Jakobus 1 - Intas Etipup

Nuarin-tas alupas 1.

¹ AK ilpu mapoi ilpu hal o Isreel is twelv, eka terimterim jipe aijaua, ek aiheuc vai caua ainyak Jakobus, naheca u Atua im Iesu Kristo Natimarid.

² Ak ilpu etoak, akumu imyiacitak alupas aijaua, et wit yetpam iramia niji ohocred acheiachei;

³ eka idim ato aijaua mika, uhu wit oop nimyiisjis ninivaijec unyimia, uhpu atupun nedo eti auatiemda unyimia.

⁴ Ja etmu ehcohos unene nedo eti auatiemda unyimia, va akupu esjilid aijaua, um upene asega, um eti ihki natimi an tah nitai.

⁵ El et ti narapakau o un tah iramia, etmu ugni Atua vaig aien, et ahtai alupas imi atimi asega aien, um eti atuh ra; uhpu alupai yin.

⁶ Ja etmu ugni aien an nimyiisjis ninivaijec, um jim imyiisjis nahcil: aien et imyiisjis nahcil aien, et idivaig nepeau an jop aien, et ahre um elgei va nimtinjop:

⁷ etmu jim aktaktai natimi ineigki mika, etpu leh tah nitai aien ehele Natimarid:

⁸ et ero inliinmopoi natimi ineigki, um amaamai irai edo asega o un.

⁹ Eh wat atijai etoaija ineig et upoupo aien, etmu imyiacitak aien:

¹⁰ im lep natimi ikni itai, et wit upoupo aien; va nitai ineig,nikavaig, etpu ti aien et idivaig intisiancai.

¹¹ Et wat aridjai nagesega um esjilid nihlup, et idim imlai nefelelecai, et lep aijis intisian, um ti neklim upene o un is elwa; et idim ucco, etpu imlai natimi ikni itai irai iji edo o un.

¹² Et mun ahesmoij natimi ineig et leucse nohocred aien: et wat esjilid aien irai ohocred vaig o un, etpu leh korona aien va nitai umoh iran, is upyi asaig a Natimarid imi ra et aiyu inliinmopura ara vai yin.

¹³ Eh wat oop tah natimi, etmu jim ika aien et oop yin a Atua: et ehka noop Atua vaig an niji itai has, et lep eti oop tah natimi aien:

¹⁴ ja er oop ra sji eigki asega, et wat aihiai ra inmerit has ura um anai ra:

¹⁵ et wat opouc inmerit has o un tah, et apos nedo has; eh wat ago ehni nedo has, et apos inmas.

¹⁶ Ak ilpu etoak upene, akumu jim ahnag aijaua:

¹⁷ et ahes jipagko um asuol niji itai tup ahtai upene asega, im niji itai tup ahtai esjilid, ehele Etmai niji itai lah an nohatag; aien aigki et eti aurobotpotedo aien, um ti naiyu iran va nahidai yin vaig.

¹⁸ Is apos caija aien va nasaig o un an tas inivaijec, vai tupu hup nan ohoai itai akaija irai iji itai is ago aien.

¹⁹ Va nitai ineigki, ak ilpu etoak upene, erumu auroauro natimi asega um atahaijeg, jam jim efi tas, um jim efi atavaitap:

²⁰ et idim eti atupun nedo atoh ineig et ahes ehele Atua intavaitap u atimi.

²¹ Akumu lep atceijaig niji itai has asega aijaua, im nedo has et ahinag unyimia, um leh intas ineig er ahoaig anliinmopomia eropse, et emda par imyiatamaig nesgamia.

²² Akumu lep imyiaiji intas aijaua, um jim atahaijeg ache, um efaifa vai caua.

²³ El et atahaijeg intas tah, jam eti imyiaiji, et idiva natimi ineig aien et almoi nesganimtan ineig eris apos yin iran aien an nitai naunau:

²⁴ et idim almoi yin aien, um atga o un, um auroauro um eti imyiehva nalum yin vaig o un.

²⁵ Ja aien et almaijidjid intas alep upene ineig aien et ahiyi atimi, um apol iran, um atahaijeg jam eti ahnag iran, um ago nauritai, etpu ahesmoij natimi ineig va nedo o un.

²⁶ El et ika tah natimi iramia, et alaigaheni aien, jam eti aminjinaig intas o un, jam efaifa vai inliinmopon, el et takitai nalaigaheni o un.

²⁷ Nalaigaheni inivaijec um upene an nuhup u Atua Etmaija neigki, nikavaig, nateghe ilpu umnyij im ilpu takata eris emesmas a ilpu atamnyura an nohocred ura, m naminjinai yin vai yi jim has aien an nobohtan.