Ilpu Hibru 6 - Intas Etipup

Nuarin-tas alupas 6.

¹ VA nitai ineigki ekmu ude nesege uhup vai Kristo ainyak, um apan an nesege esjilid; um jim lep ati inpan neom an nadumoij u inliinmopja irai edo has, im nimyiisjis ninivaijec vai Atua,

² (nikavaig, nesege va nabaptiso, im natijaivaig nikma atimi,) im nusjai u ilpu atimi emesmas, im neruvaig ineig inyi ti lep ti.

³ El et ika a Atua, ekpu ago nitai ineig ainyak.

⁴ Et idim ehka vai ra eris upyi lah ara, um atimtim an nitai tup ahtai an nohatag, um amen ehele ra a Nesgan Upene,

⁵ um atimtim an tas upene o Atua, im niji auritai esjilid an naopan iyehki etpu yetpam,

⁶ el era adumoij ara, inyi ehka inlep imyiadumoij inliinmopura vaig, an lep atgei Inhal o Atua ura an nauincai atgeig vai ra, um imyiafakahcil yin an nuhup u atimi.

⁷ Et ika a Atua yi upene nobohtan ineigki et umnyi incaupda et ehcahinag asuol pam iran, el et ededel inceslum upene vai ra sji eig era acujitai iran ara:

⁸ ja er ude nuarin ineig et ededel nitai upunupun iran, im nefelelicai has; uhpu auroauro um asan tas has vaig, ja par apitac um ahli.

⁹ Ak ilpu etoak, et idim ucco intas unyak, ja ek idim aktaktai ainyak, nikavaig, et upene nedo unyimia um idiva nedo o atimi iji er imyiatamaig ra.

¹⁰ Et eti acalacal nedo o Atua, inyi ti ahnag an nauritai unyimia aien im nedo aiheuc unyimia, akis ago aijaua va nidan, akis wat aheca u ilpu atimi upene aijaua, um aketo um aheca ura.

¹¹ Ek lep merit ainyak mika aki emda aijaua asega, um ago nedo iyehki, um aitgaig emda inmerit unyimia, um yetpan an nehni o un:

¹² um jim auatialidi, jam apitac irai ra sji eig era leh nitai iji eigki ara eris upyi asaig, va ilimyiisjis ninivaijec ura, im nedo eti auatiemda ura.

¹³ Is wat asan tas upyi asaig a Atua ehele Ebraham, is wat ehka par asig yi aktit intas vaig tah is esjilid iran aien, is asig yi aktit intas vai yia ache aien,

¹⁴ um ika, “Ekpu idim ago nedo upene vai euc ainyak, ekpu lep ika ainyak eri ahinag acen a ilpu mapom.”

¹⁵ Et idim ucco, is eti auatiemda inliinmopon aien, ja pah leh nitai iji eigki eris upyi asaig.

¹⁶ Era asig yi aktit intas atimi vaig tah et esjilid ira ra aien: era eti lep imyiisjis itai ara vai intas upyi asig yi aktit ura, et ipjin.

¹⁷ Is um ucce, is merit alupas a Atua nasuptecnaigvaig ehele ra sji eig, erupu ohuun nitai iji eigki ara eris upyi asaig, mika et ipjin naktaktai o un, is asig yi aktit intas vaig aien:

¹⁸ mika ti imyiacitak acen akaija va nitai aktit eraig et ero, et ehka vai Atua nasaig tas ahcil vaig iran, intis aha pan akaija, mika ti asjiraig nitai ineig inta aitgaig akaija er ehvaig eheleija.

¹⁹ Et amen eheleija nitai ineig inta aitgaig akaija, et idivaig inhititautau va nesgaija, et emda um ipjin, et lep amen an nuarin itaup anliin natcai apelumai;

²⁰ is uhup a Iesu um apan an nuarin ineig vai caija, eris ati yin natimi esjilid an nahlap irai iji mesese et idivaig nati Melkisetek.