Ilpu Hibru 4 - Intas Etipup

Nuarin-tas alupas 4.

¹ VA nitai ineigki intumu imtitaig akaija, vai yi jim eti leh nuarin atumop ineig o un tah caua, eris upyi tas vaig eheleija.

² Eris asuptecnaig intas-upene eheleija, et idivaig eris asuptecnaig ehele ra; ja is eti edel intas iyehki eris asuptecnaig anliinmopoi ra sji ehki eris atahaijeg ara, eris eti imyiisjis ninivaijec vaig ara.

³ Ja intupu apan an nuarin atumop iyehki akaija ilpu atimi imyiisjis ninivaijec, et idivaig is tas aien, um ika, “Kis idim asig yi aktit intas ainyak an nedemda unyak, mika eri eti apan ara an nuarin atumop unyak;” ja is ago ehni niji auritai o un aien an naopan iyehki eris ati nobohtan.

⁴ Is ucce intas o un an nuarin-tas is ethi va nadiat seven, um ika, “Is atumop a Atua an nadiat seven va niji auritai asega o un.”

⁵ Is lep ucce intas o un an nuarin-tas ineig, um ika, “Eri eti apan ara an nuarin atumop unyak.”

⁶ Va nitai ineigki, erupu apan an nuarin atumop nahaiji ra, ja eris eti apan iran ara sji eigki, eris uhup ara um atahaijeg intas iyehki, jam imyipalea:

⁷ (im lep ineig, et asjaaicnaig nadiat et ethi aien, et ika aien irai Tevit, “An naopan ineig,” nikavaig, is wat ti pan itac inmesese is ahinag; et idivaig eris asaig, um ika, “El eka atahaijeg intas o un aijaua an naopan ineig, etmu jim ipjin inliinmopomia.”

⁸ El is alupai ra nuarin atumop a Josua, el is eti tas aien va nadiat is eche an ti pan itac vaig nitai iji ehki.

⁹ Et idim amen naopan atumop imi ilpu atimi u Atua.

¹⁰ Aien et mun apan aien an nuarin atumop o un, et atumop aien va niji auritai o un, et idivaig is atumop a Atua va niji auritai o un.)

¹¹ Va nitai ineigki ti fi auroauro akaija, um apan an nuarin atumop ineig, vai yi jim imyipalea tah na-timi, um etjo, um idivai ra.

¹² Et idim umoh intas o Atua, um emda, um esjilid an nauitoga ineig et arig nahaijin im nahaijin, et ahcai caija, um ahoai nohuja im nesgaija, im lep nidiyelcei vai caija im nucni edueija, et lep ehvaig naktaktai u inliinmopja im inmerit uja:

¹³ et lep eti eteuc tah nitai ineig er adenaig vai yin: ja er elgelgei niji itai asega um ehvaig an nuhup o un, etpu ahilek nedo uja aien.

¹⁴ ET idim eteuc a natimi esjilid an nahlap alupas uja is apan an nohatag aien, Iesu Inhal o Atua, va nitai ineigki intumu apol aktit an nalaigaheni uja akaija.

¹⁵ Et eti ehka va natimi esjilid an nahlap uja par ato nauatialidi uja; eris oop yin irai iji itai asega um idivai caija, ja is eti eteuc tah nedo has o un.

¹⁶ Va nitai ineigki intumu emda akaija um apan u dorona aiheuc o un; mika yi aiheuc vai caija aien, um atau imi caija an naopan upene.