Aiseya 64 - Intas Etipup

Nuarin tas alupas 64.

1 Era alaigaheni a nup an nakalasia u Kristo mika yi ehvaig nemda o un a Atua. 5 Era imiahpas naiheuc o un ara um asuptecnaig nedo has ura et ahes an liinmopora. 9 Era taig ara va nohocred ura.

¹ ECRA merit alupas aijama mika an atiakoai nohatag aiek, um adip pam, mika yi amaamai niji edoon an nuhup unyum,

² et idivaig et wat atnamud nefelelicai mese incap, et lep ahlamerai inwai van cap; par asuptecnaig nidam ehele ilpu atimi tak atimi iram; erupu eucjeucjeucaij au nuhup unyum a nup urai iji pece!

³ Na wat ago nitai imtitaig alupas vaig iji ig aiek ecra eti aitgaig aijama, ecra merit alupas aijama mika an adip pam aiek, mika yi amaamai niji edoon an nuhup unyum.

⁴ Im lep inig, ahes an nopan iyehki is pam eti eteuc nobohtan, um uhum pam an nopan inig, eris eti atahaijeg natimi, eris eti ahgei an tikgara ara, um eti alum Atua inig et eche, aiek ache, an nesganimtara, etpu ago nedo inig aien va natimi inig et asgeig iran aien.

⁵ Na mun ehtet irai atimi iji ig aiek era imiacitak ara par ago nedo upene va atimi, erupu imiehva euc ara sji igki, im lep nedo unyum: na mun idim edemda aiek; vaig inig nikavaig, ecra mun ago nedo has aijama: etpu amen nedo aiheuc unyum, uhpu lep imiatamaig cama.

⁶ Ecris idivaig ilpu atimi eti adicinadicin aijama asega, is idivaig napelumai emig has nedo upene unyima asega; ecris imlai aijama asega et idivaig nerincai imlai; etpu ahlaadaig cama nedo has unyima et idivaig nimtinjap.

⁷ Et eti eteuc tah et arohwai nidam aien, um ahugni yin par asgeig iram: na mun idim adenaig nesganimtam aiek vai cama, um auahas cama va nedo has unyima.

⁸ Im lep inig, ak Ihova, na etmama aiek; ecra tau apol aijama, na atimi ago ipjiitai aiek; ecra auritai u nikmam aijama asega.

⁹ Namu jim atavaitap alupas aiek vai cama, ak Ihova, um jim imiehva nedo has unyima um yetpan irai iji mesese: namu idim almoi aiek, el et upene iram, mika ecra ilpu atimi unyum aijama asega.

¹⁰ Et amasacen inmaliyum itap unyum eraigki; et amasacen Saion, et ahyuahyu Jerusalem.

¹¹ Eh mun atnamud an cap neom itap unyima is eklim upene, eris imiahpas euc iran a ilpu etpoma: et idim umaruma niji uarin unyima asega ecris imiacitak iran aijama.

¹² Napu idim eti atapnes nedemda unyum aiek, ak Ihova, va nitai iji igki; napu idim eucsimrig aiek; napu idim auoh ohocred alupas cama aiek.