Aiseya 39 - Intas Etipup

Nuarin tas alupas, 39.

1 Et wat atahaijeg a Merotak-balatan va nitai imiali iyehki, et abrai hal aien mika eri apan ara par ateghe Hesekaia, et ehvaig ehele ra naga o un a Hesekaia. 3 Et wat ato nitai inigki a Aiseya, et upyi asaig aien um ika eri arore nup u Juta, um imiapan ra an pece Babelon.

¹ AN nopan iyehki is ika a Merotak-balatan, inhal u Balatan, natimarid an pece Babelon, eri imiapan naiheuc o un im niji itaasviitai o un imi Hesekaia: is idim atahaijeg aien mika is emehe aien, ja is par cehcehe aien.

² Is imiacitak vai ra a Hesekaia, um ehvaig ehele ra neom irai iji itai esjilid o un, im silver, im colt, im niji itai auanipin upene, im narakei upene, im neom asega irai ij va atimi, im niji itai asega eris ikni ira aga o un: is eti eteuc tah nitai an nimnim o un, im lep an nelcau asega o un, is eti ehvaig ehele ra a Hesekaia.

³ Ja is yetpan ehele Hesekaia natimarid a Aiseya naprofeta, um ika ehelen, Era mun asaig inhe natimi iji igki? era mun ahes eda ara um yetpam ehelum? Is ika a Hesekaia, Era mun ahes an pece itac acen ara, era mun ahes Babelon ara um yetpam ehelek.

⁴ Is ika aien, Era mun almoi inhe an nimnim unyum ara? Is ika a Hesekaia, Era mun almoi niji itai asega an nimnim unyak ara: et eti eteuc tah nitai irai aga unyak ek mun eti ehvaig ehele ra ainyak.

⁵ Is ika a Aiseya ehele Hesekaia, Namu atahaijeg aiek intas o Ihova esjilid acen:

⁶ Namu ato aiek, nikavaig, etpu yetpam nopan iyehki, uhpu imiapan Babelon niji itai asega an nimnim unyum, im nitai iji igki is asjapicnaig a etmam im lep ilpu retpom um imihum pam an nopan inig: et ika a Ihova, Inyi eti amen tah nitai.

⁷ Uhpu iknipagki ilpu halav atamaig unyum im ilpu mapom, erupu ahes ehelum ara, napu apos ra aiek; erupu aheca ara an nim-nim u natimarid an pece Babelon.

⁸ Is ika a Hesekaia ehele Aiseya, Et upene intas o Ihova inig na mun asaig aiek. Im lep inig, is ika aien, Etpu idim eteuc nigpa im nedo inveijec an nopan umoh unyak.