Hosia 3 - Intas Etipup

Nuarin tas alupas 3.

1 Intas ecsipece par asuptecnaig namen has u nup Isreel an taka pece, im nimiadumoij pam ura.

¹ IS ika ehelek a Ihova, Namu lep apan aiek, etmu aiyu inliinmopom aiek vaig tah intakata et aiyu inliinmopoi etwan vai yin, ja intakata ago ingeijid, et idivaig naiyu u inliinmopoi Ihova vai nup Isreel, era apol irai ilpu atmas ara, um ahvig waina et ohua nipjiitai alupas vaig.

² Kis auarimtai intakata is ethi ainyak, mika yi amen ehelek aien, vai uari silver is fiftiin, im lep homer is ethi irai barle, im lep nahaiji homer irai barle:

³ kis um ika ehelen ainyak, Namu amen aiek um aitgaig nyak ira adiat inyi ahinag; namu jim ago ingeijid aiek, um jim amen ehele intak atamaig: ekpu lep amen ainyak um aitgai euc.

⁴ Erupu idim amen u nup Isreel ira adiat inyi ahinag, etpu ti natimarid ura, um ti natimi alupas ura, um ti nitai ahlap ura, um ti nalmui atimi ura, um ti napelumai itap ura, um ti niji atmasimai ura.

⁵ Etu wit ti pan itac nitai iji igki, erupu adumoij pam a nup Isreel, um ahilek Ihova Atua ura, im lep Tevit natimarid ura, um ecen vai Ihova um yetpan ehelen, u nedo aiheuc o un ira adiat apitac.