Eksotus 26 - Intas Etipup

Nuarin tas alupas 26.

1 Napelumai adahpoi et ten uri neom atga. 7 Napelumai et eleven an nalau ira anin. 14 Napelumai adahpoi ira arasi siip atamaig. 15 Niji uaricai an neom atga, im niji itai er ipjilai iran im niji akaukau. 31 Napelumai adahpoi an nelcau. 36 Napelumai atapin va neucse neom.

¹ NAMU ago neom atga aiek ira apelumai inyi ten, napelumai yilyil eris atpelaig inya iran, um emilmat, um umjigumjig, um cap: um ago ilpu jerub iran an nauritai arapakau.

² Etmu kubit inyi twente eet nopra iran napelumai adahpoi et ethi, etmu lep kubit inyi for netgeig iran napelumai adahpoi et ethi: etmu tup apapa napelumai adahpoi asega.

³ Uhmu ahtehgaig jipe napelumai adahpoi inyi faiv; uhmu lep ahtehgaig jipe napelumai adahpoi inyi faiv et eche.

⁴ Uhmu ago inpai itai ahtehgaig emilmat an tid an napelumai adahpoi et ethi an nahaijin inig uhpu ehcil iran; uhmu lep ago an tid an napelumai adahpoi et eche an nahaijin inig uhpu ehcil iran.

⁵ Uhmu ago inpai itai ahtehgaig inyi fifte an napelumai adahpoi et ethi, uhmu lep ago inpai itai inyi fifte an tid an napelumai adahpoi et eche an nahaijin inig uhpu ehcil iran; va etpu apol jipe niji itai ahtehgaig.

⁶ Uhmu lep ago niji itai ahtehgaig inyi fifte irai colt, um ahtehgaig jipe napelumai irai iji itai ahtehgaig: etmu eom atga inyi ethi.

⁷ Uhmu lep ago niji itai adahpoi an nalau ira anin, par adahpoi neom atga iran: uhmu ago niji itai adahpoi inyi eleven.

⁸ Etmu kubit inyi dirte nopra an nitai adahpoi et ethi, etmu lep kubit inyi for netgeig an nitai adahpoi et ethi: inyi tup apapa niji itai adahpoi et eleven.

⁹ Uhmu echim ahtehgaig jipe niji itai adahpoi inyi faiv, um lep echim ahtehgaig jipe niji itai adahpoi inyi siks, uhmu lep asvahteuc nitai adahpoi siksd an nuhup u neom atga.

¹⁰ Uhmu lep ago inpai itai ahtehgaig inyi fifte an tid an nitai adahpoi et ethi, an nahaijin itac va uhpu ehcil iran; im lep inpai itai ahtehgaig inyi fifte an tid an nitai adahpoi et eche va uhpu ehcil iran.

¹¹ Uhmu lep ago niji itai ahtehgaig inyi fifte irai bras, um ikni niji itai ahtehgaig iraili pai itai, um ahtehgaig jipe niji itai adahpoi, va etpu neom atga ethi ache.

¹² Uhmu lep aijalcai nuarin nitai adahpoi inig et eled, an nahaijin neom atga itac, nahaijin nitai adahpoi et eled marom.

¹³ Uhmu lep ukak van nahaijin neom atga, im lep an nahaijin, nuarin nitai adahpoi et opra ira napelumai adahpoi, kubit inyi ethi an nahaijin im nahaijin par adahpoi.

¹⁴ Uhmu lep ago nitai adahpoi neom atga ira arasi siip atamaig eris ago cap, im lep nitai adahpoi ijinies ira arasi kuri amen an jap.

¹⁵ Uhmu ago nuaricai uri neom atga an cai sitim, um aduwi.

¹⁶ Etmu kubit inyi ten nopra an nuarincai et ethi, inyi lep kubit inyi ethi im nahaijin netgeig an nuarincai et ethi.

¹⁷ Etmu amen neduon inyi ero an nuarincai et ethi, inyi tup apapa nuarin juju iran: uhmu ago nuaricai asega an neom atga inyi uce.

¹⁸ Uhmu ago nuaricai uri neom atga inyi twente nuaricai an na-haijin inig et ahes nuritoga iran.

¹⁹ Uhmu lep ago niji itai ipjilai inyi forte irai silver itlian nuaricai et twente; nitai ipjilai yi ehro ithan nuarinicai et ethi uri neduon et ero, im lep nitai ipjilai yi ehro ithan nuarincai et eche uri neduon et ero.

²⁰ Inyi twente nuaricai an nahaijin neom atga inig et ahes narutu iran:

²¹ im lep niji itai ipjilai inyi forte irai silver urin; im nitai ipjilai yi ehro ithan nuarincai et ethi, im nitai ipjilai yi ehro ithan nuarincai et eche.

²² Uhmu lep ago nuaricai inyi siks uri nahaijin neom atga an nete o un.

²³ Uhmu ago nuaricai inyi ero uri nesvi va neom atga an nahaijin ero.

²⁴ Uhmu aroraijiraig sepagko, uhmu lep aroraijiraig ijinies an nitai arehed inyi ethi: inyi uce iran; inyi eteuc an nesvi va neom et ero.

²⁵ Inyi lep eet nuaricai, im niji itai ipjilai inyi sikstiin irai silver; yi amen nitai ipjilai yi ehro ithan nuarincai et ethi, im nitai ipjilai yi ehro ithan nuarincai et eche.

²⁶ Uhmu lep ago nakaukau an cai sitim; nakaukau inyi faiv uri nuaricai an nahaijin neom atga et ethi,

²⁷ im nakaukau inyi faiv uri nuaricai an nahaijin neom atga et eche, im lep nakaukau inya faiv uri nuaricai an nilpun neom atga an nete o un.

²⁸ Etmu yetpan nakaukau juju an nuaricai, an nilpun im lep nilpun.

²⁹ Uhmu adahpoi nuaricai irai colt, um ago niji itai arehed irai colt uri akaukau: um adahpoi nakaukau irai colt.

³⁰ Namu ago neom atga aiek, inyi idivaig nitai asjaaicnaig eris ehvaig ehelum an lolan nedoon.

³¹ Uhmu lep ago nitai atapin ira apelumai emilmat, um umjigumjig, um cap, um yilyil eris atpelaig inya iran an nauritai arapakau: uhmu lep ago ilpu jerub iran:

³² uhmu aijalcai ira auicai aduwi sitim inyi for, er adahpoi irai colt: inyi lep colt niji itai aijalcai urin, irai ipjilai et for eri ago irai silver.

³³ Uhmu lep athai napelumai atapin ithai itai ahtehgaig, um imiapan nelcau inig et amen intas alep iran an nuarin er atapin: inyi atcai vai caua juju an nuarin itap im nuarin itap acen nitai atapin.

³⁴ Uhmu ati intapnes ijinies an nelcau inig et amen intas alep iran an nuarin itap acen.

³⁵ Uhmu ati nefata an nahaijin nitai atapin itac, im lep nitai atijai incap alahala iran an nuhup u nefata an nahaijin neom atga inig et ahes nuritoga iran: ja uhmu ati nefata an nahaijin inig et ahes narutu iran.

³⁶ Uhmu lep ago nitai atapin neucse neom atga ira apelumai emilmat, um umjigumjig, um cap, um yilyil er atpelaig inya iran, er ijei almuitai iran.

³⁷ Uhmu lep ago nauicai aduwi sitim inyi faiv uri nitai atapin, um adahpoi irai colt, inyi lep colt niji itai aijcei iran: uhmu lep atho bras um ago niji itai ipjilai et faiv urin.