Aiseya 4 - Intas Etipup

Nuarin tas alupas 4.

Etu wit esjilid namen has ura, etpu uarin atpuh iran nelcau u Kristo.

¹ AN nadiat iyehki erupu asjiraig natimi inyi ethi a ilpu takata inyi seven, um ika, Ecrupu hegaig nitai caig unyima aijama, um aso cama ira apelumai unyima: nigki ache, uhmu anvai nidam irama; namu atipagki nitai ehcamai vaig unyima aiek.

² An nadiat iyehki etpu eklim upene um esjilid a Inrai Ihova; etpu lep adale um eklim upene a Nohwai itai an nobohtan, vai nup Isreel iji ig eris imialep ra.

³ Etpu idim uco, nikavaig, ara uhpu udei ra Saion, um lep ara erupu amen Jerusalem ara, eri anvi nidara par ika ilpu atimi upene, ara asega marom, er aged ra irai ilpu atimi umumoh Jerusalem:

⁴ etu wit yiri nedo has esjilid u ilpu takata Saion a Natimarid, um atipagki natgei atmas irai nup u Jerusalem an nibla atimi iran, an Nesgan neruvaig im Nesgan cap.

⁵ Etpu ati a Ihova irai uarin asega an nedoon Saion, im lep ira atimi asjapicnaig o un, napat im nadran cap an nadiat, im naijoran nalaume u incap an nepig: etpu idim eteuc nitai imialeg ijinies irai itai esjilid asega iji igki.

⁶ Etpu eteuc neom atga, etpu aiyu va nihlup an nadiat, etpu atapin um uarin atpuh iran vai nehio im lep vai incopda.