Hosia 2 - Intas Etipup

Nuarin tas alupas 2.

1 Nedo apat u atimi. 6 Neruvaig u Atua ira ra. 14 Niji tas upyi asaig o un mika yi asan nigpa ehele ra aien.

¹ AKUMU ika aijaua ehele ilpu etwamia, Amai; (Eka ilpu atimi unyak aijaua,) um ika ehele ilpu atahig iramia, Ruhema. (Uhpu aiheuc vai caua.)

² Akumu imiisjis emda ehele risimia aijaua, maiya, akumu imiisjis emda ehelen aijaua: et idim eti ehgak aien, ek lep eti atamnyu un ainyak: etmu atipagki ingeijid o un an nesganimtan aien, im nedo has esjilid o un an liinmopon;

³ vai ki jim atipagki apelumai o un ainyak, um ati yin yi idivaig an nadiat iyehki eris apos yin iran, um ika yi idivaig namasacen iyehki aien, um idivaig inpece iyehki et ti inwai iran, um auahas yin va nahvig wai.

⁴ Inki eti aiheuc vai ilpu hal o un ainyak; era idim ilpu hal u intakata ago ingeijid ara.

⁵ Is idim ago ingeijid a risra: is ago nedo maumau aien is apos ra aien: is idim ika aien, Ekpu apitac ilpu atamnyu unyak ainyak, era mun alupai nyak itai hegaig incak ara, im inwai lumak, im nalau irai siip unyak, im nerin cat unyak, im narakei oliv unyak, im nide vaine unyak.

⁶ Va nitai inigki ekpu ari nefalaig unyum ainyak irai itai upunupun, um actaig nathatahau, etpu eti ecetai nefalaig o un aien.

⁷ Etpu apitac ira ra aien era merit vai yin ara, ja inyi eti uhum pan ra aien; etpu ahilek ra aien, jam eti ecet ra: ja etpu ika aien, Ki apan ainyak ehele natamnyu unyak kis upyi hup ainyak um amen ehelen; is upene namen unyak an nopan iyehki, ja et has namen unyak an nopan inig.

⁸ Vaig inig nikavaig, is eti ato aien mika, kis alupai yin ainyak korn, im nide vaine, im narakei oliv, kis lep ika ainyak yi alupas silver o un im colt o un, eris ago atmasimai u Beal iran ara.

⁹ Va nitai inigki ekpu lep apam ainyak, um atipagki korn unyak an nopan o un, im nide vaine unyak an nopan o un, ekpu lep atipagki nalau, irai siip unyak ainyak, im nerin cat unyak, kis ati ainyak par aso yin iran.

¹⁰ Im lep inig, ekpu ika ainyak yi ehcohos pam nedo has o un an nuhup ura era merit vai yin ara, inyi eti imiatamaig yin tah va nikmak.

¹¹ Ekpu ika ainyak yi tiih nimiacitak asega o un, nikavaig, niji akoro o un, im niji upyi het o un, im niji adiat atumop o un, im niji asjapicnaig asega o un.

¹² Ekpu auahas niji ahapol vaine o un ainyak, im lep niji ahapol ateg o un, is ika aien vaig, Nimtan imi nyak sji igki eris alupai nyak natimi merit vai nyak: ekpu ika ainyak yi tup lelitai ache, erupu hegaig niji itai eklim edo irai pece.

¹³ Et ika a Ihova, Ekpu aru iran ainyak vai niji adiat u ilpu atmas o un, is atnamud itaiauanipin upene ehele ra aien, is yecrei yin aien irai teijig o un im nitaahnaig o un, is apitac aien ira atimi merit vai yin, jam ahnag irak.

¹⁴ Ja ekpu idim tas updak ehelen ainyak, mika yi apan an namasacen aien ekpu lep ago eropse inliinmopon eahki ainyak.

¹⁵ Eru wit ahes eahki aien, ekpu alupai jin niji ahapol vaine o un ainyak, im niskanse Ekor uri neucse neom er aitgai itai iran: etpu acesaces nohrai itai aien eahki, et idivaig an nopan iyehki is wat atahig aien, um lep idivaig an nopan iyehki is ahes an pece Ijipt aieu um aridjipam.

¹⁶ Et ika a Ihova, An nopan iyehki napu anvi nidak aiek par ika Aisai, (Natamnyu unyak); jam eti lep anvi nidak par ika Bealai (Natimi alupas unyak.)

¹⁷ Ekpu idim iknipagki idai ilpu atmas an nipjineucsen ainyak, uhpu eti lep imiehva ra va nidara.

¹⁸ An nopan iyehki ekpu asaig intas etipup ainyak vai ra ehele itai eklim edo nai pece, im lep ehele man an nauanohatag, im niji itai et atahas an nobohtan: ekpu asvi inceen nefana ainyak im lep nij va atimi im lep nedoa an pece iyehki, um ika eri umjeg ara an nigpa.

¹⁹ Ekpu aminjinanlai ehehtin ainyak irai iji mesese; maiya, ekpu idim aminjinanlai ehelum ainyak an nedo atoh, im intas atoh, im nedo upene, im tup naiheuc.

²⁰ Ekpu idim aminjinanlai ehelum ainyak an nedo inveijec: napu ato Ihova aiek.

²¹ Et ika a Ihova, An nopan iyehki ekpu atahaijeg ainyak, ekpu atahaijeg va nohatag ainyak, etpu atahaijeg nohatag va nobohtan;

²² etpu atahaijeg nobohtan vai korn, im nide vaine, im narakei oliv; erupu atahaijeg vai Jesriil nitai iji igki.

²³ Ekpu ahwaig yin imi nyak ainyak an pece iyehki; ekpu aiheuc vai yin ainyak eris eti upyi aiheuc vai yin; ekpu ika ainyak ehele ra eris ti atimi unyak; ara, Eka ilpu atimi unyak aijaua: erupu ika ara, Na Atua unyima