Esra 10 - Intas Etipup

Nuarin tas alupas 10.

1 Et ago emda inliinmopoi Esra a Sekanaia par ika eri iknipagki ilpu, ehgara iji ig era up urai pece ara. 6 Et taig a Esra um asjapicnaig atimi. 9 Et wat acaiji atimi a Esra, era adumoij an liinmopora ara, um ika yi eche nedo ura. 15 Era aminjinaig nedo ura ara um ago. 18 Nida atimi iji ig eris lucsei ilpu ehgara ara irai up urai pece.

¹ IS ago nalaigaheni a Esra, um asuptecnaig nedo has u atimi, um taig, um eropse an nuhup u neom u Atua, ja eris asjapicnaig pam ehelen natimi is ahinag irai up Isreel, ilpu atamaig im ilpu takata im ilpu halav: is esjilid acen intaig u atimi.

² Is tas a Sekanaia inhal u Jehaiel, mapoi Ilam, um ika ehele Esra, Ecris ago nedo has aijama vai Atua uja, um lucsei ilpu takata irai pece ehgama irai up uran pece: ja kit etpu lep aiheuc vai nup Isreel a Atua.

³ Va nitai inigki intumu asan tas etipup uja akaija ehele Atua uja, mika eri iknipagki ilpu ehgara asega, im ilpu halav ura, et idivaig intas unyum, ak natimi alupas unyak, im intas ura era eucjeucjeucaij ara vai intas alep u Atua uja; uhmu ago et idivaig intas alep.

⁴ Atidai aiek; et unyum nitai inigki: ecrupu amen ehelum aijama: namu emda aiek, um ago.

⁵ Is atidai a Esra, ja eris asaig ehelen intas aktit ura a ilpu atimi ahlap esjilid, im ilpu mapoi Livai, im nup Isreel asega, mika eri ago et idivaig intas inigki ara. Eris idim asan tas aktit ura ara.

⁶ Is atidai an nuhup u neom u Atua a Esra, um apan an nuarin neom u Johenan inhal u Elaiasib: is yetpan eahki aien, jam eti caig tah nitai caig, um eti umnyi inwai: is idim taig aien va nedo has u ra sji ehki eris lucsei pan ra.

⁷ Eris imiapaahni intas an pece Juta im lep Jerusalem ehele nup Isreel asega eris lucsei pan ra, mika eri asjapicnaig Jerusalem ara;

⁸ um ika, Aien aigki inyi eti ham aien ira adiat inyi eseij, et idivaig intas o ilpu atimi alupas im ilpu atimi tas alep, uhmu iknipagki inpadiaig asega o un, um atipagki yin ira atimi eris lucsei pan ra.

⁹ Ja eris asjapicnaig pam Jerusalem a nup u Juta im nup u Benjamin asega ira adiat is eseij. Is adiat twentied iyehki, an mohoc naind; eris ateuc natimi asega an nuarin lah an neom u Atua, um eucjeucjeucaij va nitai inigki, im lep incopda alupas.

¹⁰ Is atidai a Esra natimi ahlap, um ika ehele ra, Akis ahnag aijaua, um lucsei ilpu takata irai pece ehgamia, et lep esjilid nedo ahnag u nup Isreel vaig.

¹¹ Va nitai inigki asuptecnaig nedo has unyimia ehele Ihova Atua u ilpu retpomia, um imiaiji intas o un: um atidjimia irai up uran pece, im lep ilpu takata irai pece.

¹² Eris asuptecnaig natimi asega an nohrara ijinies, um ika, Et idim upene, ecrumu ago aijama et idivaig na mun asaig aiek.

¹³ Ja era ahinag natimi, et lep alupas incopda an nopan inig, et ehka vai cama naiji vaig ijo, eri lep eti ti ago ehni nitai inigki an nadiat inyi ethi ka inyi ero: ecra ahinag aijama ilpu atimi ahnag an nitai inigki.

¹⁴ Erumu aiji a ilpu atimi alupas asega unyima, erumu lep apan ehele ra irai opan asaig ara asega irai iji maliyum unyima, eris lucsei ilpu takata irai pece ehgara, erumu lep ahced ra a ilpu atimi alupas irai iji maliyum, im ilpu atimi tas alep iran, um imihum pan an nopan iyehki etpu ti nedemda alupas u Atua uja va nitai inigki.

¹⁵ Ja is aminjinaig nitai inigki a Jonadan inhal u Asahel, im Jehasaia inhal u Tikva: erus lep atau imi rau a Misullam im Sabedeai ohwat mapoi Livai.

¹⁶ Eris ago is uce natimi iji ehki eris lucsei pan ra. Is ikni hal irai ilpu atimi alupas esjilid a Esra natimi ahlap, eris anvi nidara asega, eris lep ateucse ara par ahilek nitai inigki an nadiat uhup an mohoc tend.

¹⁷ Eris ahilek ehni ara ira atimi asega eris lucsei ilpu takata irai pece ehgara an nadiat uhup an mohoc uhup.

¹⁸ Eris lep ato mika eris lucsei ilpu takata irai pece ehgara ara sji igki irai ilpu hal u ilpu atimi ahlap: nikavaig, hal irai ilpu hal u Josua inhal u Josatak, im ilpu etwan; nan, Measiya, im Eliiser, im Jerib, im Cetalaia.

¹⁹ Ja eris asan tas aktit ura ara, mika erupu atcijaig ehgara ara; is idim amen nedo has ira ra, eris ahlap ara irai siip atamaig vai nedo ahnag ura.

²⁰ Im ohwat raigki irai ilpu mapoi Immer; nan, Hananai, im Sebataia.

²¹ Im hal irai ilpu mapoi Herim; nan, Measiya, im Elaija, im Semeaia, im Jehaiel, im Ussaia.

²² Im hal irai ilpu mapoi Pesur; nan, Ileoyine, im Measiya, im Ismeel, im Nedaniil, im Josabat, im Elasa.

²³ Im lep hal irai ilpu mapoi Livai; nan, Josabat, im Simeai, im Keleaia, (tak idan Keleta,) im Pedahaia, im Juta, im Eliiser.

²⁴ Im lep tah irai ilpu atimi acesaces nohranitai; nan, Elaiasib; im ehtaij rahki irai ilpu atimi aminjinaig neucse neom; nan, Sallum, im Tilem, im Urai.

²⁵ Im lep ra sji igki irai up Isreel; nikavaig, hal irai ilpu mapoi Peros; nan, Ramaia, im Jesaia, im Malkaia, im Maiamin, im Eliesar, im Malkaija, im Bineya.

²⁶ Im hal irai ilpu mapoi Ilam; nau, Mattanaia, im Sekaraia, im Jehaiel, im Ahtai, im Jerimod, im Elaia.

²⁷ Im hal irai ilpu mapoi Sattu; nan, Ileoyine, im Elaiasib, im Mattanaia, im Jerimod, im Sebat, im A saisa.

²⁸ Im hal irai ilpu mapoi Bebeai; nan, Jehohenan, im Hananaia, im Sabbeai, im Adle.

²⁹ Im hal irai ilpu mapoi Benai; nan, Misullam, im Malluk, im Ateaia, im Jesub, im Sial, im Remod.

³⁰ Im hal irai ilpu mapoi Pehad-moab; nan, Atua, im Kilal, im Bineya, im Measiya, im Mattanaia, im Besaliil, im Binnuai, im Manasi.

³¹ Im hal irai ilpu mapoi Herim; nan, Eliiser, im Is-haija, im Malkaia, im Semeaia, im Simeon,

³² im Benjamin, im Malluk, im Semaraia.

³³ Im hal irai ilpu mapoi Hesum; nan, Mateneai, im Matada, im Sebat, im Elifelet, im Jereme, im Manasi, im Simeai.

³⁴ Im hal irai ilpu mapoi Benai; nan, Meade, im Amram, im Uel,

³⁵ im Bineya, im Betiya, im Kellu,

³⁶ im Vanaia, im Meremod, im Elaiasib,

³⁷ im Matanaia, im Mateneai, im Jeasa,

³⁸ im Benai, im Binnuai, im Simeai,

³⁹ im Selemaia, im Nedan im Ateaia,

⁴⁰ im Maknatabe im Seseai, im Sareai,

⁴¹ im Asariil, im Selemaia, im Semaraia,

⁴² im Sallum, im Amaraia, im Josef.

⁴³ Im hal irai ilpu mapoi Nibo; nan, Jiaiel, im Matedaia, im Sebat, im Sibaina, im Jateyu, im Joel, im Bineya.

⁴⁴ Eris lucsei ilpu takata irai pece ehgara ara sji igki asega: eris lep apos ilpu nai ura nahaiji ilpu ehgara.