Habakuk 3 - Intas Etipup

NUARIN TAS ALUPAS 3.

1 Et wat alaigaheni a Habakuk et eucjeucjeucaij aien va natimi alupas u Atua. 17 Et emda aien an nimiisjis ninveijec o un.

¹ INTAS alaigaheni u Habakuk naprofeta nigki; eri acesaces nohranitai iran et idivaig nohranitai u ilpu eucsupo.

² Ak Ihova, kis atahaijeg intas vai euc ainyak um imtitaig: ak Ihova, namu ago emda nauritai unyum aiek irai mesese iji igki, namu asuptecnaig nauritai unyum aiek irai mesese iji igki; nau wit edemda vai cama aiek, imiehva nedo aiheuc unyum.

³ Is ahes Timan a Atua um apam; is lep ahes an nedoon Peran a Atua Upene. Sila. Is ataluopni nohatag inlah o un, is ohua nimiahpas yin an nobohtan.

⁴ Is idivaig nagesega inlah o un; is ahes an nikman naijoran lah: eris adenaig natimi alupas o un eahki.

⁵ Is uhup iran inmas alupas, is apitac iran nemehe ihlup.

⁶ Is aiji aien, um ika yi amaamai nobohtan: is alum nup urai iji pece aien, um ika eri eucjeucjeucaij ara; is isuoplecoplec niji lola au iji ig aien eris amen itu acen, eris imiasuol niji edoon: is eteuc itu acen nedo o un ji igki.

⁷ Kis almoi nup u Kusan ainyak mika eris ohocred ara: eris eucjeucjeucaij a nup uran pece Mitian.

⁸ Ak Ihova, as ehniv aiek vai niji wai, ka oʼo? as atavaitap aiek vai niji ofowai, ka oʼo? as edemda aiek vai injap, ka oʼo, as wat ateuc aiek irai hors unyum im niji jariot unyum par imiatamaig atimi unyum?

⁹ Eris atipagki incetpon efana unyum, as ika aiek yi ahinag acen niji mopul. Sila. As atiakoai nobohtan aiek irai ofowai.

¹⁰ Eris ecet euc niji lola au um amaamai: is ahgarero nobohtan van wai: is auoc injap, um adaigjai nikman.

¹¹ Is amen aktit nagesega im lep inmohoc an nuarin amen iran urau, an lah u niji efana unyum eris ae, im lep an naijoran lah u inmopul naunau unyum.

¹² As ahced niji pece aiek an nedemda unyum, as auwihise nup mai iji pece aiek an tavaitap unyum.

¹³ As apan aiek mika an imiata-maig ilpu atimi unyum, mika an imiatamaig ra sji igki as ikni ra aiek; as atgei ilpu atimi alupas u ilpu atimi auatatimi, um lep auahas ilpu eucsupo ura asega.

¹⁴ As ahcai natimi esjilid irai ilpu atimi alupas ura aiek irai mopul o un, is athut pam aien um idivaig nehio par imiaha cama; is imiacitak aien par imiiris ilpu ihki atimi um auahas ra.

¹⁵ As atga an niblan jap aiek im lep niji hors unyum, as lep atga aiek is wat auoc alupas injap.

¹⁶ Kis wat atahaijeg vaig ainyak, is ohocred inliinmopok ainyak, is eucjeucjeucaij narasi nipjineucsek va nohran iyehki; is yetpam nauatialidi u iji eduok, kis idim eucjeucjeucaij ainyak an muarin amen iran unyak: ja ekpu atumop ainyak an nadiat u nohocred, era wit aridjipam natimi iji igki erupu aat irama ara.

¹⁷ El et eti elum niji ateg, um eti oho niji vaine; el et eti elwa nasau irai oliv, el et eti eteuc tah nitai caig uma atimi; el eh ti inpak irai siip irai okoro ura, um ti tah kurimatau irai eom ura:

¹⁸ ja ekpu imiacitak ainyak vai Ihova, ekpu cediaig ainyak vai Atua et imiatamaig nyak aien.

¹⁹ Et emda unyak a Ihova Natimarid, etpu ika aien yi idivaig neduei anin aleg neduok, ekpu atga itai uarin ijinies unyak ai-nyak vai yin. Imi Natimi inig et esjilid irai ohraiitai aien, irai iji itai ohraiitai et eteuc inya iran.