece Sainar.

¹¹ Is apan Asiria aien, um actaig inmaliyum Ninevi, im lep inmaliyum Rihobod, im Kela,

¹² im Risen, juju an niblai Ninevi, inmaliyum alupas iyehki, im Kela.

¹³ Eris ahes ehele Misreem, retpoi nup Ijipt, a nup u Litia, im nup Enam, im nup u Lihab, im nup u Naftuha,

¹⁴ im nup u Pedros, im nup u Kasluha; eris ahes ehele ra a nup u Filistia, im nup u Kaftor.

¹⁵ Is apos Saiton inhal o un inmeto a Kenan, im Hed;

¹⁶ Eris lep ahes ehele Kenan a nup u Jibus, im nup Emor, im nup u Circas,

¹⁷ ira nup u Haivai, im nup Arka, im nup u Saine,

¹⁸ im nup Arvat, im nup u Simar, im nup u Hemad: ja eris par terimterim an nobohtan a ilpu mapoi Kenan.

¹⁹ Is ahes Saiton nahaijin pece u nup u Kenan, um yetpan Cesa, an nefalaig alaig Cirar, um yetpan Sotom, im Comora, im Atma, im Siboem, um yetpan Lesa.

²⁰ Eris ilpu hal u Ham ara sji igki, is idivaig ilpu eteuc ura, im niji tas ura, wai iji pece ura, im lep irai iji elcau ura.

²¹ Is lep asvalav a Sem, etpoi nup Iber asega, im etwai Jefed inmeto, is idim asvalav aien.

²² Eris ilpu hal u Sem ara sji igki, nan, Ham, im Esur, im Arfaksat, im Lut, im Eram.

²³ Eris ilpu hal u Eram ara sji igki, nan, Us, im Hul, im Gider, im Mas.

²⁴ Is apos Sela a Arfaksat; is apos Iber a Sela.

²⁵ Is apos inhal o un is ero a Iber: nidan is ethi Pilec; eris ahaig nobohtan au nopan umoh o un; nidai etwan Joktan.

²⁶ Is apos Almotat a Joktan, im Silef, im Hesarmeved, im Jira,

²⁷ im Hatoram, im Usal, im Tikla,

²⁸ im Obal, im Abimeel, im Siba,

²⁹ im Ofir, im Havila, im Jobab: eris ilpu hal u Joktan ara sji igki asega.

³⁰ Eris amen Misa ara, um yetpan Sifar an lolan nedoon is ethi an ridjai o un.

³¹ Eris ahes ehele Sem ara sji igki, is idivaig ilpu eteuc ura, im niji tas ura, irai iji pece ura, im lep irai iji elcau ura.

³² Eris ilpu mapoi ehtaij hal u Noa ara sji igki, is idivaig ilpu eteuc ura, irai iji pece ura: eris ahaig niji pece asega an nobohtan ira ra ara sji igki, an nopan iyehki is ti pan itac nahgarero u inwai.