Aiseya 5 - Intas Etipup

Nuarin tas alupas 5.

1 Et asuptecnaig neruvaig esjilid o un a Atua, um ika et atoh, an tas ecsipece u nokoro vaine. 8 Neruvaig o un vai inhas irai itai, 11 vai incediaig ura, 13 vai neti ecen va Atua ura, 20 vai nedo acalacal va atimi ura. 26 Ilpu atimi iji ig era ago neruvaig va Atua ara.

¹ EL et upene iramia, ekpu acesaces nohranitai ainyak vai napa unyak, nohranitai o un marom vai nokoro vaine o un. Et ohuun nokoro vaine a napa unyak an nedoon inig et aiyu nobohtan iran:

² is acujitai iran aien, um iknipagki nupsi hat iran, um ahwaig vaine esjilid iran, um ucta neom par asjeucjinaig an nuarin juju iran, um ucji nehpanitai par ahtaijiraig nohwai vaine iran: is aitgaig aien mika yi oho um egai vaine upene, ja is egai vaine acen.

³ Va nitai inigki el et upenc iramia, ak nup u Jerusalem, im ilpu atimi an pece Juta, akumu almaijidjid nyak im nokoro vaine unyak aijaua.

⁴ Is eteuc inhe par ago vai nokoro vaine unyak, kis eti fi ago iran ainyak? Kis a uri ainyak par aitgaig mika yi egai vaine upene, is um egai vaine acen?

⁵ Va nitai inigki el et upene iramia, inki asuptecnaig ainyak ehelemia nedo inig, ekpu ago ainyak vai nokoro vaine unyak; ekpu atipagki nirahed o un ainyak, uhpu lep acaig vaig ehni; ekpu alcapdicraig nathatahau o un ainyak, uhpu lep auwihise asega:

⁶ ekpu lep ika ainyak yi amasacen: eri eti acaldei ran et takitai, um eti aminjinaig; etpu edel iran niji itai upunupun im nefelelicai has: ekpu lep acaiji niji apat ainyak, mika eri jim ehe iran.

⁷ Vaig inig nikavaig, et okoro vaine u Ihova esjilid acen a nup Isreel, era lep ahtaicai esjilid o un a ilpu atimi an pece Juta: is aitgaig nedo atoh ura aien, ja is ehcohos pam natgei atmas ura; is aitgaig nedo upene ura aien, jam ahgei intaig va nehcerucai atimi ura.

⁸ Kaiheuc vai ra sji igki era ikni imnim ui tak atimi irai imnim ura ara, um ikni uari obohtan ui tak atimi irai uari obohtan ura, ja et par ti tah nuarin vai natimi et eche, mika aki echim amen an niblan pece aijaua!

⁹ Et ika ehelek a Ihova emda acen, Et idim inveijec nitai inig, uhpu uhna an neom inyi ahinag, eom alupas um upene marom, inyi eti amen tah natimi iran.

¹⁰ Im lep inig, eri ahwai ekir inyi ten irai okoro vaine, ja par ehlek bad inyi ethi ache, eri lep ahwai nupsi hwiit inyi ohua nipjinitai iran inyi ten, ja par ehlek nipjinitai inyi ethi ache.

¹¹ Kaiheuc vai ra sji igki era atidai an nuhihialeg ara, miki eri umnyi kava ara; um amen um yetpan an nepig, ja par ahnag vai waina ara.

¹² Et eteuc irai hag alupas ura a harp, im vaiol, im nelcau er auud, im inhutlavlav, im kava: ja era eti imiehva nauritai inig et ago a Ihova, um eti aktaktai neruvaig an nikman.

¹³ Va nitai inigki eris imiapan ilpu atimi unyak irai taka pece, va neti ato itai ura: era erek a ilpu atimi alupas ura um ahvig nitai caig; era lep areci tup natimi asega um ahvig wai.

¹⁴ Va nitai inigki et ika a Uma atmas yi alupas, et mun asalgei alupas nipjineucsen: era lep asuol sepan iran a ilpu atimi alupas ura, im tup natimi et ahinag ura, im ilpu atimi esjilid ura, im ilpu atimi imiacitak ura,

¹⁵ Era apakapak a ilpu ihki atimi, eh mun imiasuol ilpu atimi emda, et upoupo nesganimtai atimi et ijinies inliinmopora ara:

¹⁶ ja eh mun imiaridjai Ihova esjilid acen an neruvaig o un, eh mun lep imitakehki Atua inig et emda aien um upene an nedo atoh o un.

¹⁷ Erupu eklim hag iran niji hakli siip et idivaig an nuarin hag iran ura; erupu hegaig irai uari obohtan u ilpu atimi alupas niji pak irai siip u nup urai taka pece.

¹⁸ Kaiheuc vai ra sji igki era ahiaig nedo has ura ara irai ya an takitai, im nauatatimi ura irai jaula alupas:

¹⁹ um ika, Etmu jim atumop aien, jam auroauro um ago nauritai o un, mika ecri ecetai aijama: etmu apam ubutpotet intas anac-anac u Atua upene u nup Isreel, mika ecri ato aijama!

²⁰ Kaiheuc vai ra sji igki era ika ara et upene nitai has, um has nitai upene; era ati napat ara vai inlah, im inlah vai napat; era ati nitai acen ara vai nitai aiyu, im nitai aiyu vai nitai acen!

²¹ Kaiheuc vai ra sji igki era aktaktai ara mika era arapakau ara, um asaig mika era amarero ara 1

²² Kaiheuc vai ra sji igki era emda ara par umnyi waina, um atimi emda par ago pelaig kava emda:

²³ era asaig ara vai nimtan mika et atoh nedo o ilpu atimi auatatimi, um atipagki ehele ilpu atimi upene nedo atoh ura!

²⁴ Et idim atnamud nefelelicai mese incap, et lep cas narasi itai va nalaume u incap, et idim uco, etpu mutit neucvara, etpu lep aridjai intisiara et idivaig nohpa: vaig inig nikavaig, era mun atladwi intas alep u Ihova esjilid acen ara, um imipalea intas o Atua upene u nup Isreel.

²⁵ Va nitai inigki et mun ere intavaitap u Ihova vai ilpu atimi o un, is mun ada nikman aien vai ra, um auud ra: is lep omoi niji edoon, is idivaig nohok nohura an niblai efalaig. Is eteuc nitai iji igki asega ja et eti adumoij pan intavaitap o un, et lep adaigjai nikman aien.

²⁶ Et lep imiaridjai nitai ahlaig aien vai nup urai pece itac acen, et lep ahlaig aien vai ra ehele intid an nobohtan: maiya, erupu idim auroauro ara um apam:

²⁷ et eti auatialidi tah ra um epihtau; et eti imtate tah ra um umjeg; eh mun eti ahiyi nitai ahid o un tah ra; et eti omot nitai arore incedpun neduon tah ra:

²⁸ et arig niji efana ura, eris aiyihi niji ceen nefana ura, et idivaig inhat niji eduei hors ura, um idivaig naop yi atmas niji jariot ura:

²⁹ erupu aunyauwaig ara et idivaig laion atahig, erupu idim aunyauwaig ara et idivaig laion takuras: maiya, erupu ilmu ara, um arop irai itai; erupu imiapan upene itai ara, ja inyi eti imiaras tah nitai tah.

³⁰ Au nadiat iyehki etpu idivaig inmotjan jap inmotjara vai ra: el et easpan inpece tah, etpu ecetai napat aien; et eteuc nohocred im inlah, et lep apat irai epig iran.